Click it and Unblock the Notifications
Just In
-
-
-
Don't Miss
-
Google: ಗೂಗಲ್ ಪಿಕ್ಸೆಲ್ 8a ಬೆಲೆ ಮಾಹಿತಿ ಲೀಕ್! ಈ ಫೋನ್ ಫೀಚರ್ಸ್ ಏನು? -
ಯುವಕರಿಗೆ ಸಿಹಿಸುದ್ದಿ: ಕೈಗೆಟುಕುವ ಬೆಲೆ, ಮಾಸ್ ಲುಕ್ನಲ್ಲಿ ಬರುತ್ತಿದೆ ಹೊಸ ಬಜಾಜ್ ಪಲ್ಸರ್ 400 ಬೈಕ್ -
ಇನ್ಮುಂದೆ ನಿಮ್ಮ ಜಮೀನಿನಲ್ಲಿ ನೀವು ಮನೆ ಕಟ್ಟೋದಕ್ಕೂ ಸರ್ಕಾರದ ಅನುಮತಿ ಅಗತ್ಯ, ಏನಿದು ಹೋಸ ನಿಯಮ? -
ಉಪ್ಪು ನೀರಿನಿಂದ ಮುಖ ತೊಳೆದರೆ ಆಗುವ ಲಾಭವೇನು.? ಇದರ ಅನಾನುಕೂಲವೇನು ಗೊತ್ತಾ? -
IPL 2024: ಆರ್ಸಿಬಿ ಕಪ್ ಗೆಲ್ಲದಿರಲು ಅತಿಯಾದ ಪಾರ್ಟಿ ಕಾರಣವೇ?; ರೈನಾ ಬಿಚ್ಚಿಟ್ಟ ಸತ್ಯ -
ಕಲರ್ಫುಲ್ ಲೈಟು.. ಡಿಂಪಲ್ ಸ್ಮೈಲು.. 'ಸಂಜು ವೆಡ್ಸ್ ಗೀತಾ 2' ಒಂದು ಹಾಡಿನ ಸೆಟ್ಟಿಗೆ ಬರೋಬ್ಬರಿ ₹50 ಲಕ್ಷ! -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಇ ಕಾಮರ್ಸ್ ಕಂಪೆನಿಗಳು ನಷ್ಟದಲ್ಲಿ ನಡೆಯುತ್ತಿವೆಯೇ?
ಬೆಂಗಳೂರು, ಆಗಸ್ಟ್ 22: ಫ್ಲಿಪ್ ಕಾರ್ಟ್ ನಲ್ಲಿ ಪರ್ಫಾಮೆನ್ಸ್ ಚೆನ್ನಾಗಿಲ್ಲ ಎಂದು ನೌಕರರನ್ನಷ್ಟೇ ಅಲ್ಲ, ಸಿಇಒ ಸ್ಥಾನದಿಂದ ಸಚಿನ್ ಬನ್ಸಾಲ್ ಅವರನ್ನೇ ತೆಗೆದುಹಾಕಲಾಗಿದೆ. ಇದನ್ನು ಫ್ಲಿಪ್ ಕಾರ್ಟ್ ಸಹ ಸಂಸ್ಥಾಪಕ ಹಾಗೂ ಸಿಇಒ ಸಚಿನ್ ಖಚಿತಪಡಿಸಿದ್ದಾರೆ. ಪರ್ಫಾಮೆನ್ಸ್ ತೋರದ ಫ್ಲಿಪ್ ಕಾರ್ಟ್ ನ 300 ನೌಕರರನ್ನು ಕೆಲಸದಿಂದ ತೆಗೆಯಲಾಗುವುದು ಎಂದು ಕಂಪೆನಿ ಹೇಳಿತ್ತು. ಈ ಹಿನ್ನೆಲೆಯಲ್ಲಿ ಬೆಂಗಳೂರಿನಲ್ಲಿರುವ ಕಂಪೆನಿ ಕಚೇರಿಯಲ್ಲಿ ಸಚಿನ್ ಆಡಿರುವ ಮಾತುಗಳು ನೌಕರರಲ್ಲಿ ಆತಂಕಕ್ಕೆ ಕಾರಣವಾಗಿದೆ.
'ಆಗಾಗ ಈ ರೀತಿಯ ಟೌನ್ ಹಾಲ್ ಗಳು ನಡೆಯುತ್ತವೆ. ನಮ್ಮಲ್ಲಿರುವ ಮುಕ್ತ ಸಂಸ್ಕೃತಿಗೆ ಇದೇ ಆಧಾರ. ಇಲ್ಲಿ ಯಾರು ಬೇಕಾದರೂ ಪ್ರಶ್ನೆಗಳನ್ನು ಮಾಡಬಹುದು. ಸದ್ಯಕ್ಕೆ ಇರುವ ಕಂಪೆನಿ ನಿಯಮಗಳು ಹಾಗೂ ಇಲ್ಲಿ ಮುಂಚೂಣಿಯಲ್ಲಿರುವವರ ನಿರ್ಧಾರಗಳ ಬಗ್ಗೆಯೂ ಕೇಳಬಹುದು' ಎಂದು ಸಚಿನ್ ತಿಳಿಸಿದ್ದಾರೆ.[ಭಾರತದ ಅತಿದೊಡ್ಡ ಇ ಕಾಮರ್ಸ್ ಸಂಸ್ಥೆ ಸಿಇಒ ಬದಲು!]
ಜನವರಿಯಲ್ಲಿ ಸಚಿನ್ ಬನ್ಸಾಲ್ ಅವರಿಂದ ತೆರವಾದ ಸಿಇಒ ಸ್ಥಾನಕ್ಕೆ ಸದ್ಯಕ್ಕೆ ಚೀಫ್ ಆಪರೇಟಿಂಗ್ ಆಫೀಸರ್ ಆಗಿದ್ದ ಬಿನ್ನಿ ಬನ್ಸಾಲ್ ಬಂದಿದ್ದಾರೆ. ಅಮೆಜಾನ್ ನ ಮಾಜಿ ಉದ್ಯೋಗಿಯಾದ ಬಿನ್ನಿ ಬನ್ಸಾಲ್, ಸಚಿನ್ ಅವರ ಸಂಬಂಧಿಕರೇನಲ್ಲ. ಭಾರತದ ಅತಿ ದೊಡ್ಡ ಇ ಕಾಮರ್ಸ್ ಕಂಪೆನಿಯಾದ ಫ್ಲಿಪ್ ಕಾರ್ಟ್ ಆರಂಭವಾಗಿದ್ದು 2007ರಲ್ಲಿ. ಕಂಪೆನಿಯು ಮೊಬೈಲ್ ಫೋನ್ ನಿಂದ ಸೂಟ್ ಕೇಸ್ ವರೆಗೆ, ಕಾಸ್ಮೆಟಿಕ್ಸ್, ಪುಸ್ತಕ ಇನ್ನೂ ಅನೇಕ ವಸ್ತುಗಳನ್ನು ಆನ್ ಲೈನ್ ಮೂಲಕ ಮಾರಾಟ ಮಾಡುತ್ತದೆ.
ಕಳೆದ ವರ್ಷ 15 ಬಿಲಿಯನ್ ಡಾಲರ್ ನಷ್ಟಿದ್ದ ಫ್ಲಿಪ್ ಕಾರ್ಟ್ ಕಂಪೆನಿಯ ಮೌಲ್ಯ ಅಮೆಜಾನ್, ಸ್ನಾಪ್ ಡೀಲ್ ಕಂಪೆನಿಗಳ ಸ್ಪರ್ಧೆಯಿಂದ ಈ ವರ್ಷದ ಆರಂಭದಲ್ಲಿ 11 ಬಿಲಿಯನ್ ಡಾಲರ್ ಗೆ ಕುಸಿತ ಕಂಡಿತ್ತು. ಈ ಮಧ್ಯೆ ಜಬಾಂಗ್ ಫ್ಯಾಷನ್ ವೆಬ್ ಸೈಟ್ ಅನ್ನು 70 ಮಿಲಿಯನ್ ಡಾಲರ್ ಗೆ ಖರೀದಿಸುವುದಾಗಿ ಕಳೆದ ತಿಂಗಳು, ಫ್ಲಿಪ್ ಕಾರ್ಟ್ ಘೋಷಿಸಿತ್ತು.[ಫ್ಲಿಪ್ ಕಾರ್ಟ್ ಸಂಸ್ಥೆಗೆ ಹಿನ್ನಡೆ, ಹಿರಿಯ ಅಧಿಕಾರಿ ರಾಜೀನಾಮೆ!]
ಆಂತರಿಕ ಮೂಲಗಳ ಪ್ರಕಾರ, ಗ್ರಾಹಕರನ್ನು ಸೆಳೆಯುವ ಕಾರಣಕ್ಕೆ ಘೋಷಿಸಿದ ರಿಯಾಯ್ತಿಗಳು ಫ್ಲಿಪ್ ಕಾರ್ಟ್, ಸ್ನಾಪ್ ಡೀಲ್ ಹಾಗೂ ಅಮೆಜಾನ್ ಕಂಪೆನಿಗಳ ನಷ್ಟ ಪ್ರಮಾಣವನ್ನು ಹೆಚ್ಚಿಸುತ್ತಿವೆ. ಹಣಕಾಸು ನೆರವು ಕೂಡ ದೊರೆಯುತ್ತಿಲ್ಲ.
