ಮಾರ್ಚ್ 16ರಂದು ಸ್ಥಿರತೆ ಪಡೆದುಕೊಂಡ ಬಿಟ್ ಕಾಯಿನ್ ಮೌಲ್ಯ
ಬೆಂಗಳೂರು, ಮಾರ್ಚ್16: ಜನಪ್ರಿಯ ಕ್ರಿಪ್ಟೋಕರೆನ್ಸಿ ಬಿಟ್ ಕಾಯಿನ್ ಮೌಲ್ಯ ಮಂಗಳವಾರ ಸ್ಥಿರತೆ ಪಡೆದುಕೊಂಡಿದೆ. ಸತತವಾಗಿ ಏರಿಕೆ ನಂತರ ಸೋಮವಾರದಂದು ಶೇ 9.2 ರಷ್ಟು ಒಟ್ಟಾರೆ ಕುಸಿತ ಕಂಡು ಬೆಳಗ್ಗಿನ ವಹಿವಾಟಿನಲ್ಲಿ $56, 325ಕ್ಕೆ ಕುಸಿದಿತ್ತು. ಆದರೆ, ಮಂಗಳವಾರ(ಮಾರ್ಚ್ 16) ಕೊಂಚ ಇಳಿಕೆಯಾದರೂ $55,619.72 ನಂತೆ ವಹಿವಾಟು ನಡೆಸಿದೆ.
ಭಾನುವಾರ (ಮಾರ್ಚ್ 14)ರಂದು 60, 000 ಡಾಲರ್ ಗಡಿ ದಾಟಿತ್ತು. ಶನಿವಾರದಂದು ಶೇ 6.64ರಷ್ಟು ಏರಿಕೆ ಕಂಡು ಮೊದಲ ಬಾರಿಗೆ ದಾಖಲೆಯ $61,073.71 ತಲುಪಿತ್ತು.
ಡಿಜಿಟಲ್ ದುಡ್ಡು ಬಿಟ್ ಕಾಯಿನ್ 1 ಟ್ರಿಲಿಯನ್ ಡಾಲರ್ ಮಾರುಕಟ್ಟೆ ಮೌಲ್ಯ ದಾಟಿ ಅಚ್ಚರಿ ಮೂಡಿಸಿದ ಬಳಿಕ ಭಾರಿ ಕುಸಿತ ಕಂಡಿತ್ತು. ಕಳೆದ ವರ್ಷ ಇದೇ ಅವಧಿಯಲ್ಲಿ 27,734 ಡಾಲರ್ ಮೌಲ್ಯ ಹೊಂದಿದ್ದ ಬಿಟ್ ಕಾಯಿನ್ ಶೇ 120.2ರಷ್ಟು ಏರಿಕೆ ಕಂಡಿದೆ.
ಮಾರ್ಚ್
15ರಂದು
ಈ
ಸಮಯಕ್ಕೆ
ಬಿಟ್
ಕಾಯಿನ್
ಮೌಲ್ಯ:
ಬಿಟ್
ಕಾಯಿನ್
ಬೆಲೆ:
$55,619.72
ಒಟ್ಟಾರೆ
ಮಾರುಕಟ್ಟೆ
ಮೌಲ್ಯ:
$1,037,617,098,149
ಒಂದು
ಬಿಟ್
ಕಾಯಿನ್
ಬೆಲೆ
=
39,93,297.13
ರು
(1
USD=72.52
ರುಪಾಯಿ)
ಕಳೆದ 24 ಗಂಟೆಗಳಲ್ಲಿ ಶೇ 1.87ಷ್ಟು ಇಳಿಕೆ ಕಂಡಿದೆ. ಈ ವಾರ 1.89% ರಷ್ಟು ಏರಿಕೆಯಾಗಿತ್ತು. ಈ ನಡುವೆ ಮತ್ತೊಂದು ಡಿಜಿಟಲ್ ಕರೆನ್ಸಿ ಎಥೆರೆಯಂ(Ethereum) ಕಳೆದ 24 ಗಂಟೆಗಳಲ್ಲಿ ಶೇ 0.12ರಷ್ಟು ಏರಿಕೆ ಕಂಡು 1,779.52ಡಾಲರ್ ಮೌಲ್ಯ ಪಡೆದಿದೆ. ಒಟ್ಟಾರೆ $ 203,697,141,351ಮೌಲ್ಯ ಹೊಂದಿದೆ. ಮತ್ತೊಂದು ಕರೆನ್ಸಿ ಕಾರ್ಡಾನೋ ಕಳೆದ 24 ಗಂಟೆಗಳಲ್ಲಿ ಶೇ 16ರಷ್ಟು ಏರಿಕೆ ಕಂಡಿದ್ದು, $39,525,731,248 ಮೌಲ್ಯ ಹೊಂದಿದೆ.
ಬಿಟ್ಕಾಯಿನ್: ಇದು ಅತ್ಯಂತ ಜನಪ್ರಿಯ ಕ್ರಿಪ್ಟೋಕರೆನ್ಸಿಯಾಗಿದೆ. ಡಿಜಿಟಲ್ ಕರೆನ್ಸಿಯಾಗಿರುವುದರಿಂದ ಯಾವುದೇ ರೀತಿಯಲ್ಲಿ ಮುದ್ರಣ ರೂಪದಲ್ಲಿ ಸಿಗುವುದಿಲ್ಲ. ರೂಪಾಯಿ, ಡಾಲರ್, ಯುರೋ ಗಳಂತೆ ಭೌತಿಕ ರೂಪದಲ್ಲಿ ಇರುವುದಿಲ್ಲ. ಯಾವುದೇ ದೇಶ, ಭಾಷೆ, ಬ್ಯಾಂಕುಗಳಿಗೆ ಇದು ಸೀಮಿತವಾಗಿಲ್ಲ. ಭಾರತ, ಸೌದಿ ಅರೇಬಿಯಾ, ಅಲ್ಜೀರಿಯಾ, ಬೊಲಿವಿಯಾ ಅನೇಕ ದೇಶಗಳಲ್ಲಿ ನಿಷೇಧವಾಗಿರುವ ಕ್ರಿಪ್ಟೋ ಕರೆನ್ಸಿ ಇತ್ತೀಚೆಗೆ ಭಾರಿ ಬೇಡಿಕೆ ಪಡೆದು ತನ್ನ ಮೌಲ್ಯ ಹೆಚ್ಚಿಸಿಕೊಂಡಿದೆ. ಆದರೆ, ಡಿಜಿಟಲ್ ಆಸ್ತಿ ರೂಪದಲ್ಲಿ ಕ್ರಿಪ್ಟೋ ಕರೆನ್ಸಿ ಬಳಕೆಯಾಗಬಹುದೇ ಹೊರತೂ ಸಾಮಾನ್ಯ ವ್ಯವಹಾರಕ್ಕೆ ಸೂಕ್ತವಲ್ಲ ಎಂದು ತಜ್ಞರು ಕೂಡಾ ಅಭಿಪ್ರಾಯಪಟ್ಟಿದ್ದಾರೆ.