ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

2 ಮತ್ತು 3 ನೇ ಹಂತದ ಪಟ್ಟಣಗಳಲ್ಲಿ ಸೇವೆ ಆರಂಭಿಸಿದ ಫ್ಲಿಪ್‍ಕಾರ್ಟ್

|
Google Oneindia Kannada News

ಬೆಂಗಳೂರು, ಸೆಪ್ಟಂಬರ್ 09, 2019: ಭಾರತದಲ್ಲಿ ಮುಂಚೂಣಿಯಲ್ಲಿರುವ ಇ-ಕಾಮರ್ಸ್ ಮಾರ್ಕೆಟ್‍ಪ್ಲೇಸ್ ಫ್ಲಿಪ್‍ಕಾರ್ಟ್ ಕಳೆದ ಆರು ತಿಂಗಳಲ್ಲಿ ಹೆಚ್ಚುವರಿಯಾಗಿ 800 ಕ್ಕೂ ನಗರಗಳು ಮತ್ತು ಪಟ್ಟಣಗಳಲ್ಲಿ ತನ್ನ ಪಿಕ್-ಅಪ್ ಕಾರ್ಯಾಚರಣೆಯನ್ನು ಆರಂಭಿಸಿದೆ. ಈ ಉಪಕ್ರಮದಿಂದ ಸಾವಿರಾರು ಹೊಸ ಮಾರಾಟಗಾರರು, ಎಂಎಸ್‍ಎಂಇಗಳಿಗೆ, ತಯಾರಕರಿಗೆ ಮತ್ತು ಕುಶಲಕರ್ಮಿಗಳು ಇ-ಕಾಮರ್ಸ್ ಜಾಲದಲ್ಲಿ ಬರಲು ನೆರವಾಗಲಿದೆ.

ಫ್ಲಿಪ್‍ಕಾರ್ಟ್‍ನ 'ದಿ ರೀಚ್ ಪ್ರಾಜೆಕ್ಟ್' ಎಂಬ ಈ ಉಪಕ್ರಮವನ್ನು ಕಳೆದ ಫೆಬ್ರವರಿಯಲ್ಲಿ ಆರಂಭಿಸಲಾಗಿತ್ತು. ದೇಶದ ಸೇವೆ ಅಲಭ್ಯತೆ ಇರುವ ಭಾಗಗಳಲ್ಲಿ ಮಾರಾಟಗಾರರಿಂದ ಬಂದ ಮನವಿಗಳನ್ನು ಪೂರೈಸುವ ಮತ್ತು ಪಿಕ್-ಅಪ್ ಸಾಮಥ್ರ್ಯಗಳನ್ನು ಹೆಚ್ಚಿಸುವ ನಿಟ್ಟಿನಲ್ಲಿ ಈ ಯೋಜನೆಯನ್ನು ಜಾರಿಗೊಳಿಸಲಾಗಿತ್ತು.

ಪ್ಲಾಸ್ಟಿಕ್ ಬಳಕೆ ನಿರ್ಮೂಲನೆಯತ್ತ ಫ್ಲಿಪ್‍ಕಾರ್ಟ್ ದಾಪುಗಾಲುಪ್ಲಾಸ್ಟಿಕ್ ಬಳಕೆ ನಿರ್ಮೂಲನೆಯತ್ತ ಫ್ಲಿಪ್‍ಕಾರ್ಟ್ ದಾಪುಗಾಲು

ಈ ವಿಸ್ತರಣೆ ಯೋಜನೆಯಿಂದ ಈ ನಗರಗಳು ಮತ್ತು ಪಟ್ಟಣಗಳ 60,000 ಕ್ಕೂ ಅಧಿಕ ಮಾರಾಟಗಾರರಿಗೆ ವಿಶೇಷವಾಗಿ ಹಬ್ಬದ ಸಂದರ್ಭದಲ್ಲಿ ನೆರವಾಗಲಿದೆ. ಈ ಮೂಲಕ ದೇಶಾದ್ಯಂತ ಹೊಸದಾಗಿ ಶೇ.40 ಕ್ಕೂ ಹೆಚ್ಚು ಪಿನ್‍ಕೋಡ್‍ಗಳ ಸೇರ್ಪಡೆಯಾಗಿದೆ. 3 ನೇ ಹಂತದ ನಗರಗಳು ಮತ್ತು ಪಟ್ಟಣಗಳಲ್ಲಿ ಫ್ಲಿಪ್‍ಕಾರ್ಟ್ ಸೇವೆ ಆರಂಭವಾಗಿದ್ದು, ಈ ಮೂಲಕ ಫ್ಲಿಪ್‍ಕಾರ್ಟ್‍ನ ಈ ರೀಚ್ ಪ್ರಾಜೆಕ್ಟ್ ನಿಂದ ಬಹುತೇಕ ಶೇ. 50 ರಷ್ಟು ಪಿನ್‍ಕೋಡ್‍ಗಳಲ್ಲಿ ಸೇವೆಗಳನ್ನು ನೀಡುವಂತಾಗಿದೆ.

Flipkart expands service in tier 2 and tier 3 cities of India

ಈ ವಿಸ್ತರಣೆ ಯೋಜನೆ ಬಗ್ಗೆ ಮಾತನಾಡಿದ ಫ್ಲಿಪ್‍ಕಾರ್ಟ್ ಗ್ರೂಪ್‍ನ ಸಿಇಒ ಕಲ್ಯಾಣ್ ಕೃಷ್ಣಮೂರ್ತಿ ಅವರು, "ಫ್ಲಿಪ್‍ಕಾರ್ಟ್‍ನ ಈ ಉಪಕ್ರಮದ ಮೂಲಕ ಹೆಚ್ಚಿನ ಪಿನ್‍ಕೋಡ್ ಅಂದರೆ ಇನ್ನೂ ಹೆಚ್ಚು ಸ್ಥಳಗಳಲ್ಲಿ ಸೇವೆಗಳನ್ನು ಒದಗಿಸಲು ಸಾಧ್ಯವಾಗುತ್ತಿದೆ. ಈ ಮೂಲಕ ಇ-ಕಾಮರ್ಸ್ ಅನ್ನು ಸಾರ್ವತ್ರಿಕಗೊಳಿಸುವ ಮತ್ತು ಮೆಟ್ರೋ ನಗರಗಳ ಹೊರತಾಗಿ ಇನ್ನಿತರೆ ಪಟ್ಟಣ-ನಗರಗಳ ಮಾರಾಟಗಾರರು, ಎಂಎಸ್‍ಎಂಇಗಳಿಗೆ ಹಾಗೂ ಕುಶಲಕರ್ಮಿಗಳಿಗೆ ಪ್ರಯೋಜನ ನೀಡುವ ವೇದಿಕೆಯನ್ನು ನಿರ್ಮಾಣ ಮಾಡುವ ನಮ್ಮ ಬದ್ಧತೆಯನ್ನು ಪ್ರದರ್ಶಿಸಿದಂತಾಗಿದೆ.

ಮೋದಿ ಸ್ಕಿಲ್ ಇಂಡಿಯಾ: 20 ಸಾವಿರ ಸಿಬ್ಬಂದಿಗೆ ಫ್ಲಿಪ್ ಕಾರ್ಟ್ ಟ್ರೈನಿಂಗ್ಮೋದಿ ಸ್ಕಿಲ್ ಇಂಡಿಯಾ: 20 ಸಾವಿರ ಸಿಬ್ಬಂದಿಗೆ ಫ್ಲಿಪ್ ಕಾರ್ಟ್ ಟ್ರೈನಿಂಗ್

ಹೆಚ್ಚು ಹೆಚ್ಚು ಸಣ್ಣ ಮತ್ತು ಮಧ್ಯಮ ವರ್ಗದ ವ್ಯವಹಾರಗಳನ್ನು ಸಬಲೀಕರಣಗೊಳಿಸುವ ಮೂಲಕ ಗ್ರಾಹಕರ ಸಂಖ್ಯೆಯನ್ನು 150 ದಶಲಕ್ಷಕ್ಕೆ ಹೆಚ್ಚಿಸಿಕೊಳ್ಳುವತ್ತ ಫ್ಲಿಪ್‍ಕಾರ್ಟ್ ಗಮನಹರಿಸಿದೆ. ಈ ಬಾರಿಯ ಹಬ್ಬದ ಸಂದರ್ಭವು ಫ್ಲಿಪ್‍ಕಾರ್ಟ್‍ಗೆ ಅತಿದೊಡ್ಡ ಅವಕಾಶವನ್ನು ಕಲ್ಪಿಸಿದ್ದು, ಎಂಎಸ್‍ಎಂಇಗಳು, ಮಾರಾಟಗಾರರರು, ಗ್ರಾಮೀಣ ಪ್ರದೇಶಗಳ ಉದ್ಯಮಿಗಳು, ಕುಶಲಕರ್ಮಿಗಳು ಮತ್ತು ನೇಕಾರರು ಇ-ಕಾಮರ್ಸ್ ವ್ಯವಹಾರದಲ್ಲಿ ಪಾಲ್ಗೊಳ್ಳಲು ನೆರವಾಗುತ್ತಿದೆ" ಎಂದು ತಿಳಿಸಿದರು.

ದೇಸೀಯ ಕಂಪನಿಯಾಗಿರುವ ಫ್ಲಿಪ್‍ಕಾರ್ಟ್ ದೇಶದ ಮೂಲೆಮೂಲೆಗಳಿಗೂ ತನ್ನ ಸೇವೆಯನ್ನು ತಲುಪಿಸುವ ಉದ್ದೇಶವನ್ನು ಹೊಂದಿದ್ದು, ಈ ಮೂಲಕ ಸಾರ್ವಜನಿಕರ ಸುಸ್ಥಿರವಾದ ಜೀವನೋಪಾಯ ಮತ್ತು ಕಲ್ಯಾಣವನ್ನು ನಿರ್ಮಾಣ ಮಾಡುವ ಉದ್ದೇಶವನ್ನು ಹೊಂದಿದೆ.

English summary
Flipkart said on Thursday it has expanded the reach of its pick-up operations in tier 2 and tier 3 cities of India in 800 additional cities and towns in the last six months.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X