• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಕೆಫೆ ಕಾಫಿ ಡೇ ಖರೀದಿ ಮಾತುಕತೆಯಲ್ಲಿ ಕೋಕಾ ಕೋಲಾ

|

ಬೆಂಗಳೂರು, ಜೂನ್ 27: ಸ್ಟಾರ್ ಬಕ್ಸ್ ಹಾಗೂ ನೆಸ್ಲೆ ಒಪ್ಪಂದ ಸುದ್ದಿಯ ಬೆನ್ನಲ್ಲೇ ಯುಕೆಯ ಅತಿದೊಡ್ಡ ಕಾಫಿ ಕಂಪನಿ ವೈಟ್ ಬ್ರೆಡ್ ಒಡೆತನದ ಕೋಸ್ಟಾ ಕಾಫಿ ಬ್ರ್ಯಾಂಡನ್ನು ಖರೀದಿಸಿರುವ ಸಾಫ್ಟ್ ಡ್ರಿಂಕ್ಸ್ ಕ್ಷೇತ್ರದ ದಿಗ್ಗಜ ಕೋಕಾ ಕೋಲಾ ಈಗ ಜನಪ್ರಿಯ ಕಾಫಿ ಮಳಿಗೆ ಬ್ರ್ಯಾಂಡ್ ಕೆಫೆ ಕಾಫಿ ಡೇ(ಸಿಸಿಡಿ) ಖರೀದಿ ಮಾತುಕತೆಯಲ್ಲಿದೆ.

ಯುಕೆಯಲ್ಲಿ ಸುಮಾರು 2,400 ಕಾಫಿ ಮಳಿಗೆ ಹಾಗೂ 32 ದೇಶಗಳಲ್ಲಿ 1,400ಕ್ಕೂ ಅಧಿಕ ಕೆಫೆಗಳನ್ನು ಕೋಸ್ಟಾ ಕಾಫಿ ಹೊಂದಿದ್ದು, 5.1 ಬಿಲಿಯನ್ ಡಾಲರ್ ನೊಂದಿಗೆ ಕೋಕಾ ಕೋಲಾ ತನ್ನ ತೆಕ್ಕೆಗೆ ಹಾಕಿಕೊಂಡಿತ್ತು.

ಸ್ಟಾರ್ ಬಕ್ಸ್ ಜತೆ ಡೀಲ್ ಕುದುರಿಸಿದ ಸ್ವಿಸ್ ದೈತ್ಯ 'ನೆಸ್ಲೆ'

ಕೋಕಾ ಕೋಲಾದ ಅಟ್ಲಾಂಟಾದ ಕೇಂದ್ರ ಕಚೇರಿಯಲ್ಲಿ ಕೆಫೆ ಕಾಫಿ ಡೇಯಲ್ಲಿನ ಷೇರುಗಳ ಖರೀದಿಗೆ ಮಾತುಕತೆ ಆರಂಭಗೊಂಡಿರುವ ಸುದ್ದಿ ಬಂದಿದೆ. ಏರಿಯೇಟೆಡ್ ತಂಪು ಪಾನೀಯ ಕ್ಷೇತ್ರಕ್ಕೆ ಹೋಲಿಸಿದರೆ ತ್ವರಿತಗತಿಯಲ್ಲಿ ಬೆಳವಣಿಗೆ ಕಾಣುತ್ತಿರುವ ಕೆಫೆ ವ್ಯವಹಾರದಲ್ಲಿ ಪ್ರಗತಿ ಹೊಂದಲು ಕೋಕಾ ಕೋಲಾಗೆ ಈ ಡೀಲ್ ಸಹಕಾರಿಯಾಗಲಿದೆ.

ಭಾರತದಲ್ಲಿ ಸುಮಾರು 1,752 ಕೆಫೆಗಳನ್ನು ಹೊಂದಿರುವ ಕೆಫೆ ಕಾಫಿ ಡೇ ಸದ್ಯ ದೇಶದಲ್ಲಿ ಮುಂಚೂಣಿಯಲ್ಲಿರುವ ಕಾಫಿ ಸಂಸ್ಥೆಯಾಗಿದೆ. ಭಾರತದಲ್ಲಿ ವಿಸ್ತೃತವಾದ ಕಾಫಿ ಮಳಿಗೆಯನ್ನು ವಿಸ್ತರಿಸುವಲ್ಲಿ ಸಂಸ್ಥೆಯ ಸ್ಥಾಪಕ ವಿಜಿ ಸಿದ್ದಾರ್ಥ ಅವರ ಪಾತ್ರ ದೊಡ್ಡದು. 1996ರಿಂದ ಇಲ್ಲಿ ತನಕ ಹಲವು ಏರಿಳಿತ ಕಂಡಿರುವ ಸ್ವದೇಶಿ ಬ್ರ್ಯಾಂಡ್ ಕೆಫೆ ಕಾಫಿ ಡೇ ಈಗ ಎಂಎನ್ ಸಿ ಕಂಪನಿ ಪಾಲಾಗುವುದೆ ಎಂಬ ಪ್ರಶ್ನೆ ಎದ್ದಿದೆ. ಆದರೆ, ಈ ಬಗ್ಗೆ ಯಾವುದೇ ಸ್ಪಷ್ಟನೆ ಇನ್ನೂ ಸಿಕ್ಕಿಲ್ಲ. ಸಂಸ್ಥೆಯ ವಕ್ತಾರರಿಂದಲೂ ಯಾವುದೇ ಅಧಿಕೃತ ಪ್ರಕಟಣೆ ಬಂದಿಲ್ಲ.

ಸಿದ್ದಾರ್ಥರ 650 ಕೋಟಿ ರು ಮೊತ್ತ ಎಲ್ಲೆಲ್ಲಿ ಹೂಡಿಕೆ?

ತಂಪು ಪಾನೀಯ, ಕ್ರೀಡಾ ಪಾನೀಯ ಸೇರಿದಂತೆ ಸುಮಾರು 500ಕ್ಕೂ ಅಧಿಕ ಬ್ರ್ಯಾಂಡ್ ಗಳನ್ನು ಕೋಕಾ ಕೋಲಾ ಹೊಂದಿದೆ. 1995ರಲ್ಲಿ ಕೋಸ್ಟಾ ಕಾಫಿ ಖರೀದಿಸಿದ್ದ ವೈಟ್ ಬ್ರೆಡ್ ಸಂಸ್ಥೆ, ಇತ್ತೀಚೆಗೆ ಕೋಸ್ಟಾ ಕಾಫಿ ವಿಸ್ತರಣೆಗಾಗಿ ಹೆಚ್ಚಿನ ಹೂಡಿಕೆಗೆ ಮುಂದಾಗಿತ್ತು. 123 ಮಿಲಿಯನ್ ಪೌಂಡ್ ಆದಾಯವನ್ನು ಗಳಿಸಿತ್ತು. ಕೋಕಾ ಕೋಲಾದ ಪ್ರಮುಖ ಪ್ರತಿಸ್ಪರ್ಧಿ ಪೆಪ್ಸಿ ಕೋ, ಇಸ್ರೇಲಿನ ಡಿಐವೈ ಸೆಟ್ಜರ್ ಕಂಪನಿ ಸೋಡಾ ಸ್ಟ್ರೀಮ್ ಖರೀದಿಗೆ ಮುಂದಾಗಿದೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
After acquiring UK-based Costa Coffee, Soft Drink gaint Coca Cola initiated talks to acquire major stake in Cafe Coffee Day (CCD).
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more