ಜಿಯೋ ಜತೆ ಪೈಪೋಟಿ, 99 ರು ಯೋಜನೆ ಬದಲಾಯಿಸಿದ ಏರ್ ಟೆಲ್
ಬೆಂಗಳೂರು, ಜೂನ್ 18: ರಿಲಯನ್ಸ್ ಜಿಯೋ ಜತೆ ಪೈಪೋಟಿಗೆ ಬಿದ್ದಿರುವ ಭಾರ್ತಿ ಏರ್ ಟೆಲ್ ಸಂಸ್ಥೆ ತನ್ನ ಜನಪ್ರಿಯ ಪ್ರೀಪೇಯ್ಡ್ 99 ರು ಯೋಜನೆ ಬದಲಾಯಿಸಿದೆ.
28 ದಿನಗಳ ವ್ಯಾಲಿಡಿಟಿ ಹೊಂದಿರುವ ಈ ಯೋಜನೆಯಲ್ಲಿ ಇನ್ಮುಂದೆ ಗ್ರಾಹಕರಿಗೆ 2 ಜಿಬಿ ಡೇಟಾ ಸಿಗಲಿದೆ. ಈ ಹಿಂದೆ ಗ್ರಾಹಕರಿಗೆ 1 ಜಿಬಿ ಹೈ ಸ್ಪೀಡ್ ಡೇಟಾ ಲಭ್ಯವಿತ್ತು.ಹೆಚ್ಚುವರಿ ಡೇಟಾ ಜೊತೆಗೆ ಅನಿಯಮಿತ ಕಾಲಿಂಗ್ ಜೊತೆ ಉಚಿತ ರೋಮಿಂಗ್ ಸೌಲಭ್ಯ ಪಡೆಯಬಹುದಾಗಿದೆ. 99 ರೂಪಾಯಿ ರಿಚಾರ್ಜ್ ಮಾಡಿದ ಗ್ರಾಹಕರಿಗೆ ಪ್ರತಿ ದಿನ 100 ಎಸ್ಎಂಎಸ್ ಉಚಿತವಾಗಿ ಸಿಗಲಿದೆ.
ಸದ್ಯ ಈ ಹೊಸ ಸೌಲಭ್ಯ ಆಯ್ದ ಗ್ರಾಹಕರಿಗೆ ಸಿಗುತ್ತಿದ್ದು, ಶೀಘ್ರವೇ ಎಲ್ಲರಿಗೂ ಲಭ್ಯವಾಗಲಿದೆ. ಏರ್ ಟೆಲ್ ನ ಹೊಸ ಸೌಲಭ್ಯಕ್ಕೆ ಹೋಲಿಸಿದರೆ, ರಿಲಯನ್ಸ್ ಜಿಯೋ 99 ರೂಪಾಯಿ ಯೋಜನೆಯಲ್ಲಿ ಗ್ರಾಹಕರಿಗೆ ಪ್ರತಿ ದಿನ 100 ಎಸ್ಎಂಎಸ್ ಸಿಗುವುದಿಲ್ಲ. ಜಿಯೋ ಕೂಡಾ 28 ದಿನಗಳ ವ್ಯಾಲಿಡಿಟಿ ನೀಡುತ್ತಿದ್ದರೂ ಕೇವಲ 300 ಎಸ್ಎಂಎಸ್ ಕಳಿಸಬಹುದಾಗಿದೆ. ಜಿಯೋ ಕೂಡಾ ಈ ಯೋಜನೆಯನ್ನು ಕೆಲ ದಿನಗಳ ಹಿಂದಷ್ಟೇ ಬದಲಾವಣೆ ಮಾಡಿತ್ತು. ಇನ್ನು ಎಲ್ಲ ಗ್ರಾಹಕರಿಗೆ ಎಲ್ಲ ಪ್ಲಾನ್ ನಲ್ಲಿ 1.5 ಜಿಬಿ ಡೇಟಾ ಸಿಗಲಿದೆ.