ಭಾರತದಲ್ಲಿ ತನ್ನ ಮೊದಲ ಆನ್ಲೈನ್ ಮಳಿಗೆಯನ್ನು ತೆರೆಯಲಿದೆ ಆಪಲ್
ನವದೆಹಲಿ, ಸೆಪ್ಟೆಂಬರ್ 18: ಆಪಲ್ ತನ್ನ ಮೊದಲ ಆನ್ಲೈನ್ ಮಳಿಗೆಯನ್ನು ಮುಂದಿನ ವಾರ ಭಾರತದಲ್ಲಿ ತೆರೆಯಲಿದೆ. ಹೌದು, ಅಮೆರಿಕದ ತಂತ್ರಜ್ಞಾನ ದೈತ್ಯ ಆಪಲ್ ತನ್ನ ಮೊದಲ ಆನ್ಲೈನ್ ಅಂಗಡಿಯನ್ನು ಭಾರತದಲ್ಲಿ ಸೆಪ್ಟೆಂಬರ್ 23 ರಂದು ಪ್ರಾರಂಭಿಸಲಿದೆ.
ಈ ಮಾಹಿತಿಯನ್ನು ಆಪಲ್ ಸಿಇಒ ಟಿಮ್ ಕುಕ್ ಟ್ವಿಟ್ಟರ್ ನಲ್ಲಿ ತಿಳಿಸಿದ್ದಾರೆ. ಪ್ರತಿವರ್ಷ ಮಾರಾಟದ ದೃಷ್ಟಿಯಿಂದ ಚಿಲ್ಲರೆ ವ್ಯಾಪಾರಿಗಳಿಗೆ ಹಬ್ಬದ ಋತುಮಾನವು ಉತ್ತಮ ಅವಕಾಶವಾಗಿರುವುದರಿಂದ ಹಬ್ಬದ ಋತುವಿಗೆ ಮುಂಚಿತವಾಗಿ ದೇಶವು ಪಾದಾರ್ಪಣೆ ಮಾಡಲಿದೆ ಎಂದು ಐಫೋನ್ ತಯಾರಕ ಶುಕ್ರವಾರ ಹೇಳಿದ್ದಾರೆ. ಕಂಪನಿಯು ಪ್ರಸ್ತುತ ಭಾರತದಲ್ಲಿ ತನ್ನ ಉತ್ಪನ್ನಗಳನ್ನು ಥರ್ಡ್ ಪಾರ್ಟಿ ಮಾರಾಟಗಾರರು ಮತ್ತು ಅಮೆಜಾನ್.ಕಾಮ್ ಮತ್ತು ವಾಲ್ಮಾರ್ಟ್ ಒಡೆತನದ ಫ್ಲಿಪ್ಕಾರ್ಟ್ನಂತಹ ಇ-ಕಾಮರ್ಸ್ ಸೈಟ್ಗಳ ಮೂಲಕ ಮಾರಾಟ ಮಾಡುತ್ತದೆ ಎಂದು ತಿಳಿದಿದೆ.
ಆಪಲ್ ಐಪ್ಯಾಡ್, ವಾಚ್ ಸೀರೀಸ್ 6 ಬಿಡುಗಡೆ: 15 ಸೆಕೆಂಡ್ನಲ್ಲಿ ರಕ್ತದೊಳಗಿನ ಆಮ್ಲಜನಕವನ್ನು ತಿಳಿಸುತ್ತೆ..!
ಆಪಲ್ ತನ್ನ ಆನ್ಲೈನ್ ಸ್ಟೋರ್ಗಾಗಿ, ಯುಪಿಐ, ಕ್ಯಾಶ್ ಆನ್ ಡೆಲಿವರಿ ಮುಂತಾದ ಪಾವತಿ ಆಯ್ಕೆಗಳೊಂದಿಗೆ ಕಂಪನಿಯು ಪಾಲುದಾರಿಕೆ ಹೊಂದಿದೆ. ತನ್ನ ಆನ್ಲೈನ್ ಚಿಲ್ಲರೆ ಪ್ಲಾಟ್ಫಾರ್ಮ್ ಮೂಲಕ, ಆಪಲ್ ಇಂಗ್ಲಿಷ್ ಮತ್ತು ಹಿಂದಿಯಲ್ಲಿ ಗ್ರಾಹಕರನ್ನು ಬೆಂಬಲಿಸಲು ಯೋಜಿಸಿದೆ. ಆದರೆ ಬಳಕೆದಾರರು ತಮ್ಮ ಐಪ್ಯಾಡ್ಗಳು, ಆಪಲ್ ಪೆನ್ಸಿಲ್ಗಳು ಮತ್ತು ಏರ್ಪಾಡ್ಗಳನ್ನು ಇಂಗ್ಲಿಷ್ನಲ್ಲಿ ತೊಡಗಿಸಿಕೊಳ್ಳಲು ಅವಕಾಶವಿದೆ ಮತ್ತು ಬಂಗಾಳಿ ಮತ್ತು ಗುಜರಾತಿ ಸೇರಿದಂತೆ ಕೆಲವು ಭಾರತೀಯ ಭಾಷೆಗಳನ್ನು ತೊಡಗಿಸಿಕೊಳ್ಳಲು ಅವಕಾಶವಿದೆ.
ಉದ್ಯಮದ ಅಂದಾಜಿನ ಪ್ರಕಾರ, ಭಾರತೀಯ ಸ್ಮಾರ್ಟ್ಫೋನ್ ಮಾರುಕಟ್ಟೆಯಲ್ಲಿ ಆಪಲ್ನ ಮಾರುಕಟ್ಟೆ ಪಾಲು ಸುಮಾರು ಶೇ. 2 ರಷ್ಟಿದೆ. ಜೂನ್ 2020 ಕ್ಕೆ ಕೊನೆಗೊಂಡ ತ್ರೈಮಾಸಿಕದಲ್ಲಿ ಆಪಲ್ ಭಾರತದ ಪ್ರೀಮಿಯಂ ವಿಭಾಗದಲ್ಲಿ ಶೇ. 48.8 ಮಾರುಕಟ್ಟೆ ಪಾಲನ್ನು ಗಳಿಸಿದೆ ಎಂದು ಇಂಟರ್ನ್ಯಾಷನಲ್ ಡಾಟಾ ಕಾರ್ಪೊರೇಶನ್ನ (ಐಡಿಸಿ) ದತ್ತಾಂಶವು ತಿಳಿಸಿದೆ. ಇದು ಒಂದು ವರ್ಷದ ಹಿಂದೆ ಶೇ. 41.2 ರಷ್ಟಿದೆ.