ಆ್ಯಪಲ್ ಹೊಸ ಆಪರೇಟಿಂಗ್ ಸಿಸ್ಟಂ 'iOS 11' ವಿಶೇಷತೆಯೇನು?

ನವದೆಹಲಿ, ಸೆಪ್ಟೆಂಬರ್ 19: ಆ್ಯಪಲ್ ಕಂಪನಿಯ ಹೊಸ ಆಪರೇಟಿಂಗ್ ಸಿಸ್ಟಂ ಆದ 'ಐಒಎಸ್ 11' ಸೆ. 19ರಂದು ಬಿಡುಗಡೆಯಾಗಿದೆ. ಇದರ ಬಗ್ಗೆ ಇದೇ ವರ್ಷ ಜೂನ್ 5ರಂದೇ ಮಾಹಿತಿ ನೀಡಿತ್ತು ಆ್ಯಪಲ್ ಕಂಪನಿ.

ಐಫೋನ್, ಐಪ್ಯಾಡ್, ಐಪಾಡ್ ಗಳಿಗೆ ಈ ಹೊಸ ಸಾಫ್ಟ್ ವೇರ್ ಅನ್ನು ಅಪ್ ಡೇಟ್ ಮಾಡಬಹುದು ಎಂದು ಹೇಳಲಾಗಿದೆ. ಈ ಹೊಸ ಆಪರೇಟಿಂಗ್ ಸಿಸ್ಟಂ ನಲ್ಲಿ ಕೃತಕ ಬುದ್ಧಿಮತ್ತೆಯನ್ನು (ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್) ಹೆಚ್ಚು ವಿಶೇಷವಾಗಿ ಬಳಸಿಕೊಳ್ಳಲಾಗಿದೆ. ಅಲ್ಲದೆ, ವರ್ಚುವಲ್ ರಿಯಾಲಿಟಿ ತಂತ್ರಾಂಶದ ಮೂಲಕ ಈ ಆ್ಯಪ್ ಅನ್ನು ಮತ್ತಷ್ಟು ಪರಿಣಾಮಕಾರಿಯಾಗಿ ರೂಪಿಸಲಾಗಿದೆ ಎಂದು ಕಂಪನಿ ಹೇಳಿಕೊಂಡಿದೆ.

ಈ ಹಿಂದೆ ಬಂದಿರುವ ಆ್ಯಪಲ್ ಕಂಪನಿಯ ಎಲ್ಲಾ ಒಎಸ್ ಗಳಿಗಿಂತಲೂ ಈ ಹೊಸ ಒಎಸ್ ಭಾರೀ ವಿಭಿನ್ನವಾಗಿದ್ದು, ಬಳಕೆದಾರರಿಗೆ ಹೊಸ ಅನುಭೂತಿಯನ್ನು ನೀಡುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.

ಐಫೋನ್ 5ಎಸ್ ಹಾಗೂ ಅದರ ನಂತರದ ಮಾಡೆಲ್ ಗಳ ಫೋನ್ ಗಳಿಗೆ ಈ ಹೊಸ ಆಪರೇಟಿಂಗ್ ಸಿಸ್ಟಂ ಅನ್ನು ಉಚಿತವಾಗಿ ಅಪ್ ಡೇಟ್ ಮಾಡಿಕೊಳ್ಳಬಹುದಾಗಿದೆ.

ಎಲ್ಲಾ ಐಪ್ಯಾಡ್ ಏರ್, ಐಪಾಡ್ ಪ್ರೊ ಮಾಡೆಲ್ ಗಳು, ಐಪ್ಯಾಡ್ 5ನೇ ತಲೆಮಾರಿನ (5th generation) ಉಪಕರಣಗಳು, ಐಪ್ಯಾಡ್ ಮಿನಿ 2 ಹಾಗೂ ಆನಂತರದ ಎಲ್ಲಾ ಐಪಾಡ್ ಟಚ್ (6th generation) ಗಳಿಗೆ ಈ ಆಪರೇಟಿಂಗ್ ಸಿಸ್ಟಂ ಉಚಿತವಾಗಿ ಅಪ್ ಡೇಟ್ ಮಾಡಿಕೊಳ್ಳಲು ಅವಕಾಶ ಸಿಗಲಿದೆ. ಆದರೆ, ಕೆಲವು ಮಾಡೆಲ್ ಐಫೋನ್ ಗಳಿಗೆ ಹಣ ಪಾವತಿಸುವ ಮೂಲಕ ಈ ಆಪರೇಟಿಂಗ್ ಸಿಸ್ಟಂ ಅನ್ನು ಅಪ್ ಡೇಟ್ ಮಾಡಿಕೊಳ್ಳಬೇಕಿದೆ. ಈ ಸೌಲಭ್ಯ ಸದ್ಯಕ್ಕೆ ಅಮೆರಿಕದಲ್ಲಿ ಮಾತ್ರ ಲಭ್ಯವಿದೆ.

ಸ್ಪ್ಲಿಟ್ ಸ್ಕ್ರೀನ್ ಅನುಕೂಲ

- ಬಹು ಕಾರ್ಯ ನಿರ್ವಹಣೆಗೆ (ಮಲ್ಟಿ ಟಾಸ್ಕಿಂಗ್) ಹೆಚ್ಚು ಆದ್ಯತೆ.
- ಹೆಚ್ಚು ಉಪಯೋಗಿಸುವ ಆ್ಯಪ್ ಗಳನ್ನು ಯಾವುದೇ ಪರದೆ ಮೂಲಕ ಕ್ಷಿಪ್ರವಾಗಿ ತೆರೆಯಲು ಅನುಕೂಲ
- ಒಂದೇ ಪರದೆಯಲ್ಲಿ 'ಸ್ಪ್ಲಿಟ್ ವ್ಯೂ' (ದ್ವಿ ಪರದೆ) ಮಾದರಿಗೆ ಬದಲಾಯಿಸಿ ಎರಡು ದಾಖಲೆ, ಕಡತ, ಫೋಟೋಗಳನ್ನು ಏಕಕಾಲದಲ್ಲಿ ವೀಕ್ಷಿಸಲು ಅನುಕೂಲ.

ಡ್ರಾಗ್ ಆ್ಯಂಡ್ ಡ್ರಾಪ್ ಗೆ ಆದ್ಯತೆ

- ನಿಮ್ಮೆಲ್ಲಾ ಕಡತಗಳನ್ನು (ಫೈಲ್) ಒಂದೇ ನಿರ್ದಿಷ್ಟ ಜಾಗದಲ್ಲಿ ಸಂಗ್ರಹಿಸಡಲು ಈಗ ಮತ್ತಷ್ಟು ಅವಕಾಶ. ಐಕ್ಲೌಡ್, ಬಾಕ್ಸ್, ಡ್ರಾಪ್ ಬಾಕ್ಸ್ ಹಾಗೂ ಇನ್ನಿತರ ಸೇವೆಗಳು ಲಭ್ಯ.
- ಯಾವುದೇ ಫೈನಲ್ ಗಳನ್ನು ಬೇರೆಡೆಗೆ ವರ್ಗಾಯಿಸಲು ಅನುಕೂಲವಾಗುವಂತೆ ಡ್ರಾಗ್ ಆ್ಯಂಡ್ ಡ್ರಾಪ್ ಮಾದರಿ ವೈಶಿಷ್ಟ್ಯತೆ.

ತ್ವರಿತ ಬರಹ ಸಾಧ್ಯ

- ಐಪ್ಯಾಡ್ ನಲ್ಲಿರುವ ಆ್ಯಪಲ್ ಪೆನ್ಸಿಲ್ ಈಗ ಮತ್ತಷ್ಟು ಪ್ರಭಾವಿ. ಇನ್ ಲೈನ್ ಡ್ರಾವಿಂಗ್, ಇನ್ ಸ್ಟಂಟ್ ನೋಟ್ಸ್ ವಿಶೇಷತೆಗಳಿಗೆ ಮತ್ತಷ್ಟು ಮೆರುಗು. ಪರದೆ ಲಾಕ್ ಆಗಿದ್ದಾಗಲೂ ಪೆನ್ಸಿಲ್ ಐಕಾನ್ ಟ್ಯಾಪ್ ಮಾಡುವುದರಿಂದ ತ್ವರಿತ ಬರಹ ಸಾಧ್ಯ.
- ಉತ್ಕೃಷ್ಟ ಗುಣಮಟ್ಟದ ಎಐ-ವಿಆರ್ ಆಯ್ಕೆ. ಐಫೋನ್, ಐಪ್ಯಾಡ್ ಗಳೆರಡರಲ್ಲೂ ಇದು ಲಭ್ಯ.

ಹೆಚ್ಚುವರಿ ಫೀಚರ್ ಗಳು

- ಕ್ಯಾಮೆರಾಗಳ ಕಾರ್ಯನಿರ್ವಹಣೆ ಮತ್ತಷ್ಟು ಪರಿಣಾಮಕಾರಿ. ಭಾವಚಿತ್ರ, ವಿಡಿಯೋ ಇತ್ಯಾದಿಗಳಲ್ಲಿ ಮತ್ತಷ್ಟು ಸ್ಪಷ್ಟತೆ.
- ಕಂಟ್ರೋಲ್ ಸೆಂಟರ್, ಒನ್ ಹ್ಯಾಂಡೆಡ್ ಕೀ ಮೋಡ್ - ಇವು ಹೆಚ್ಚುವರಿ ಫೀಚರ್ ಗಳು.

English summary

Apple will on Sept 19, 2017, released the the iOS 11, which it had unveiled on June 5, for iPhone, iPad, iPod Touch users.