ಈ ಬ್ಯಾಂಕುಗಳ ಉಳಿತಾಯ ಖಾತೆಗಳಿಗೆ ಶೇ. 7.5ರಷ್ಟು ಬಡ್ಡಿ
ನವದೆಹಲಿ, ಆಗಸ್ಟ್ 12: ಆರ್ಬಿಐ ರೆಪೋ ದರ ಕಡಿತಗೊಳಿಸಿದ ಬಳಿಕ, ಕಳೆದ ಹಲವು ತಿಂಗಳುಗಳಲ್ಲಿ ಉಳಿತಾಯ ಖಾತೆ ಮೇಲಿನ ಬಡ್ಡಿ ದರವನ್ನು ಅನೇಕ ಬ್ಯಾಂಕುಗಳು ಕಡಿತಗೊಳಿಸಿವೆ. ಉಳಿತಾಯ ಖಾತೆ ಅಷ್ಟೇ ಅಲ್ಲದೆ ನಿಶ್ಚಿತ ಠೇವಣಿ ಬಡ್ಡಿದರವು ಇಳಿಕೆಯಾಗಿದೆ.
ಉಳಿತಾಯ ಖಾತೆಯ ಬಡ್ಡಿದರ ಇಳಿಕೆಯು ಗ್ರಾಹಕರಿಗೆ ಬೇಸರ ತರಿಸಿದ್ದರೂ, ಹೂಡಿಕೆದಾರರಿಗೆ ಸುಲಭವಾಗಿ ದ್ರವ್ಯತೆಯನ್ನು ಒದಗಿಸಿರುವ ಜೊತೆಗೆ ಠೇವಣಿಯಾಗಿ ಇಟ್ಟಿರುವ ಹಣಕ್ಕೆ ಬಡ್ಡಿ ಪಡೆಯಬಹುದು. ಕೆಲವು ಬ್ಯಾಂಕುಗಳು ಇನ್ನೂ ತಮ್ಮ ಉಳಿತಾಯ ಖಾತೆಯಲ್ಲಿ ಶೇಕಡಾ 7.50 ರವರೆಗೆ ಬಡ್ಡಿ ನೀಡುತ್ತಿವೆ. ಈ ಬ್ಯಾಂಕುಗಳನ್ನು ಸಣ್ಣ ಹಣಕಾಸು ಬ್ಯಾಂಕುಗಳು ಎಂದು ಕರೆಯಲಾಗುತ್ತದೆ.
ಕೊರೊನಾದಿಂದ ಬ್ಯಾಂಕುಗಳ ಅನುತ್ಪಾದಕ ಸಾಲವು ಹೆಚ್ಚಾಗಲಿದೆ: ಆರ್ಬಿಐ ವರದಿ
ಸಣ್ಣ ಹಣಕಾಸು ಬ್ಯಾಂಕುಗಳಲ್ಲಿ ಬಡ್ಡಿ ಹೆಚ್ಚು
ದೊಡ್ಡ ಬ್ಯಾಂಕುಗಳಿಗೆ ಹೋಲಿಸಿದಾಗ, ಸಣ್ಣ ಹಣಕಾಸು ಬ್ಯಾಂಕುಗಳ ಉಳಿತಾಯ ಖಾತೆಗಳ ಬಡ್ಡಿದರಗಳು ಸಾಮಾನ್ಯ ನಾಗರಿಕರಿಗೆ ಮತ್ತು ಹಿರಿಯ ನಾಗರಿಕರಿಗೆ ಹೆಚ್ಚಿರುತ್ತವೆ.
"ಸಣ್ಣ ಪ್ರಾಥಮಿಕವಾಗಿ ಸಣ್ಣ ವ್ಯಾಪಾರ ಘಟಕಗಳು, ಸಣ್ಣ ಮತ್ತು ಅಲ್ಪ ರೈತರು, ಸೂಕ್ಷ್ಮ ಮತ್ತು ಸಣ್ಣ ಕೈಗಾರಿಕೆಗಳು ಮತ್ತು ಅಸಂಘಟಿತ ಘಟಕಗಳು ಸೇರಿದಂತೆ ಸೇವೆ ಸಲ್ಲಿಸದ ಮತ್ತು ಕಡಿಮೆ ವರ್ಗದವರಿಗೆ ಮೂಲಭೂತ ಬ್ಯಾಂಕಿಂಗ್ ಚಟುವಟಿಕೆಗಳನ್ನು ಕೈಗೊಳ್ಳಲು ಅವುಗಳನ್ನು ನಿರ್ಮಿಸಲಾಗಿದೆ" ಎಂದು ಸಣ್ಣ ಹಣಕಾಸು ಬ್ಯಾಂಕ್ ಎ.ಯು. ಹೇಳಿದೆ.
ಐಡಿಎಫ್ಸಿ ಫಸ್ಟ್ ಬ್ಯಾಂಕ್ನಲ್ಲಿ ಶೇಕಡಾ 7 ರಷ್ಟು ಬಡ್ಡಿ
ಪ್ರಸ್ತುತ, ಐಡಿಎಫ್ಸಿ ಫಸ್ಟ್ ಬ್ಯಾಂಕ್ ತನ್ನ ಉಳಿತಾಯ ಠೇವಣಿಗಳ ಮೇಲೆ ಶೇಕಡಾ 7 ರಷ್ಟು ಬಡ್ಡಿದರವನ್ನು ನೀಡುವುದಾಗಿ ಹೇಳಿಕೊಂಡಿದೆ.
ಜೂನ್ 10ರಿಂದ 0.25 ಪರ್ಸೆಂಟ್ ಎಂಸಿಎಲ್ಆರ್ ಇಳಿಕೆ: ಎಸ್ಬಿಐ
ಉಜ್ಜೀವನ್ ಹಣಕಾಸು ಬ್ಯಾಂಕು
ಮತ್ತೊಂದು ಸಣ್ಣ ಹಣಕಾಸು ಬ್ಯಾಂಕ್ ಉಜ್ಜೀವನ್ ಸಣ್ಣ ಹಣಕಾಸು ಬ್ಯಾಂಕ್ 1 ಲಕ್ಷ ರೂ.ಗಳ ಬಾಕಿ ಮೇಲೆ ಶೇಕಡಾ 4 ರಷ್ಟು, 1 ಲಕ್ಷಕ್ಕಿಂತ ಹೆಚ್ಚಿನ ಮೊತ್ತಕ್ಕೆ ಶೇಕಡಾ 5 ಮತ್ತು 5 ಲಕ್ಷಕ್ಕಿಂತ ಹೆಚ್ಚಿನ ಮತ್ತು 50 ಲಕ್ಷ ರೂ.ಗಳವರೆಗೆ ಶೇಕಡಾ 5.25 ಬಡ್ಡಿ ದರವನ್ನು ನೀಡುತ್ತದೆ. 50 ಲಕ್ಷಕ್ಕೂ ಹೆಚ್ಚು ಮತ್ತು 5 ಲಕ್ಷ ರೂ.ಗಳ ಬಾಕಿ ದರಕ್ಕೆ ಶೇ 6.25 ರಷ್ಟಿದೆ. 5 ಕೋಟಿ ರೂ.ಗಿಂತ ಹೆಚ್ಚಿನ ಮೊತ್ತದ ಮೇಲೆ ಬ್ಯಾಂಕ್ ಶೇಕಡಾ 6.5 ದರವನ್ನು ನೀಡುತ್ತದೆ.
ಉತ್ಕರ್ಷ್ ಸಣ್ಣ ಹಣಕಾಸು ಬ್ಯಾಂಕು
ಮತ್ತೊಂದೆಡೆ, ಉತ್ಕರ್ಷ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್, ಒಂದು ಲಕ್ಷ ರೂ.ವರೆಗಿನ ಬಾಕಿ ಮೊತ್ತದ ಮೇಲೆ 5 ಪರ್ಸೆಂಟ್, 1 ಲಕ್ಷ ರೂ.ಗಿಂತ ಹೆಚ್ಚಿನ ಬಾಕಿ ಮೊತ್ತದ ಮತ್ತು 25 ಲಕ್ಷ ರೂ.ವರೆಗೆ ಮೊತ್ತದ ಮೇಲೆ ಶೇಕಡಾ 6 ಮತ್ತು 25 ಲಕ್ಷ ರೂ. ಮೇಲಿನ ಹಣಕ್ಕೆ 7.25 ಪ್ರತಿಶತದಷ್ಟು ಬಡ್ಡಿದರಗಳನ್ನು ನೀಡುತ್ತದೆ.
ಈಕ್ವಿಟಾಸ್ ಸಣ್ಣ ಹಣಕಾಸು ಬ್ಯಾಂಕು
ಈಕ್ವಿಟಾಸ್ ಒಂದು ಲಕ್ಷ ರೂ.ಗಳವರೆಗೆ 3.50 ರಷ್ಟು ಬಡ್ಡಿ ದರವನ್ನು ನೀಡುತ್ತದೆ. ಇದು ಒಂದು ಲಕ್ಷ ರೂ.ಗಿಂತ ಹೆಚ್ಚಿನ ಮತ್ತು 5 ಕೋಟಿ ರೂ.ಗಳವರೆಗೆ ಶೇಕಡಾ 7 ದರವನ್ನು ನೀಡುತ್ತದೆ. 5 ಕೋಟಿಗಿಂತ ಹೆಚ್ಚಿನ ಮತ್ತು 30 ಕೋಟಿ ರೂ.ಗಳವರೆಗೆ, ಇದು ಶೇಕಡಾ 7.25 ದರವನ್ನು ನೀಡುತ್ತದೆ. 50 ಕೋಟಿ ರೂ.ಗಳವರೆಗೆ ಶೇಕಡಾ 7.50 ರಷ್ಟು ದರವನ್ನು ನೀಡುತ್ತದೆ.
ಈ ಸಣ್ಣ ಹಣಕಾಸು ಬ್ಯಾಂಕುಗಳಿಗೆ ಹೋಲಿಸಿದರೆ, ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್ಬಿಐ) ಪ್ರಸ್ತುತ ಒಂದು ಲಕ್ಷ ರೂ ಮತ್ತು ಅದಕ್ಕಿಂತ ಹೆಚ್ಚಿನ ಠೇವಣಿಗಳ ಮೇಲೆ ಶೇಕಡಾ 2.75 ರಷ್ಟು ದರವನ್ನು ನೀಡುತ್ತದೆ.