ಮಿನಿಮಮ್ ಬ್ಯಾಲನ್ಸ್ ಇಟ್ಟುಕೊಳ್ಳದ ಗ್ರಾಹಕರಿಗೆ 5 ಸಾವಿರ ಕೋಟಿ ದಂಡ
ಮುಂಬೈ, ಆಗಸ್ಟ್ 5: ಖಾತೆಯಲ್ಲಿ ಕನಿಷ್ಠ ಮೊತ್ತವನ್ನು ಇರಿಸದ ಗ್ರಾಹಕರಿಂದ 2017-18ನೇ ಸಾಲಿನಲ್ಲಿ ಬ್ಯಾಂಕ್ ಗಳು 5 ಸಾವಿರ ಕೋಟಿ ತನಕ ದಂಡ ವಸೂಲಿ ಮಾಡಿವೆ. ಖಾತೆಯಲ್ಲಿ ಕನಿಷ್ಠ ಮೊತ್ತ ಇರಿಸಲು ಸಾಧ್ಯವಿಲ್ಲದವರಿಗಾಗಿ ಅಂತಲೇ 30.8 ಕೋಟಿ ಮಂದಿಗೆ ಜನಧನ್ ಯೋಜನೆ ಅಡಿ ಖಾತೆ ತೆರೆದಿದ್ದರೂ ಇಷ್ಟು ಮೊತ್ತದ ದಡ ವಸೂಲಾಗಿದೆ.
2,433 ಕೋಟಿ ರುಪಾಯಿ ವಸೂಲಿ ಮಾಡುವ ಮಾಡುವ ಮೂಲಕ ಅತಿ ಹೆಚ್ಚು ದಂಡ ಮೊತ್ತ ವಸೂಲಿ ಮಾಡಿರುವುದು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್ ಬಿಐ). ಇದು ಒಟ್ಟಾರೆ ದಂಡ ಮೊತ್ತದ ಅರ್ಧಕ್ಕಿಂತ ಸ್ವಲ್ಪ ಕಡಿಮೆ. ಬಾಕಿ 30% ಮೊತ್ತವು ಮೂರು ದೊಡ್ಡ ಖಾಸಗಿ ಬ್ಯಾಂಕ್ ಗಳಿಂದ ವಸೂಲಾಗಿದೆ.
ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಎಫ್ ಡಿ ಬಡ್ಡಿ ದರ ಏರಿಕೆ
ಉಳಿತಾಯ ಖಾತೆಗಳಿಗೆ ಹಾಕಿರುವ ದಂಡ ಪ್ರಮಾಣದ ಸರಾಸರಿ ಲೆಕ್ಕ ಹಾಕುವುದಾದರೆ ಎಚ್ ಡಿಎಫ್ ಸಿ ಬ್ಯಾಂಕ್, ಆಕ್ಸಿಸ್ ಬ್ಯಾಂಕ್ ಮತ್ತು ಒರಿಯೆಂಟಲ್ ಬ್ಯಾಂಕ್ ಆಫ್ ಕಾಮರ್ಸ್ ಇದೆ. ಎಸ್ ಬಿಐಗೆ ಇರುವ ಖಾತೆದಾರರ ಸಂಖ್ಯೆ ದೊಡ್ಡದಾದ್ದರಿಂದ ಸರಾಸರಿ ಲೆಕ್ಕಾಚಾರದಲ್ಲಿಈ ಖಾಸಗಿ ಬ್ಯಾಂಕ್ ಗಳು ಮುಂದಿವೆ.
ಕನಿಷ್ಠ ಮೊತ್ತ ಇರಿಸದ ಕಾರಣಕ್ಕೆ ದಂಡ ಹಾಕಿರುವ ಟಾಪ್ ಐದು ಬ್ಯಾಂಕ್ ಗಳು ಮತ್ತು ದಂಡದ ಮೊತ್ತ
ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ 2434 ಕೋಟಿ
ಎಚ್ ಡಿಎಫ್ ಸಿ 590 ಕೋಟಿ
ಆಕ್ಸಿಸ್ ಬ್ಯಾಂಕ್ 530 ಕೋಟಿ
ಐಸಿಐಸಿಐ ಬ್ಯಾಂಕ್ 317 ಕೋಟಿ
ಪಂಜಾಬ್ ನ್ಯಾಷನಲ್ ಬ್ಯಾಂಕ್ 211
ಒಟ್ಟು ಮೊತ್ತ 4988 ಕೋಟಿ ರುಪಾಯಿ