ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಕಿರಾಣಿ ಅಂಗಡಿಗಳನ್ನು ಆನ್ಲೈನ್‌ಗೆ ತರಲಿರುವ ಜಿಯೋ- ಫೇಸ್ಬುಕ್

|
Google Oneindia Kannada News

ಮುಂಬೈ, ಏಪ್ರಿಲ್ 23: ಜಿಯೋ ಪ್ಲಾಟ್‌ಫಾರ್ಮ್ಸ್‌ನಲ್ಲಿ ಫೇಸ್‌ಬುಕ್ ಸಂಸ್ಥೆ 43,574 ಕೋಟಿ ರೂ ಹೂಡಿಕೆ ಮಾಡುವ ಉದ್ದೇಶದ ಒಪ್ಪಂದಕ್ಕೆ ಸಹಿ ಹಾಕಿರುವುದಾಗಿ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ("ರಿಲಯನ್ಸ್ ಇಂಡಸ್ಟ್ರೀಸ್"), ಜಿಯೋ ಪ್ಲಾಟ್‌ಫಾರ್ಮ್ಸ್ ಲಿಮಿಟೆಡ್ ("ಜಿಯೋ ಪ್ಲಾಟ್‌ಫಾರ್ಮ್ಸ್") ಹಾಗೂ ಫೇಸ್‌ಬುಕ್, ಇಂಕ್. ("ಫೇಸ್‌ಬುಕ್") ಘೋಷಿಸಿವೆ.

ಈ ಹೂಡಿಕೆಯು ಜಿಯೋ ಪ್ಲಾಟ್‌ಫಾರ್ಮ್ಸ್‌ ಅನ್ನು ರೂ. 4.62 ಲಕ್ಷ ಕೋಟಿ ಪ್ರಿ-ಮನಿ ಎಂಟರ್‌ಪ್ರೈಸ್ ಮೌಲ್ಯಕ್ಕೆ ತಲುಪಿಸಿದೆ (ಒಂದು ಡಾಲರಿಗೆ ರೂ. 70ರ ವಿನಿಮಯ ದರದಲ್ಲಿ 65.95 ಶತಕೋಟಿ ಡಾಲರುಗಳು). ಫೇಸ್‌ಬುಕ್ ಹೂಡಿಕೆಯು ಜಿಯೋ ಪ್ಲಾಟ್‌ಫಾರ್ಮ್ಸ್‌ನಲ್ಲಿ 9.99% ಈಕ್ವಿಟಿ ಪಾಲುದಾರಿಕೆಗೆ ಸಮಾನವಾಗಿರಲಿದೆ (ಫುಲ್ಲಿ ಡೈಲ್ಯೂಟೆಡ್ ಬೇಸಿಸ್‌ನಲ್ಲಿ).

ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್‌ನ ಸಂಪೂರ್ಣ ಸ್ವಾಮ್ಯದ ಅಂಗಸಂಸ್ಥೆಯಾದ ಜಿಯೋ ಪ್ಲಾಟ್‌ಫಾರ್ಮ್ಸ್, ಜಿಯೋದ ಮುಂಚೂಣಿ ಡಿಜಿಟಲ್ ಆಪ್‌ಗಳು, ಡಿಜಿಟಲ್ ಇಕೋಸಿಸ್ಟಂಗಳು ಹಾಗೂ ಭಾರತದ ನಂ.1 ಅತಿವೇಗದ ಸಂಪರ್ಕ ವೇದಿಕೆಯನ್ನು ಒಂದೇ ಛಾವಣಿಯಡಿ ತರುವ ಮೂಲಕ ಭಾರತಕ್ಕಾಗಿ ಡಿಜಿಟಲ್ ಸಮಾಜವನ್ನು ರೂಪಿಸುತ್ತಿರುವ ಮುಂದಿನ ಪೀಳಿಗೆಯ ತಂತ್ರಜ್ಞಾನ ಸಂಸ್ಥೆಯಾಗಿದೆ. 388 ದಶಲಕ್ಷಕ್ಕೂ ಹೆಚ್ಚಿನ ಚಂದಾದಾರರಿಗೆ ಸಂಪರ್ಕ ವೇದಿಕೆಯನ್ನು ಒದಗಿಸುತ್ತಿರುವ ರಿಲಯನ್ಸ್ ಜಿಯೋ ಇನ್ಫೋಕಾಮ್ ಲಿಮಿಟೆಡ್, ಜಿಯೋ ಪ್ಲಾಟ್‌ಫಾರ್ಮ್‌ಗಳ ಸಂಪೂರ್ಣ ಸ್ವಾಮ್ಯದ ಅಂಗಸಂಸ್ಥೆಯಾಗಿರಲಿದೆ.

ಅತಿ ಸಣ್ಣ ಉದ್ಯಮಿಗಳಿಗೆ ಡಿಜಿಟಲ್ ಇಂಡಿಯಾ ಪ್ರಯೋಜನ

ಅತಿ ಸಣ್ಣ ಉದ್ಯಮಿಗಳಿಗೆ ಡಿಜಿಟಲ್ ಇಂಡಿಯಾ ಪ್ರಯೋಜನ

1.3 ಶತಕೋಟಿ ಭಾರತೀಯರು ಹಾಗೂ ಭಾರತೀಯ ಉದ್ಯಮಗಳಿಗೆ, ಅದರಲ್ಲೂ ವಿಶೇಷವಾಗಿ ಸಣ್ಣ ವರ್ತಕರು, ಅತಿಸಣ್ಣ ಉದ್ಯಮಗಳು ಹಾಗೂ ರೈತರಿಗೆ, ಡಿಜಿಟಲ್ ಇಂಡಿಯಾವನ್ನು ಸಾಧ್ಯವಾಗಿಸುವುದು ಜಿಯೋದ ದೂರದೃಷ್ಟಿಯಾಗಿದೆ. ಭಾರತೀಯ ಡಿಜಿಟಲ್ ಸೇವೆಗಳ ಕ್ಷೇತ್ರವನ್ನು ಪರಿವರ್ತಿಸುವ ಬದಲಾವಣೆಗಳನ್ನು ಜಿಯೋ ತಂದಿದೆ ಹಾಗೂ ವಿಶ್ವದ ಪ್ರಮುಖ ಡಿಜಿಟಲ್ ಆರ್ಥಿಕತೆಗಳಲ್ಲಿ ಒಂದಾಗಿ ಜಾಗತಿಕ ತಂತ್ರಜ್ಞಾನ ನಾಯಕತ್ವದ ಸ್ಥಾನ ಪಡೆಯುವತ್ತ ಭಾರತವನ್ನು ಮುನ್ನಡೆಸಿದೆ.

ಬ್ರಾಡ್‌ಬ್ಯಾಂಡ್ ಸಂಪರ್ಕ, ಸ್ಮಾರ್ಟ್ ಸಾಧನಗಳು, ಕ್ಲೌಡ್ ಮತ್ತು ಎಡ್ಜ್ ಕಂಪ್ಯೂಟಿಂಗ್, ಬಿಗ್ ಡೇಟಾ ಅನಲಿಟಿಕ್ಸ್, ಆರ್ಟಿಫಿಶಿಯಲ್ ಇಂಟಲಿಜೆನ್ಸ್, ಇಂಟರ್‌ನೆಟ್ ಆಫ್ ಥಿಂಗ್ಸ್, ಆಗ್ಮೆಂಟೆಡ್ ಮತ್ತು ಮಿಕ್ಸೆಡ್ ರಿಯಾಲಿಟಿ ಹಾಗೂ ಬ್ಲಾಕ್‌ಚೈನ್‌ನಂತಹ ಮುಂಚೂಣಿ ತಂತ್ರಜ್ಞಾನಗಳಿಂದ ಸಶಕ್ತವಾದ ವಿಶ್ವದರ್ಜೆಯ ಡಿಜಿಟಲ್ ವೇದಿಕೆಯನ್ನು ಜಿಯೋ ನಿರ್ಮಿಸಿದೆ.

ಜಿಯೋ ಡಿಜಿಟಲ್ ಲೈಫ್ ಎಲ್ಲರಿಗೂ ಲಭ್ಯವಾಗಲಿ

ಜಿಯೋ ಡಿಜಿಟಲ್ ಲೈಫ್ ಎಲ್ಲರಿಗೂ ಲಭ್ಯವಾಗಲಿ

ಪ್ರತಿಯೊಬ್ಬ ಭಾರತೀಯನೂ ಜಿಯೋ ಡಿಜಿಟಲ್ ಲೈಫ್ ಅನ್ನು ಅನುಭವಿಸಲು ಬೇಕಾದ ಜಾಲ, ಸಾಧನಗಳು, ಅನ್ವಯಗಳು, ಮಾಹಿತಿ, ಸೇವೆಯ ಅನುಭವ ಹಾಗೂ ಕೈಗೆಟುಕುವ ದರಗಳಿರುವ ಇಕೋ-ಸಿಸ್ಟಂ ಅನ್ನು ಜಿಯೋ ರೂಪಿಸಿದೆ. ಸದ್ಯದ ಕೋವಿಡ್-19 ಸಂಕಟಕಾಲದಲ್ಲಿ, ಜಿಯೋದ ವೇದಿಕೆಗಳು ನಮ್ಮ ದೇಶಕ್ಕೆ ವಿಶ್ವಾಸಾರ್ಹವಾದ ಹಾಗೂ ಎಲ್ಲರನ್ನೂ ಒಳಗೊಂಡ ಡಿಜಿಟಲ್ ಲೈಫ್‌ಲೈನ್ ಆಗಿವೆ.

ವಿಶ್ವದ ಅತಿದೊಡ್ಡ ದೇಶಗಳಲ್ಲೊಂದಾದ ಭಾರತವು, ವಾಟ್ಸ್‌ಆಪ್, ಫೇಸ್‌ಬುಕ್ ಹಾಗೂ ಇನ್ಸ್‌ಟಾಗ್ರಾಮ್‌ಗಳಲ್ಲಿ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ಫೇಸ್‌ಬುಕ್‌ನ ಸಮುದಾಯಗಳಿಗೆ ನೆಲೆಯಾಗಿದೆ. ಭಾರತದ ಉದ್ಯಮಶೀಲ ಪ್ರತಿಭೆ ಹಾಗೂ ಅವಕಾಶಗಳ ಮೇಲೆ ದೃಢವಾದ ನಂಬಿಕೆಯಿಂದ, ತನ್ನ ವಿವಿಧ ವೇದಿಕೆಗಳನ್ನು ಬಳಸುವ ಭಾರತೀಯರು ಹಾಗೂ ಭಾರತೀಯ ಉದ್ಯಮಗಳಿಗೆ ಅರ್ಥಪೂರ್ಣ ಪರಿಣಾಮವನ್ನು ಸೃಷ್ಟಿಸಲು ಫೇಸ್‌ಬುಕ್ ಹಲವು ವರ್ಷಗಳಿಂದ ಭಾರತದಲ್ಲಿ ಹೂಡಿಕೆ ಮಾಡುತ್ತಿದೆ.

ತಂತ್ರಜ್ಞಾನ ಕ್ಷೇತ್ರದ ಅತಿದೊಡ್ಡ ಹೂಡಿಕೆಯಾಗಿದೆ

ತಂತ್ರಜ್ಞಾನ ಕ್ಷೇತ್ರದ ಅತಿದೊಡ್ಡ ಹೂಡಿಕೆಯಾಗಿದೆ

ಫೇಸ್‌ಬುಕ್ ಮತ್ತು ಜಿಯೋ ನಡುವಿನ ಪಾಲುದಾರಿಕೆಯು ಹಲವು ವಿಧಗಳಲ್ಲಿ ಅಭೂತಪೂರ್ವವಾಗಿದೆ. ಇದು, ಮೈನಾರಿಟಿ ಪಾಲಿಗಾಗಿ ತಂತ್ರಜ್ಞಾನ ಸಂಸ್ಥೆಯೊಂದು ವಿಶ್ವದ ಯಾವುದೇ ಕಡೆ ಮಾಡುತ್ತಿರುವ ಅತಿದೊಡ್ಡ ಹೂಡಿಕೆಯಾಗಿದೆ ಹಾಗೂ ಭಾರತದ ತಂತ್ರಜ್ಞಾನ ಕ್ಷೇತ್ರದಲ್ಲಿ ಈವರೆಗಿನ ಅತಿದೊಡ್ಡ ವಿದೇಶಿ ನೇರ ಬಂಡವಾಳ ಹೂಡಿಕೆ (ಎಫ್‌ಡಿಐ) ಆಗಿದೆ. ಈ ಹೂಡಿಕೆಯು ಜಿಯೋ ಪ್ಲಾಟ್‌ಫಾರ್ಮ್ಸ್ ಅನ್ನು ಮಾರುಕಟ್ಟೆ ಬಂಡವಾಳದ ಅನುಸಾರ ಭಾರತದ ಟಾಪ್ 5 ಲಿಸ್ಟೆಡ್ ಸಂಸ್ಥೆಗಳ ಸಾಲಿಗೆ ಸೇರಿಸಿದೆ. ವಾಣಿಜ್ಯ ಸೇವೆಗಳು ಪ್ರಾರಂಭವಾದ ಮೂರೂವರೆ ವರ್ಷಗಳಲ್ಲೇ ಆಗಿರುವ ಈ ಸಾಧನೆಯು, ಶೇರುದಾರರಿಗೆ ಗಮನಾರ್ಹ ಮೌಲ್ಯ ನೀಡುತ್ತಲೇ ಹೊಸ ತಲೆಮಾರಿನ ಕ್ರಾಂತಿಕಾರಿ ಉದ್ಯಮಗಳನ್ನು ಕಟ್ಟಿ ಬೆಳೆಸುವ ರಿಲಯನ್ಸ್ ಇಂಡಸ್ಟ್ರೀಸ್‌ನ ಸಾಮರ್ಥ್ಯವನ್ನು ಪ್ರಕಟಪಡಿಸಿದೆ.

ಡಿಜಿಟಲ್ ಇಕೋಸಿಸ್ಟಂ ರೂಪಿಸುವ ಗುರಿ

ಡಿಜಿಟಲ್ ಇಕೋಸಿಸ್ಟಂ ರೂಪಿಸುವ ಗುರಿ

ಈ ಹೂಡಿಕೆಯೊಂದಿಗೆ ಎಲ್ಲ ಗಾತ್ರಗಳ ಎಲ್ಲ ಉದ್ಯಮಗಳಿಗೆ, ಅದರಲ್ಲೂ ವಿಶೇಷವಾಗಿ ಭಾರತದಾದ್ಯಂತದ ಸಣ್ಣ ಉದ್ಯಮಗಳಿಗೆ, ಹೊಸ ಅವಕಾಶಗಳ ಸೃಷ್ಟಿಯನ್ನು ಸಾಧ್ಯವಾಗಿಸುವುದು ಹಾಗೂ ಎಲ್ಲ 1.3 ಶತಕೋಟಿ ಭಾರತೀಯರ ಜೀವನವನ್ನು ಸಶಕ್ತಗೊಳಿಸುವ, ಉತ್ಕೃಷ್ಟಗೊಳಿಸುವ ಹಾಗೂ ಉನ್ನತೀಕರಿಸುವ ಹೊಸ ಮತ್ತು ಚೈತನ್ಯದಾಯಕ ಡಿಜಿಟಲ್ ಇಕೋಸಿಸ್ಟಂಗಳನ್ನು ರೂಪಿಸುವುದು ನಮ್ಮ ಗುರಿಯಾಗಿದೆ.

ಈ ಪಾಲುದಾರಿಕೆಯು ಭಾರತದ ಸರ್ವತೋಮುಖ ಬೆಳವಣಿಗೆಗೆ ವೇಗನೀಡಲಿದ್ದು, ಭಾರತೀಯರು ಹಾಗೂ ಭಾರತದ ಅರ್ಥವ್ಯವಸ್ಥೆಯ ಅಗತ್ಯಗಳನ್ನು ಪೂರೈಸಲಿದೆ. ವಿವಿಧ ಡಿಜಿಟಲ್ ಸೇವೆಗಳನ್ನು ಅಪೇಕ್ಷಿಸುವ ಜನರನ್ನು ಸಶಕ್ತಗೊಳಿಸುವ ಜೊತೆಗೆ, ಭಾರತದ 60 ದಶಲಕ್ಷ ಅತಿಸಣ್ಣ, ಸಣ್ಣ ಹಾಗೂ ಮಧ್ಯಮಗಾತ್ರದ ಉದ್ಯಮಗಳು, 120 ದಶಲಕ್ಷ ರೈತರು, 30 ದಶಲಕ್ಷ ಸಣ್ಣ ವರ್ತಕರು ಹಾಗೂ ಅನೌಪಚಾರಿಕ ಕ್ಷೇತ್ರದ ಲಕ್ಷಾಂತರ ಸಣ್ಣ ಹಾಗೂ ಮಧ್ಯಮಗಾತ್ರದ ಉದ್ಯಮಗಳತ್ತ ನಮ್ಮ ಗಮನ ಕೇಂದ್ರೀಕೃತವಾಗಿರಲಿದೆ.

ಭಾರತೀಯ ಅರ್ಥವ್ಯವಸ್ಥೆಯನ್ನು ಪುನರುತ್ಥಾನ

ಭಾರತೀಯ ಅರ್ಥವ್ಯವಸ್ಥೆಯನ್ನು ಪುನರುತ್ಥಾನ

ಕೊರೊನಾವೈರಸ್ ಜಾಗತಿಕ ಸೋಂಕಿನಿಂದಾಗಿ ಭಾರತದ ಹಾಗೂ ಜಾಗತಿಕ ಅರ್ಥವ್ಯವಸ್ಥೆಯಲ್ಲಿ ಉಂಟಾಗಿರುವ ತೀವ್ರ ಅಡಚಣೆಗಳ ಹಿನ್ನೆಲೆಯಲ್ಲಿ ಈ ಪಾಲುದಾರಿಕೆಗೆ ವಿಶೇಷ ಮಹತ್ವ ದೊರೆತಿದೆ. ಕೋವಿಡ್ ನಂತರದ ಕಾಲದಲ್ಲಿ, ಭಾರತೀಯ ಅರ್ಥವ್ಯವಸ್ಥೆಯನ್ನು ಪುನರುತ್ಥಾನಗೊಳಿಸಲು ಸಮಗ್ರ ಡಿಜಿಟಲೀಕರಣವು ಅತ್ಯಗತ್ಯವಾಗಲಿದೆ. ಭಾರತದ 360-ಡಿಗ್ರಿ ಡಿಜಿಟಲ್ ರೂಪಾಂತರದ ಪ್ರಕ್ರಿಯೆಯಲ್ಲಿ, ಹೊಸ ಉದ್ಯೋಗ ಮತ್ತು ಉದ್ಯಮಗಳೂ ಸೇರಿದಂತೆ ಸೃಷ್ಟಿಯಾಗುವ ಮಹತ್ತರ ಅವಕಾಶಗಳಿಂದ ಯಾವ ಭಾರತೀಯರೂ ವಂಚಿತರಾಗಬಾರದು ಎನ್ನುವುದು ನಮ್ಮ ಸಾಮಾನ್ಯ ನಂಬಿಕೆ ಮತ್ತು ಬದ್ಧತೆಯಾಗಿದೆ.

ಲಕ್ಷಾಂತರ ಸಣ್ಣ ವ್ಯಾಪಾರಿಗಳ್ಳುಳ್ಳ ಜಿಯೋ ಮಾರ್ಟ್

ಲಕ್ಷಾಂತರ ಸಣ್ಣ ವ್ಯಾಪಾರಿಗಳ್ಳುಳ್ಳ ಜಿಯೋ ಮಾರ್ಟ್

ಜಿಯೋಮಾರ್ಟ್ ವೇದಿಕೆಯಲ್ಲಿ ವಾಟ್ಸ್‌ಆಪ್ ಬಳಸುವ ರಿಲಯನ್ಸ್ ರೀಟೇಲ್‌ನ ಹೊಸ ವಾಣಿಜ್ಯ ವ್ಯವಹಾರದ ವೇಗವನ್ನು ವರ್ಧಿಸುವ ಹಾಗೂ ವಾಟ್ಸ್‌ಆಪ್‌ನಲ್ಲಿ ಸಣ್ಣ ಉದ್ಯಮಗಳನ್ನು ಬೆಂಬಲಿಸುವ ಉದ್ದೇಶದಿಂದ ಜಿಯೋ ಪ್ಲಾಟ್‌ಫಾರ್ಮ್ಸ್, ರಿಲಯನ್ಸ್ ರಿಟೇಲ್ ಲಿಮಿಟೆಡ್ ("ರಿಲಯನ್ಸ್ ರಿಟೇಲ್") ಮತ್ತು ವಾಟ್ಸಾಪ್ ಒಂದು ವಾಣಿಜ್ಯ ಸಹಭಾಗಿತ್ವ ಒಪ್ಪಂದವನ್ನು ಈ ಹೂಡಿಕೆಯ ಜೊತೆಯಲ್ಲೇ ಮಾಡಿಕೊಂಡಿವೆ. ಭಾರತದಲ್ಲಿ ಜನರು ಮತ್ತು ವ್ಯವಹಾರಗಳನ್ನು ಸಂಪರ್ಕಿಸುವಲ್ಲಿ ವಾಟ್ಸಾಪ್ ಈಗಾಗಲೇ ಪ್ರಮುಖ ಪಾತ್ರ ವಹಿಸುತ್ತಿದೆ. ರಿಲಯನ್ಸ್ ರಿಟೇಲ್‌ನ ಹೊಸ ವಾಣಿಜ್ಯ ವೇದಿಕೆಯಾದ ಜಿಯೋಮಾರ್ಟ್ ಅನ್ನು ಲಕ್ಷಾಂತರ ಸಣ್ಣ ವ್ಯಾಪಾರಿಗಳು ಮತ್ತು ಕಿರಾಣಿ ಅಂಗಡಿಗಳ ಸಹಭಾಗಿತ್ವದಲ್ಲಿ ನಿರ್ಮಿಸಲಾಗುತ್ತಿದ್ದು, ಅದು ಭಾರತೀಯ ಗ್ರಾಹಕರ ಅಗತ್ಯಗಳನ್ನು ಉತ್ತಮವಾಗಿ ಪೂರೈಸಲು ಅವರನ್ನು ಸಶಕ್ತಗೊಳಿಸುತ್ತದೆ. ತಮ್ಮ ಮನೆಗಳಿಗೆ ಉತ್ಪನ್ನಗಳು ಮತ್ತು ಸೇವೆಗಳನ್ನು ಒದಗಿಸಬಲ್ಲ ಕಿರಾಣಿ ಅಂಗಡಿಗಳನ್ನು ಗ್ರಾಹಕರು ಜಿಯೋಮಾರ್ಟ್‌ನಲ್ಲಿ ವಾಟ್ಸ್‌ಆಪ್ ಬಳಸಿ ಸಂಪರ್ಕಿಸುವುದನ್ನು ಹಾಗೂ ಅವರೊಡನೆ ವಹಿವಾಟು ನಡೆಸುವುದನ್ನು ಸಾಧ್ಯವಾಗಿಸಲು ಈ ಸಂಸ್ಥೆಗಳು ಒಟ್ಟಿಗೆ ಕೆಲಸಮಾಡಲಿವೆ.

ಆರ್ ಐಎಲ್ ನಿರ್ದೇಶಕ ಮುಖೇಶ್ ಅಂಬಾನಿ

ಆರ್ ಐಎಲ್ ನಿರ್ದೇಶಕ ಮುಖೇಶ್ ಅಂಬಾನಿ

ಫೇಸ್‌ಬುಕ್‌ ಜೊತೆಗಿನ ಪಾಲುದಾರಿಕೆಯ ಕುರಿತು ಮಾತನಾಡಿದ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್‌ನ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಮುಖೇಶ್ ಅಂಬಾನಿ, "ರಿಲಯನ್ಸ್ 2016ರಲ್ಲಿ ಜಿಯೋ ಅನ್ನು ಪ್ರಾರಂಭಿಸಿದಾಗ, ಭಾರತೀಯರೆಲ್ಲರ ಜೀವನದ ಗುಣಮಟ್ಟವನ್ನು ಉತ್ತಮಪಡಿಸಲು ಎಲ್ಲರನ್ನೂ ಒಳಗೊಳ್ಳುವ ಭಾರತದ ಡಿಜಿಟಲ್ ಉನ್ನತಿ ಹಾಗೂ ಪ್ರಪಂಚದ ಮುಂಚೂಣಿ ಡಿಜಿಟಲ್ ಸಮಾಜವಾಗುವ ನಿಟ್ಟಿನಲ್ಲಿ ಭಾರತವನ್ನು ಮುನ್ನಡೆಸುವ ಭಾರತದ ಡಿಜಿಟಲ್ ಸರ್ವೋದಯದ ಕನಸು ನಮಗೆ ಪ್ರೇರಣೆ ನೀಡಿತ್ತು.

ಆದ್ದರಿಂದ, ಎಲ್ಲ ಭಾರತೀಯರ ಪ್ರಯೋಜನಕ್ಕಾಗಿ ಭಾರತದ ಡಿಜಿಟಲ್ ಇಕೋಸಿಸ್ಟಂ ಅನ್ನು ಇನ್ನಷ್ಟು ಬೆಳೆಸುವಲ್ಲಿ ಹಾಗೂ ಪರಿವರ್ತಿಸುವಲ್ಲಿ ಫೇಸ್‌ಬುಕ್ ಅನ್ನು ನಮ್ಮ ದೀರ್ಘಕಾಲೀನ ಪಾಲುದಾರರಾಗಿ ಸ್ವಾಗತಿಸುವ ಈ ಅವಕಾಶದಿಂದ ರಿಲಯನ್ಸ್‌ನಲ್ಲಿರುವ ನಾವೆಲ್ಲರೂ ವಿನೀತರಾಗಿದ್ದೇವೆ. ಪ್ರಧಾನಮಂತ್ರಿ ನರೇಂದ್ರ ಮೋದಿಯವರ ‘ಡಿಜಿಟಲ್ ಇಂಡಿಯಾ' ಯೋಜನೆಯನ್ನು - ತನ್ನ ಎರಡು ಮಹತ್ವಾಕಾಂಕ್ಷೆಯ ಗುರಿಗಳಾದ ‘ಈಸ್ ಆಫ್ ಲಿವಿಂಗ್' ಮತ್ತು ‘ಈಸ್ ಆಫ್ ಡೂಯಿಂಗ್ ಬ್ಯುಸಿನೆಸ್'ಗಳೊಡನೆ - ಯಾರನ್ನೂ ಹೊರತುಪಡಿಸದಂತೆ ಎಲ್ಲ ವರ್ಗದ ಭಾರತೀಯರಿಗೂ ಸಾಧ್ಯವಾಗಿಸಲು ಜಿಯೋ ಮತ್ತು ಫೇಸ್‌ಬುಕ್ ನಡುವಿನ ಒಡಂಬಡಿಕೆ ನೆರವಾಗಲಿದೆ. ಕರೋನಾ ನಂತರದ ಯುಗದಲ್ಲಿ, ಅಲ್ಪಾವಧಿಯಲ್ಲಿಯೇ ಭಾರತದ ಆರ್ಥಿಕ ಚೇತರಿಕೆ ಮತ್ತು ಪುನರುತ್ಥಾನದ ಬಗ್ಗೆ ನನಗೆ ವಿಶ್ವಾಸವಿದೆ. ಆ ರೂಪಾಂತರಕ್ಕೆ ಈ ಪಾಲುದಾರಿಕೆಯು ಖಂಡಿತವಾಗಿಯೂ ಪ್ರಮುಖ ಕೊಡುಗೆ ನೀಡುತ್ತದೆ." ಎಂದು ಹೇಳಿದರು.

English summary
Facebook invest in Platform. JioMart with power of Facebook's WhatsApp platform to bring local vendors, independent hawkers and small kirana stores online.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X