Click it and Unblock the Notifications
Just In
-
-
-
Don't Miss
-
'KGF-2' ಚಿತ್ರದಿಂದ ಸಿಕ್ಕಿದ್ದು 200 ಕೋಟಿ ರೂ.; 'ಟಾಕ್ಸಿಕ್', 'ರಾಮಾಯಣ'ಕ್ಕೆ ಯಶ್ 50-50 ಡೀಲ್! -
CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ -
ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ -
ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ -
ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ! -
Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್.. -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
Fact Check: ಚೀನಾ ಷೇರು ಮಾರ್ಕೆಟ್ ನಲ್ಲಿ ಅಮೆರಿಕ ಡಾಲರ್ ನಡೆಯಲ್ಲವಾ?
ನವದೆಹಲಿ, ಏಪ್ರಿಲ್ 30: ಚೀನಾ ಷೇರು ಮಾರ್ಕೆಟ್ ನಲ್ಲಿ ಇನ್ನು ಅಮೆರಿಕ ಡಾಲರ್ ವ್ಯವಹಾರ ಮಾಡುವುದಕ್ಕೆ ಆಗಲ್ಲವಂತೆ. ಡಾಲರ್ ವಿರುದ್ಧ ಮೌಲ್ಯವನ್ನು ರದ್ದು ಮಾಡುತ್ತದಂತೆ. ಇನ್ನೇನಿದ್ದರೂ ಎಲ್ಲ ಅಧಿಕೃತ ವ್ಯವಹಾರಗಳನ್ನೂ ಚೀನಾದ ಯುವಾನ್ ಕರೆನ್ಸಿಯಲ್ಲೇ ಮಾಡಬೇಕು. -ಹೀಗೊಂದು ಸುದ್ದಿ ಗಿರಗಿಟ್ಲೆ ಸುತ್ತುತ್ತಾ ಇದೆ. ಇನ್ನು ಇದೇ ಸುದ್ದಿಯಲ್ಲಿ ಇನ್ನೂ ಮುಂದುವರಿದು, ಹೀಗೇ ಆದರೆ ಅಮೆರಿಕದ ಡಾಲರ್ ಚೀನೀಯರ ವ್ಯವಹಾರದಿಂದ ಕಣ್ಮರೆ ಆಗುತ್ತದೆ ಎಂದಿದೆ.
ಅಷ್ಟಕ್ಕೇ ನಿಲ್ಲದೆ, ಇದರಿಂದ ಜಾಗತಿಕ ಮಾರುಕಟ್ಟೆ ಮೇಲೆ ಪ್ರಭಾವ ಆಗಲಿದೆ ಎಂದು ಹೇಳಲಾಗಿದೆ. ಇಷ್ಟು ವಿಚಾರವನ್ನು ತಮ್ಮದು ಅಂದುಕೊಂಡು ಎಲ್ಲಿ ಜನರು ನಂಬಲ್ಲವೋ ಅಂತ ಗೊತ್ತಾಗಿ, ಬಿಬಿಸಿ ವರ್ಲ್ಡ್ ಇಂಗ್ಲಿಷ್ ನಲ್ಲಿ ಮಧ್ಯಾಹ್ನದ ಕಾರ್ಯಕ್ರಮದ ಚರ್ಚಾ ವಿಷಯವೇ ಇದಾಗಿತ್ತು. ಇದು ಆರ್ಥಿಕ ಸಮರ. ಇದರಿಂದ ಇಡೀ ವಿಶ್ವವನ್ನು ಹಾಳು ಮಾಡುವ ಯುದ್ಧವಾಗಿದ್ದು, ಇದನ್ನು ನಿರ್ಲಕ್ಷಿಸಲು ಸಾಧ್ಯವಿಲ್ಲ ಎಂದಿದೆ.
ಈ ನಿರ್ಧಾರದ ಹಿನ್ನೆಲೆಯಲ್ಲಿ ಅಮೆರಿಕ ಏನಾದರೂ ಮೂರ್ಖತನದಿಂದ ವರ್ತಿಸಿದರೆ 2021ರಲ್ಲಿ ಇಡೀ ವಿಶ್ವವನ್ನು ಚೀನಾ ಮುನ್ನಡೆಸುತ್ತದೆ. ಇದು ಚೀನಾ ಪಾಲಿನ ಹಳೇ ಕನಸು. ದಶಕಗಳಿಂದಲೂ ಇದೇ ಸಾಧನೆಗಾಗಿ ಯೋಜನೆ ರೂಪಿಸಿತ್ತು ಎಂದು ಆ ವರದಿಯಲ್ಲಿ ಹೇಳಲಾಗಿದೆ.
ಹೌದಾ, ಇದು ಹೀಗೆಲ್ಲ ಆಯಿತಾ ಎಂದು ಸತ್ಯ ತಿಳಿದುಕೊಳ್ಳುವುದಕ್ಕೆ ನಾವು ಪ್ರಯತ್ನ ಪಟ್ಟೆವು. ಅಂಥ ಯಾವ ನಿರ್ಧಾರವನ್ನೂ ಚೀನಾ ತೆಗೆದುಕೊಂಡಿಲ್ಲ. ಇನ್ನು ಅಲ್ಲಿನ ಕೇಂದ್ರೀಯ ಬ್ಯಾಂಕ್ ಅಮೆರಿಕ ಡಾಲರ್ ವಿರುದ್ಧ ಯುವಾನ್ ಮೌಲ್ಯವನ್ನು ಮತ್ತೊಮ್ಮೆ ನಿಗದಿಪಡಿಸುವ ಯತ್ನದಲ್ಲಿದೆ; ಅದು ಕೂಡ ಆರ್ಥಿಕ ಬಿಕ್ಕಟ್ಟಿನ ಹಿನ್ನೆಲೆಯಲ್ಲಿ. ಕೊರೊನಾ ಬಿಕ್ಕಟ್ಟಿನಿಂದ ಉದ್ಭವಿಸಿರುವ ಬಿಕ್ಕಟ್ಟು ಇಂಥ ನಿರ್ಧಾರಕ್ಕೆ ಕಾರಣವಾಗಿದೆ ಎಂದು ತಜ್ಞರು ಹೇಳಿರುವುದನ್ನು ಉದಾಹರಿಸಿ scmp.com ತಿಳಿಸಿದೆ.
ಅಮೆರಿಕದ ಡಾಲರ್ ಗೆ ಬದಲಿಯಾಗಿ ಯುವಾನ್ ಬಳಸುವ ಬಗ್ಗೆ ಚೀನಾ ಕೇಂದ್ರ ಬ್ಯಾಂಕ್ ಎಂದಿಗೂ ಸಾರ್ವಜನಿಕವಾಗಿ ಒಪ್ಪಿಕೊಂಡಿಲ್ಲ. ಪೀಪಲ್ ಬ್ಯಾಂಕ್ ಡೆಪ್ಯೂಟಿ ಗೌರ್ನರ್ ಚೆನ್ ಯುಲು ಕಳೆದ ತಿಂಗಳು ಮಾತನಾಡಿ, ಭವಿಷ್ಯದಲ್ಲಿ ಡಾಲರ್ ವಿರುದ್ಧ 7 ಯುವಾನ್ ಆಸುಪಾಸಿನಲ್ಲಿ ಇರುತ್ತದೆ ಎಂದು ಹೇಳಿದ್ದಾರೆ ಎಂಬ ವರದಿ ಬಂದಿದೆ.
ಇನ್ನು ಫೋರ್ಬ್ಸ್.ಕಾಮ್ ನಲ್ಲಿ ವರದಿಯೊಂದು ಬಂದಿದೆ. ಅದರ ಪ್ರಕಾರ, ಚೀನಾದ ಯುವಾನ್ ಕರೆನ್ಸಿ ಅಮೆರಿಕ ಡಾಲರ್ ಗೆ ಹತ್ತಿರದಲ್ಲೂ ಇಲ್ಲ. ಡಾಲರ್ ಅಂದರೆ ಅದೊಂಥರ ಚಿನ್ನಕ್ಕೆ ಸಮಾನ. ಯುರೋ ಕರೆನ್ಸಿಗೆ ಡಾಲರ್ ಸ್ಥಾನವನ್ನು ಕಸಿಯಲು ಆಗಲಿಲ್ಲ ಅಂದರೆ, ಇನ್ನು ಯುವಾನ್ ಗೆ ಖಂಡಿತಾ ಸಾಧ್ಯವಿಲ್ಲ.
ಜಾಗತಿಕ ಮಟ್ಟದಲ್ಲಿ ನಡೆಯುವ ವ್ಯವಹಾರಗಳಲ್ಲಿ ಚೀನಾ ಕರೆನ್ಸಿಯ ಪ್ರಮಾಣ 1.85 ಪರ್ಸೆಂಟ್. ಎಲ್ಲ ವ್ಯವಹಾರವೂ ಸೇರಿ ಮಾರ್ಚ್ 2018ರಲ್ಲಿ ಇದರ ಪ್ರಮಾಣ 1.6 ಪರ್ಸೆಂಟ್ ಇತ್ತು. ಮಾರ್ಚ್ 2018ರಲ್ಲಿ ಎಲ್ಲ ವ್ಯವಹಾರ ಸೇರಿ ಯು.ಎಸ್. ಡಾಲರ್ ಪ್ರಮಾಣ 39.4 ಪರ್ಸೆಂಟ್ ಇತ್ತು. ಅದೇ ಮಾರ್ಚ್ 2020ಕ್ಕೆ 44 ಪರ್ಸೆಂಟ್ ತಲುಪಿದೆ. ಇದು ಫೋರ್ಬ್ಸ್ ಮಾಡಿರುವ ವರದಿ.
