ಉದ್ಯೋಗಿಗಳನ್ನು 3 ಪಟ್ಟು ಹೆಚ್ಚು ಮಾಡಿಕೊಳ್ಳಲಿರುವ ಬೆಂಗಳೂರು ಕಂಪನಿ
ಮೈಸೂರು, ಸೆಪ್ಟೆಂಬರ್. 22: ಭಾರತದ ಪ್ರಮುಖ ಕ್ಲ್ವೌಡ್ ಟೆಲಿಫೋನಿ ಕಂಪನಿ ಎಕ್ಸೋಟೆಲ್ 2016ರ ಅಂತ್ಯದ ವೇಳೆಗೆ ತನ್ನ ಉದ್ಯೋಗಿಗಳ ಸಂಖ್ಯೆಯನ್ನು 3 ಪಟ್ಟು ಹೆಚ್ಚಳ ಮಾಡಿಕೊಳ್ಳಲಿದ್ದೇನೆ ಎಂದು ತಿಳಿಸಿದೆ.
ಸದ್ಯ ಕಂಪನಿಯಲ್ಲಿ 70 ಜನ ಕೆಲಸ ಮಾಡುತ್ತಿದ್ದು ಮುಂದಿನ 15 ತಿಂಗಳುಗಳಲ್ಲಿ ಅವರ ಸಂಖ್ಯೆಯನ್ನು 200ಕ್ಕೆ ಏರಿಸಲಾಗುವುದು ಎಂದು ತಿಳಿಸಿದೆ. ಪತ್ರಿಕಾ ಹೇಳಿಕೆಯಲ್ಲಿ ಸಂಸ್ಥೆಯ ಮುಂದಿನ ಯೋಜನೆಗಳನ್ನು ಆಡಳಿತಾಧಿಕಾರಿಗಳು ತಿಳಿಸಿದ್ದಾರೆ.
ಬೆಂಗಳೂರಿನ ಹಲಸೂರು ಕೆರೆ ಬಳಿ ಹೊಸ ಕಚೇರಿಯನ್ನು ತೆರೆಯಲು ಮುಂದಾಗಿರುವ ಸಂಸ್ಥೆ ಒಂದು ಸಾವಿರಕ್ಕೂ ಅಧಿಕ ಗ್ರಾಹಕರನ್ನು ಹೊಂದಿದೆ ಎಂದು ಕಂಪನಿಯ ಸಿಇಒ ಶಿವಕುಮಾರ್ ಗಣೇಶನ್ ಮಾಹಿತಿ ನೀಡಿದ್ದಾರೆ.[ಎಚ್ ಪಿ ಕಂಪನಿಯಿಂದ 30 ಸಾವಿರ ಉದ್ಯೋಗ ಕಡಿತ]
ಐವಿಆರ್, ಕಾಲ್ ರೆಕಾರ್ಡಿಂಗ್, ಶಕ್ತಿಶಾಲಿ ಎಪಿಎಸ್ ಕುರಿತಂತೆ ಸಂಸ್ಥೆ ಉತ್ತಮ ಸೇವೆ ನೀಡುವುದರೊಂದಿಗೆ ಸದಾ ಸಂಶೋಧನೆಯಲ್ಲಿ ನಿರತವಾಗಿದೆ ಎಂದು ಸಂಸ್ಥೆಯ ಮತ್ತೊಬ್ಬ ಸಿಇಒ ಈಶ್ವರ್ ಶ್ರೀಧರನ್ ತಿಳಿಸಿದ್ದಾರೆ. 2011 ರಲ್ಲಿ ಆರಂಭವಾದ ಸಂಸ್ಥೆ ಇದೀಗ ಬೆಳವಣಿಗೆಯೊಂದಿಗೆ ಮುಂದೆ ಸಾಗುತ್ತಿದೆ.