ಡಿಜಿಟಲ್ ಮಾಧ್ಯಮ ವಲಯದಲ್ಲಿ ಆದಾಯ ಹಂಚಿಕೆಗೆ ಹೊಸ ಕಾನೂನು ಜಾರಿಗೆ ಮುಂದಾದ ಭಾರತ

ನವದೆಹಲಿ, ಜುಲೈ 17; ಆಸ್ಟ್ರೇಲಿಯಾ, ಕೆನಡಾ ಮತ್ತು ಫ್ರಾನ್ಸ್ ನಂತರ, ಭಾರತ ಕೂಡ ಡಿಜಿಟಲ್ ವಲಯದಲ್ಲಿ ಹೊಸ ಕಾನೂನು ರಚನೆಗೆ ಮುಂದಾಗಿದ್ದು, ನೂತನ ಕಾನೂನು ಜಾರಿಯಾದರೆ ಗೂಗಲ್ ಮತ್ತು ಫೇಸ್‌ಬುಕ್‌ನಂತಹ ಟೆಕ್‌ ದೈತ್ಯ ಕಂಪನಿಗಳು ತಮ್ಮ ಫ್ಲಾಟ್‌ಫಾರ್ಮ್‌ಗಳಲ್ಲಿ ಪ್ರದರ್ಶಿಸುವ ಸುದ್ದಿಗಳಿಗೆ ಪಾವತಿ ಮಾಡುವ ವಿಧಾನದಲ್ಲಿ ಬದಲಾವಣೆಯಾಗಲಿದೆ.

ಪ್ರಸ್ತಾವಿತ ಕಾನೂನು ಜಾರಿಗೆ ಬಂದರೆ, ಜಾಗತಿಕ ಟೆಕ್ ಮೇಜರ್‌ಗಳಾದ ಆಲ್ಫಾಬೆಟ್ (ಗೂಗಲ್, ಯೂಟ್ಯೂಬ್ ಒಡೆತನದ ಸಂಸ್ಥೆ), ಮೆಟಾ (ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ವಾಟ್ಸಾಪ್ ಒಡೆತನದ ಸಂಸ್ಥೆ), ಟ್ವಿಟರ್ ಮತ್ತು ಅಮೆಜಾನ್‌ಗಳು ಭಾರತೀಯ ಪತ್ರಿಕೆಗಳು ಮತ್ತು ಡಿಜಿಟಲ್ ಸುದ್ದಿ ಪ್ರಕಾಶಕರಿಗೆ ಆದಾಯದಲ್ಲಿ ಪಾಲು ನೀಡುವಂತೆ ಒತ್ತಾಯಿಸುತ್ತದೆ. ಈ ಸುದ್ದಿವಾಹಿನಿಗಳ ವಿಚಾರಗಳನ್ನು ಬಳಸಿಕೊಂಡು ಟೆಕ್‌ ದೈತ್ಯಗಳು ಆದಾಯ ಗಳಿಸುತ್ತಾರೆ.

ಟೆಕ್ ದೈತ್ಯರು ಮಾಧ್ಯಮ ಸಂಸ್ಥೆಗಳಿಂದ ಸುದ್ದಿ ವಿಷಯವನ್ನು ಹಾಕುವುದರಿಂದ ಆದಾಯವನ್ನು ಗಳಿಸಿದರೆ, ಅವರು ಗಳಿಕೆಯನ್ನು ನ್ಯಾಯಯುತವಾಗಿ ಹಂಚಿಕೊಳ್ಳಲು ವಿಫಲವಾಗಿದೆ. ಆದ್ದರಿಂದಲೇ ಹೊಸ ಕಾನೂನಿನ ಅಗತ್ಯ ಉದ್ಭವಿಸುತ್ತದೆ. ಸುದ್ದಿ ಪ್ರಕಾಶಕರಿಗೆ, ಡಿಜಿಟಲ್ ಸುದ್ದಿ ಮಧ್ಯವರ್ತಿಗಳು ಅಪಾರದರ್ಶಕ ಆದಾಯದ ಮಾದರಿ ಹೊಂದಿದ್ದಾರೆ, ಹೆಚ್ಚು ಪಕ್ಷಪಾತ ಹೊಂದಿದ್ದಾರೆ ಎಂಬ ಆತಂಕವು ಹೆಚ್ಚುತ್ತಿದೆ.

ಜಾಗತಿಕ ಮಟ್ಟದಲ್ಲಿ ಹೋರಾಟ

ಇಂಟರ್ನೆಟ್‌ನಲ್ಲಿ ತನ್ನ ಪ್ರಬಲ ಸ್ಥಾನವನ್ನು ಟೆಕ್‌ ದೈತ್ಯಗಳು ದುರುಪಯೋಗಪಡಿಸಿಕೊಳ್ಳುವುದರ ವಿರುದ್ಧ ಜಾಗತಿಕವಾಗಿ ಹೋರಾಟ ನಡೆಯುತ್ತಿದೆ. ಫ್ರಾನ್ಸ್ ಮತ್ತು ಆಸ್ಟ್ರೇಲಿಯಾದಂತಹ ದೇಶಗಳು ತಮ್ಮ ದೇಶೀಯ ಸುದ್ದಿ ಪ್ರಕಾಶಕರಿಗೆ ಬಿಗ್ ಟೆಕ್‌ನೊಂದಿಗೆ ತಾಂತ್ರಿಕ-ವಾಣಿಜ್ಯ ಒಪ್ಪಂದಗಳನ್ನು ಮಾತುಕತೆ ನಡೆಸುತ್ತಿರುವಾಗ ನಿರ್ದಿಷ್ಟ ಕಾನೂನುಗಳನ್ನು ಪರಿಚಯಿಸಿವೆ. ಕೆನಡಾ ಇತ್ತೀಚೆಗೆ ಗೂಗಲ್‌ನ ಪ್ರಾಬಲ್ಯವನ್ನು ಕೊನೆಗೊಳಿಸಲು ಮತ್ತು ನ್ಯಾಯಯುತ ಆದಾಯ ಹಂಚಿಕೆಯನ್ನು ಖಚಿತಪಡಿಸಿಕೊಳ್ಳಲು ಪ್ರಸ್ತಾಪಿಸುವ ಮಸೂದೆಯನ್ನು ಮಂಡಿಸಿದೆ.

ಗ್ರಾಹಕರಿಗೆ ಗುಣಮಟ್ಟದ ಸುದ್ದಿ

ಡಿಜಿಟಲ್ ಪ್ಲಾಟ್‌ಫಾರ್ಮ್‌ಗಳು ಮತ್ತು ಸುದ್ದಿ ಪೂರೈಕೆದಾರರ ನಡುವಿನ ಆದಾಯ ಹಂಚಿಕೆಯಿಂದ ಗ್ರಾಹಕರಿಗೂ ಕೂಡ ಪ್ರಯೋಜನವಾಗಲಿದೆ. ಡಿಜಿಟಲ್ ಸುದ್ದಿ ಪ್ರಕಾಶಕರು, ಸುದ್ದಿ ಸಂಸ್ಥೆಗಳು ಉತ್ಪಾದಿಸುವ ಸುದ್ದಿ ವಿಷಯಕ್ಕೆ ನ್ಯಾಯಯುತ ವೇತನವನ್ನು ಪಡೆದುಕೊಳ್ಳುವುದು ಮಾಧ್ಯಮ ಸಂಸ್ಥೆಗಳಿಗೆ ಸ್ಥಿರ ಮತ್ತು ಗಮನಾರ್ಹ ಆದಾಯವನ್ನು ಒದಗಿಸುತ್ತದೆ.

ಈ ಆದಾಯವನ್ನು ತಮ್ಮ ಡಿಜಿಟಲ್ ನ್ಯೂಸ್ ಪೋರ್ಟಲ್‌ಗಳನ್ನು ಕೂಲಂಕಷವಾಗಿ ಪರಿಶೀಲಿಸಲು ಬಳಸಿಕೊಳ್ಳಬಹುದು, ಟ್ರಾಫಿಕ್, ಪುಟವೀಕ್ಷಣೆಗಳು ಮತ್ತು ಎಸ್‌ಇಒ ಶ್ರೇಯಾಂಕಗಳ ರ್‍ಯಾಟ್ ರೇಸ್‌ಗಳನ್ನು ಮೀರಿ ನೋಡಲು ಮತ್ತು ಓದುಗರಿಗೆ ಉತ್ತಮ ಗುಣಮಟ್ಟದ, ವೈವಿಧ್ಯಮಯ ಮತ್ತು ನಿಖರವಾದ ಸುದ್ದಿಗಳನ್ನು ನೀಡುವತ್ತ ಗಮನ ಹರಿಸಬಹುದು.

ಮಾಧ್ಯಮ ಉದ್ಯೋಗಿಗಳಿಗೆ ನೆರವು

ಆದಾಯದ ಪ್ರಮಾಣದ ಹೆಚ್ಚಾದಂತೆ ಸುದ್ದಿ ಸಂಸ್ಥೆಗಳು ಹೆಚ್ಚು ಪತ್ರಕರ್ತರನ್ನು ನೇಮಿಸಿಕೊಳ್ಳಲು ಮತ್ತು ಅವರ ಅಸ್ತಿತ್ವದಲ್ಲಿರುವ ಉದ್ಯೋಗಿಗಳಿಗೆ ಉತ್ತಮ ವೇತನ ನೀಡಲು ಸಾಧ್ಯವಾಗುತ್ತದೆ. ಇದು ಉತ್ತಮ ಗುಣಮಟ್ಟದ ಪತ್ರಿಕೋದ್ಯಮವನ್ನು ಪ್ರೋತ್ಸಾಹಿಸುತ್ತದೆ ಮತ್ತು ಗ್ರಾಹಕರು ನೇರವಾಗಿ ಸುದ್ದಿಗಳಿಗೆ ಪಾವತಿ ಮಾಡಲು ಪ್ರಾರಂಭಿಸಲು ಪ್ರಕಾಶಕರಿಗೆ ಸಹಾಯ ಮಾಡುತ್ತದೆ. ಪ್ರತಿಯಾಗಿ, ಇದು ಡಿಜಿಟಲ್ ಜಾಹೀರಾತು ಸ್ಟ್ರೀಮ್‌ಗಳ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡುತ್ತದೆ.

ನಕಲಿ ಸುದ್ದಿಗಳಿಗೆ ಕಡಿವಾಣ

ಗೂಗಲ್ ಮತ್ತು ಫೇಸ್‌ಬುಕ್‌ನಂತಹ ಪ್ಲಾಟ್‌ಫಾರ್ಮ್‌ಗಳು ತಮ್ಮ ಅಲ್ಗಾರಿದಮ್‌ಗಳ ರಚನೆಯಿಂದಾಗಿ ನಕಲಿ ಸುದ್ದಿಗಳಿಂದ ಲಾಭ ಪಡೆಯುತ್ತವೆ ಎಂಬ ಆತಂಕವು ಹೆಚ್ಚಾಗಿದೆ. ಉದಾಹರಣೆಗೆ, ಗೂಗಲ್ ತನ್ನ ಎಲ್ಲಾ ಜಾಹೀರಾತು ಟ್ರಾಫಿಕ್‌ನ 48 ಪ್ರತಿಶತವನ್ನು ನಕಲಿ ಅಥವಾ ತಪ್ಪುದಾರಿಗೆಳೆಯುವ ಸುದ್ದಿಗಳನ್ನು ನೀಡುವ ಸುದ್ದಿ ಸೈಟ್‌ಗಳಿಗೆ ಒದಗಿಸುತ್ತದೆ ಎಂದು ನಂಬಲಾಗಿದೆ. 2016 ರ ಯುಎಸ್ ಚುನಾವಣೆಗಳು ಮತ್ತು ಕೋವಿಡ್ -19 ಸಾಂಕ್ರಾಮಿಕ ಸಮಯದಲ್ಲಿ ಕಂಡುಬಂದಂತೆ ಫೇಸ್‌ಬುಕ್ ಕೂಡ ವಾಸ್ತವಿಕ ಸುದ್ದಿಗಳ ಮೇಲೆ ತಪ್ಪು ಮಾಹಿತಿಯನ್ನು ಪ್ರಚಾರ ಮಾಡುತ್ತಿದೆ ಎಂದು ಆರೋಪಿಸಲಾಗಿದೆ.

ಸಾಂಪ್ರದಾಯಿಕ ಸುದ್ದಿ ಮಾಧ್ಯಮಗಳು ತಮ್ಮ ವಿಷಯದ ಮೇಲೆ ಸ್ವಯಂ-ನಿಯಂತ್ರಕ ಕಾರ್ಯವಿಧಾನಗಳು ಅಥವಾ ಮೂರನೇ ವ್ಯಕ್ತಿಯ ಮೇಲ್ವಿಚಾರಣೆಯನ್ನು ಹೊಂದಿದ್ದರೂ, ಬಿಗ್ ಟೆಕ್ ಎಲ್ಲಾ ರೀತಿಯ ಸುದ್ದಿಗಳನ್ನು ಕಡಿಮೆ ಅಥವಾ ಯಾವುದೇ ಮೇಲ್ವಿಚಾರಣೆಯಿಲ್ಲದೆ ಚಾನಲ್ ಮಾಡುತ್ತದೆ. ತಪ್ಪು ಮಾಹಿತಿಗಾಗಿ ಪ್ರೋತ್ಸಾಹವನ್ನು ಕಡಿಮೆ ಮಾಡುವ ವ್ಯಾಪಕವಾದ ಸುಧಾರಣೆಗಳು ನಕಲಿ ಸುದ್ದಿಗಳನ್ನು ಕಡಿಮೆ ಮಾಡುವಲ್ಲಿ ಸಹಾಯಕವಾಗುತ್ತದೆ.

English summary

After Australia, Canada and France, India is also in the process of drafting a new law in the digital news sector, if new law passed, will change the way tech giants like Google and Facebook pay for the news they display on their platforms.