ರಾತ್ರಿಯಿಡೀ ಡಾಮಿನೋಸ್ ಪಿಜ್ಜಾ ಆರ್ಡರ್, ಮೊದಲಿಗೆ ಗುರ್ ಗಾಂವ್ ನಲ್ಲಿ ಪ್ರಯೋಗ
ನವದೆಹಲಿ, ಮಾರ್ಚ್ 10: ಜುಬಿಲಿಯಂಟ್ ಫುಡ್ ವರ್ಕ್ಸ್ ನ ಡಾಮಿನೋಸ್ ಪಿಜ್ಜಾ ಹೊಸ ಪ್ರಯೋಗಕ್ಕೆ ಇಳಿದಿದೆ. ಅದು ಗುರುಗಾಂವ್ ನಲ್ಲಿ. ಅದೇನು ಅಂತೀರಾ? ಇಡೀ ರಾತ್ರಿ ಪಿಜ್ಜಾ ಡೆಲಿವರಿ ಮಾಡುವ ಯೋಜನೆಯದು. ಕಳೆದ ಡಿಸೆಂಬರ್ ಅಂತ್ಯಕ್ಕೆ ಜೆಎಫ್ ಎಲ್ ನ ಲಾಭದಲ್ಲಿ ಶೇ 32ರಷ್ಟು ಕುಸಿತ ಕಂಡಿತ್ತು.
ವರದಿಯೊಂದರ ಪ್ರಕಾರ, "ಗುರುಗಾಂವ್ ನಲ್ಲಿ ರಾತ್ರಿ ವೇಳೆ ಕಾರ್ಯನಿರ್ವಹಿಸುವ ಕಚೇರಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಇರುವುದರಿಂದ ಪ್ರಯೋಗಾತ್ಮಕವಾಗಿ ಎಂಬಂತೆ ಅದನ್ನು ಆಯ್ಕೆ ಮಾಡಿಕೊಳ್ಳಲಾಗಿದೆ. ಈ ರೀತಿ ಇಡೀ ರಾತ್ರಿ ಕಾರ್ಯ ನಿರ್ವಹಿಸುವುದಕ್ಕೆ ಮಳಿಗೆಗಳಿಗೇನೂ ಹೆಚ್ಚಿನ ಬಾಡಿಗೆ ಪಾವತಿಸುವ ಅಗತ್ಯವಿಲ್ಲ.[ಅಪನಗದೀಕರಣ ನಂತರ ಆರ್ ಬಿಐನಿಂದ 12 ಲಕ್ಷ ಹೊಸ ನೋಟು ಚಲಾವಣೆಗೆ]
"ಈ ರೀತಿ ಮಾಡುವುದರಿಂದ ಆಯಾ ಮಳಿಗೆಯ ಮಾರಾಟದಲ್ಲಿ ಹೆಚ್ಚಳವಾಗುತ್ತದೆ. ಜತೆಗೆ ಕಾರ್ಯನಿರ್ವಹಿಸುವ ವೆಚ್ಚವು ಕೂಡ ಸ್ವಲ್ಪ ಮಟ್ಟಿಗೆ ಹಂಚಿಕೆ ಆಗುತ್ತದೆ. ಆದರೆ ಸಿಬ್ಬಂದಿಗೆ ಹಾಗೂ ಸುರಕ್ಷತೆಗೆ ಸ್ವಲ್ಪ ಮಟ್ಟಿನ ಖರ್ಚು ಬರುತ್ತದೆ. ಅದನ್ನು ನಿರ್ವಹಿಸಬೇಕಾಗುತ್ತದೆ" ಎಂದು ಹೇಳಲಾಗಿದೆ.