ಟೆಸ್ಲಾದಿಂದ 1.5 ಬಿಲಿಯನ್ ಡಾಲರ್ ಮೌಲ್ಯದ ಬಿಟ್ಕಾಯಿನ್ ಖರೀದಿ
ವಾಷಿಂಗ್ಟನ್, ಫೆಬ್ರವರಿ 09: ವಿಶ್ವದ ಅತ್ಯಂತ ಶ್ರೀಮಂತ ವ್ಯಕ್ತಿ ಎಲೋನ್ ಮಸ್ಕ್ ಮಾಲೀಕತ್ವದ ಟೆಸ್ಲಾ ಜನವರಿ 2021 ರಲ್ಲಿ 1.5 ಬಿಲಿಯನ್ ಡಾಲರ್ ಮೌಲ್ಯದ ಬಿಟ್ಕಾಯಿನ್ಗಳನ್ನು ಖರೀದಿಸಿದೆ. ವಾಸ್ತವವಾಗಿ ಕಂಪನಿಯು ಡಿಜಿಟಲ್ ಸ್ವತ್ತುಗಳಲ್ಲಿ ಹೂಡಿಕೆ ಮಾಡಲು ತನ್ನ ಹೂಡಿಕೆ ನೀತಿಯನ್ನು ನವೀಕರಿಸಿದೆ.
ಟೆಸ್ಲಾ ಒದಗಿಸಿದ ಮಾಹಿತಿಯ ಪ್ರಕಾರ, ಕಂಪನಿಯು ತನ್ನ ಹೂಡಿಕೆ ನೀತಿಯಲ್ಲಿ ಬದಲಾವಣೆಗಳನ್ನು ಮಾಡಿದ್ದು, ಇದು ಹೂಡಿಕೆಯಲ್ಲಿ ವೈವಿಧ್ಯತೆಯನ್ನು ತರುತ್ತದೆ ಮತ್ತು ಆದಾಯವನ್ನು ಸುಧಾರಿಸುತ್ತದೆ. ಮತ್ತೊಂದು ಪ್ರಮುಖ ಹೆಜ್ಜೆ ಇಟ್ಟು, ಕಂಪನಿಯು ಶೀಘ್ರದಲ್ಲೇ ತನ್ನ ಉತ್ಪನ್ನಗಳು ಮತ್ತು ಸೇವೆಗಳಿಗೆ ಪಾವತಿಯಾಗಿ ಬಿಟ್ಕಾಯಿನ್ಗಳನ್ನು ಸ್ವೀಕರಿಸಲು ಪ್ರಾರಂಭಿಸುವುದಾಗಿ ಘೋಷಿಸಿದೆ. ಅಂದರೆ ಜನರು ಟೆಸ್ಲಾವನ್ನು ಅದರ ಉತ್ಪನ್ನಗಳಿಗೆ ಬಿಟ್ಕಾಯಿನ್ಗಳಲ್ಲಿ ಪಾವತಿಸಲು ಸಾಧ್ಯವಾಗುತ್ತದೆ.
ಇಂಗಾಲದ ಡೈ ಆಕ್ಸೈಡ್ ಅನ್ನು ತಗ್ಗಿಸುವ ಅತ್ಯುತ್ತಮ ತಂತ್ರಜ್ಞಾನಕ್ಕೆ, 730 ಕೋಟಿ ಬಹುಮಾನ ಘೋಷಿಸಿದ ಎಲೋನ್ ಮಸ್ಕ್
ಬ್ಲೂಮ್ಬರ್ಗ್ ವರದಿಯ ಪ್ರಕಾರ, ಮೊದಲ ಬಾರಿಗೆ ಬಿಟ್ಕಾಯಿನ್ ದರ ಸುಮಾರು, 45,000 ತಲುಪಿದೆ. ಬಿಟ್ಕಾಯಿನ್ ಬೆಲೆಗಳು ಶೇಕಡಾ 16 ಕ್ಕೆ ಏರಿದೆ. ಮುಂದಿನ ದಿನಗಳಲ್ಲಿ ಬಿಟ್ಕಾಯಿನ್ನಲ್ಲಿ ಪಾವತಿಗಳನ್ನು ತೆಗೆದುಕೊಳ್ಳಲು ಪ್ರಾರಂಭಿಸುವುದಾಗಿ ಕಂಪನಿ ಹೇಳಿದೆ.
ಟೆಸ್ಲಾ ಸಹ ಸಂಸ್ಥಾಪಕ ಎಲೋನ್ ಮಸ್ಕ್ ಇತ್ತೀಚೆಗೆ ಸಾಮಾಜಿಕ ಮಾಧ್ಯಮದಲ್ಲಿ ಬಿಟ್ಕಾಯಿನ್ನ ಸಂಕೇತವನ್ನು ಪ್ರದರ್ಶಿಸಿದರು. ಆ ಬಳಿಕ ಕಂಪನಿಯು ಬಿಟ್ಕಾಯಿನ್ನಲ್ಲಿ ಅಂತಹ ಆಸಕ್ತಿಯನ್ನು ತೋರಿಸಿದೆ. ಈ ವರ್ಷದ ಆರಂಭದಿಂದ ಬಿಟ್ಕಾಯಿನ್ ದರವು ಶೇಕಡಾ 35 ರಷ್ಟು ಏರಿಕೆಯಾಗಿದೆ ಮತ್ತು ಇತ್ತೀಚೆಗೆ $ 40,000 ಗಡಿ ದಾಟಿದೆ.
ಕಳೆದ ವರ್ಷ ಏಪ್ರಿಲ್ನಿಂದ ಬಿಟ್ಕಾಯಿನ್ ಶೇ 800 ರಷ್ಟು ಏರಿಕೆ ಕಂಡಿದೆ. ಹಣದುಬ್ಬರದ ವಿರುದ್ಧ ಸಾಂಸ್ಥಿಕ ಮತ್ತು ಚಿಲ್ಲರೆ ಹೂಡಿಕೆದಾರರು ಬಿಟ್ಕಾಯಿನ್ಗಳನ್ನು ಹೆಚ್ಚು ಖರೀದಿಸುವುದೇ ಇದಕ್ಕೆ ಕಾರಣವಾಗಿದೆ.