Click it and Unblock the Notifications
Just In
-
-
-
Don't Miss
-
ಶಾಲೆಯನ್ನೇ ಬ್ಯೂಟಿ ಪಾರ್ಲರ್ ಮಾಡಿಕೊಂಡ ಪ್ರಿನ್ಸಿಪಾಲ್..! ಕೇಳಿದ ಶಿಕ್ಷಕಿ ಕೈ ಕಚ್ಚಿ ಹಲ್ಲೆ..! -
ಜಾವಾ ಮೋಟಾರ್ಸೈಕಲ್ ಮಾಲೀಕರಿಗೆ ಸಿಹಿಸುದ್ದಿ: ಈ ಅವಕಾಶ ಕಳೆದುಕೊಳ್ಳಬೇಡಿ! -
ಎಮರ್ಜೆನ್ಸಿ ಲೋನ್ ಅಂದ್ರೆ ಏನು, ಇದನ್ನು ಪಡೆದುಕೊಳ್ಳುವುದು ಹೇಗೆ ? ಇಲ್ಲಿದೆ ನೋಡಿ ಸುಲಭ ಉಪಾಯ -
ಹರ್ಷಿಕಾ ಪೂಣಚ್ಚ- ಭುವನ್ ಪೊನ್ನಣ್ಣ ಮೇಲೆ ಹಲ್ಲೆ; "ನಮ್ಮ ಬೆಂಗಳೂರಿನಲ್ಲಿ ನಾವು ಎಷ್ಟು ಸುರಕ್ಷಿತ?" ಎಂದ ನಟಿ -
ಜೈಪುರ ವ್ಯಾಕ್ಸ್ ಮ್ಯೂಸಿಯಂನಲ್ಲಿ ವಿರಾಟ್ ಕೊಹ್ಲಿ ಮೇಣದ ಪ್ರತಿಮೆ; ದಿಗ್ಗಜರ ಸಾಲಿಗೆ ಸೇರಿದ ಶ್ರೇಷ್ಠ ಬ್ಯಾಟರ್ -
ಇಂದು ಸ್ಯಾಮ್ಸಂಗ್ ಗ್ಯಾಲಕ್ಸಿ F15 5G ಫೋನ್ ಸೇಲ್!..ಬೆಲೆ ಎಷ್ಟು? -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನೋಕಿಯಾ ಬೆನ್ನಲ್ಲೇ ತೈವಾನ್ ಕಂಪನಿ ಬಾಗಿಲು ಬಂದ್
ಚೆನ್ನೈ, ಡಿ.12: ಮೈಕ್ರೋಸಾಫ್ಟ್ ಕಾರ್ಪ್ ಸಂಸ್ಥೆ ತನ್ನ ಲೂಮಿಯಾ ಸರಣಿ ಮೊಬೈಲ್ ಫೋನ್ ಗಳಿಂದ ನೋಕಿಯಾ ಹೆಸರನ್ನು ಕೈಬಿಟ್ಟಿರುವುದು ಎಲ್ಲರಿಗೂ ಗೊತ್ತೇ ಇದೆ. ಇದಕ್ಕೂ ಎಷ್ಟು ದಿನ ಮೊದಲೇ ನೋಕಿಯಾ ಸಂಸ್ಥೆ ಅವನತಿಗೆ ಮೈಕ್ರೋಸಾಫ್ಟ್ ನಾಂದಿ ಹಾಡಿತ್ತು. ಈಗ ಭಾರತದಲ್ಲಿ ನೋಕಿಯಾ ಘಟಕದ ಬೆನ್ನಲ್ಲೇ ತೈವಾನ್ ಮೂಲದ ಕಂಪನಿಯೊಂದು ಬಾಗಿಲು ಮುಚ್ಚುತ್ತಿದೆ.
ಶ್ರೀಪೆರಂಬುದೂರು ಬಳಿಯ ನೋಕಿಯಾ ಹ್ಯಾಂಡ್ ಸೆಟ್ ಉತ್ಪಾದನಾ ಘಟಕಕ್ಕೆ ಬಾಗಿಲು ಹಾಕಲಾಗಿದ್ದು ಅಲ್ಲಿನ ನೌಕರರು ಪ್ರತಿಭಟನೆ ನಡೆಸಿದ್ದು ಎಲ್ಲಾ ಈಗ ಹಳೆ ಸಂಗತಿ.
ಆದರೆ,
ಗಮನಾರ್ಹ
ಸಂಗತಿಯೆಂದರೆ
ಘಟಕದ
900
ಉದ್ಯೋಗಿಗಳಲ್ಲದೆ.
ಈ
ಘಟಕವನ್ನು
ನಂಬಿಕೊಂಡು
ಬೆಂಗಳೂರು
ಸೇರಿದಂತೆ
ದೇಶದ
ವಿವಿಧೆಡೆಗಳಿಂದ
ಸುಮಾರು
10
ಸಾವಿರಕ್ಕೂ
ಅಧಿಕ
ಮಂದಿ
ಪರೋಕ್ಷವಾಗಿ
ಕೆಲಸ
ಪಡೆದುಕೊಂಡಿದ್ದರು.
ಇವರಲ್ಲಿ
ಶೇ
60
ರಷ್ಟು
ಮಹಿಳಾ
ಉದ್ಯೋಗಿಗಳೇ
ಇದ್ದರು
ಎಂಬುದು
ವಿಶೇಷ.
ಈ ರೀತಿ ಪರೋಕ್ಷವಾಗಿ ನೋಕಿಯಾ ಘಟಕದ ಜೊತೆ ಕಾರ್ಯ ನಿರ್ವಹಿಸುತ್ತಿದ್ದ ತೈವಾನ್ ಮೂಲದ ಕಂಪನಿ ಫಾಕ್ಸ್ ಕಾನ್ ಈಗ ತನ್ನ ಘಟಕವನ್ನು ಬಂದ್ ಮಾಡುತ್ತಿದೆ. ಡಿ. 24ರಿಂದ ಎಲ್ಲಾ ಕಾರ್ಯಗಳನ್ನು ಸ್ಥಗಿತಗೊಳಿಸಲಿದೆ.ಎಫ್ ಐಎಚ್ ಪ್ರೈ ಲಿ.ನ ಅಂಗವಾದ ಫಾಕ್ಸ್ ಕಾನ್ ಸಂಸ್ಥೆಯಲ್ಲಿ ಸುಮಾರು 1,700ಕ್ಕೂ ಅಧಿಕ ಉದ್ಯೋಗಿಗಳು ಕಾರ್ಯ ನಿರ್ವಹಿಸುತ್ತಿದ್ದರು.
ನೋಕಿಯಾ ಸಂಸ್ಥೆಯ ಮೊಬೈಲ್ ಫೋನ್ ಪ್ಯಾನೆಲ್ ಗಳನ್ನು ಫಾಕ್ಸ್ ಕಾನ್ ತಯಾರಿಸುತ್ತಿತ್ತು. ನೋಕಿಯಾ ಘಟಕ ಮುಚ್ಚಿದ ಮೇಲೆ ಫಾಕ್ಸ್ ಕಾನ್ ಗೆ ಭಾರಿ ಹೊಡೆತ ಬಿತ್ತು. ನೋಕಿಯಾ ಸಂಸ್ಥೆಯಂತೆ ತನ್ನ ಉದ್ಯೋಗಿಗಳಿಗೆ ವಿಆರ್ ಎಸ್ ಆಯ್ಕೆ ನೀಡಿದರೂ ಪ್ರಯೋಜನವಾಗಲಿಲ್ಲ.
ಈಗ ವಿಧಿವಿಲ್ಲದೆ ಸಂಸ್ಥೆ ಮುಚ್ಚುವುದು ಅನಿವಾರ್ಯ ಇಲ್ಲಿನ ಸರ್ಕಾರ ಹಾಗೂ ಕಾರ್ಮಿಕರ ಸಂಘಟನೆಗಳು ನಮ್ಮ ಉದ್ಯೋಗಿಗಳ ಭವಿಷ್ಯದ ಬಗ್ಗೆ ಜವಾಬ್ದಾರಿ ಯಾರು ಹೊರ ಬೇಕಿದೆ ಎಂದು ಸಂಸ್ಥೆ ಪ್ರಶ್ನಿಸಿದೆ. [ನೋಕಿಯಾ ಬಂದ್, ತಿರುಗಿ ಬಿದ್ದ ಉದ್ಯೋಗಿಗಳು]
2013ರ ಏಪ್ರಿಲ್ ನಲ್ಲಿ 7.2 ಬಿಲಿಯನ್ ಡಾಲರ್ ಡೀಲ್ ಕುದುರಿಸಿ ನೋಕಿಯಾ ಸಂಸ್ಥೆ ಹ್ಯಾಂಡ್ ಸೆಟ್ ವ್ಯವಹಾರವನ್ನು ಮೈಕ್ರೋಸಾಫ್ಟ್ ತನ್ನದಾಗಿಸಿಕೊಂಡಿತ್ತು. ಅದರೆ, ಹೊಸ ಸರಣಿಯ ಫೋನ್ ಗಳಿಗೂ ನೋಕಿಯಾ ಹೆಸರನ್ನು ಬಳಸಿಕೊಳ್ಳುತ್ತಿತ್ತು. ಅದರೆ, ಅ.23ರ ಮೈಕ್ರೋಸಾಫ್ಟ್ ಫೇಸ್ ಬುಕ್ ಪ್ರಕಟಣೆಯಂತೆ ನೋಕಿಯಾ ಹೆಸರನ್ನು ಕೈಬಿಡಲಾಗಿದೆ.
ನೋಕಿಯಾ ಅಶಾ ಸರಣಿ, ಎಕ್ಸ್ ಸರಣಿಯನ್ನು ಅಂತ್ಯಗಾಣಿಸಲಾಗಿದೆ. ಜಾಗತಿಕವಾಗಿ ವಿಂಡೋಸ್ ಆಧಾರಿತ ಮೊಬೈಲ್ ಫೋನ್ ಜನಪ್ರಿಯತೆ ಹೆಚ್ಚಿಸಲು ಮೈಕ್ರೋಸಾಫ್ಟ್ ಯತ್ನಿಸುತ್ತಿದೆ. [ಮೈಕ್ರೋಸಾಫ್ಟ್ ಗರ್ಭ ಸೇರಿದ ನೋಕಿಯಾ ಬಗ್ಗೆ]
