ನಂಬಲಸಾಧ್ಯ! ಫೋನಿ ಹೊಡೆತಕ್ಕೆ ಹೇಗಾಗಿತ್ತು ನೋಡಿ ಒಡಿಶಾ: ನಾಸಾ ಚಿತ್ರ
ಭುವನೇಶ್ವರ, ಮೇ 09: 'ಫೋನಿ' ಚಂಡಮಾರುತಕ್ಕೆ ಸಂಬಂಧಿಸಿದಂತೆ ಅಮೆರಿಕದ ನ್ಯಾಶ್ನಲ್ ಏರೋನಾಟಿಕ್ಸ್ ಅಂಡ್ ಸ್ಪೇಸ್ ಸಂಸ್ಥೆ(ನಾಸಾ) ಬಿಡುಗಡೆ ಮಾಡಿದ ಚಿತ್ರಗಳು ಸೈಕ್ಲೋನ್ ನ ಭೀಕರತೆಗೆ ಸಾಕ್ಷಿಯಾಗಿದೆ. ಕೆಲ ಹೊತ್ತು ಒಡಿಶಾದ ಅವಳಿ ನಗರಗಳಾದ ಭುವನೇಶ್ವರ ಮತ್ತು ಕಟಕ್ ಅನ್ನು ಕಗ್ಗತ್ತಲಲ್ಲಿ ಮುಳುಗಿಸಿದ್ದ ಫೋನಿ ಅವಾಂತರವನ್ನು ಈ ಚಿತ್ರಗಳು ಸೆರೆಹಿಡಿದಿವೆ.
ಫೋನಿ ಚಂಡಮಾರುತದಿಂದಾಗಿ ಒಡಿಶಾದಲ್ಲಿ ಸಾವಿರಾರು ವಿದ್ಯುತ್ ಕಂಬಗಳು ಬಿದ್ದು, ವಿದ್ಯುತ್ ಸರಬರಾಜು ಹಲವೆಡೆ ಸ್ಥಗಿತವಾಗಿತ್ತು. ಈ ಸಂದರ್ಭದಲ್ಲಿ ತೆಗೆಯಲಾದ ಚಿತ್ರ ಫೋನಿಗೂ ಮೊದಲು ಭುವನೇಶ್ವರ ಮತ್ತು ಕಟಕ್ ಹೇಗಿದ್ದವು, ಫೋನಿ ನಂತರ ಹೇಗಾದವು ಎಂಬುದನ್ನು ತೋರಿಸಿಕೊಟ್ಟಿವೆ.
ಫೋನಿ ನಂತರ ಒಡಿಶಾ ಹೇಗಾಗಿದೆ ನೋಡಿ: ವೈಮಾನಿಕ ವಿಡಿಯೋ
ಏಪ್ರಿಲ್ 30 ರಂದು ಬಿಜು ಏರ್ಪೋರ್ಟ್ ಮತ್ತು ಪಟಿಯಾ ಹೇಗಿತ್ತು ಮತ್ತು ಮೇ 05 ರಂದು ಹೇಗಾಗಿತ್ತು ಎಂಬ ಚಿತ್ರವನ್ನು ನಾಸಾ ಟ್ವೀಟ್ ಮಾಡಿದೆ. ಜೊತೆಗೆ ಏಪ್ರಿಲ್ 30 ರಂದು ಇಲ್ಲಿನ ಪ್ರೊಫೆಸರ್ ಕಾಲೋನಿ ಹೇಗಿತ್ತು, ಮೇ 4 ರಂದು ಹೇಗಾಗಿತ್ತು ಎಂಬ ಚಿತ್ರವನ್ನೂ ನಾಸಾ ನೀಡಿದೆ.
Lights Out after Cyclone Fani https://t.co/X7A9NYDsGi #NASA
— NASA Earth (@NASAEarth) May 8, 2019
'ಫೋನಿ' ಸಮೀಕ್ಷೆಗೆ ಬಂದು ಪಟ್ನಾಯಕ್ ಗೆ ಸಲಾಂ ಎಂದ ಮೋದಿ
ಬಂಗಾಳ ಕೊಲ್ಲಿಯಲ್ಲಿ ಉಂಟಾದ ವಾಯುಭಾರ ಕುಸಿತದಿಂದ ಪಶ್ಚಿಮ ಬಂಗಾಳ, ಒಡಿಶಾ ಮತ್ತು ಆಂಧ್ರಪ್ರದೇಶದ ಕೆಲವು ಭಾಗಗಳಲ್ಲಿ ಫೋನಿ ಚಂಡಮಾರುತ ಎದ್ದಿತ್ತು. ಈ ಚಂಡಮಾರುತದ ಅಬ್ಬರಕ್ಕೆ ಒಟ್ಟು 40 ಜನ ಮೃತರಾಗಿದ್ದರು.