ಫೋನಿ ಚಂಡಮಾರುತ ಅಪ್ಪಳಿಸಿ ವಾರವಾಯ್ತು, ಒಡಿಶಾ ಸ್ಥಿತಿ ಹೇಗಿದೆ?

ಭುವನೇಶ್ವರ, ಮೇ 10: ಫೋನಿ ಚಂಡಮಾರುತ ಒಡಿಶಾಕ್ಕೆ ಅಪ್ಪಳಿಸಿ 40ಕ್ಕೂ ಹೆಚ್ಚು ಮಂದಿಯನ್ನು ಬಲಿಪಡೆದಿದೆ. ಒಂದು ವಾರ ಕಳೆದರೂ ಕೂಡ ಭುವನೇಶ್ವ ಹಾಗೂ ಪುರಿಯಲ್ಲಿ ವಿದ್ಯುತ್ ಸಂಪರ್ಕ ಇನ್ನೂ ಸರಿಪಡಿಸಲು ಸಾಧ್ಯವಾಗಿಲ್ಲ.

ಟೆಲಿಕಾಂ ವ್ಯವಸ್ಥೆ, ಬ್ಯಾಂಕ್, ಎಟಿಎಂ ಸೇವೆಗಳು ಕೂಡ ಕಡಿತಗೊಂಡಿವೆ. ಎಲ್ಲವನ್ನೂ ಸರಿಪಡಿಸಲು ಇನ್ನೂ ಒಂದು ವಾರಕ್ಕಿಂತ ಹೆಚ್ಚು ಕಾಲಾವಕಾಶ ಬೇಕಾಗಿದೆ. ಭುವನೇಶ್ವರದ ಶೇ.70ರಷ್ಟು ಮನೆಗಳಿಗೆ ವಿದ್ಯುತ್ ಸಂಪರ್ಕವಿಲ್ಲ, ಹಾಗೆಯೇ ನೀರಿನ ಸರಬರಾಜನ್ನೂ ಕೂಡ ಕಡಿತಗೊಳಿಸಲಾಗಿದೆ.

ಖುರ್ದಾ ಜಿಲ್ಲೆಯಲ್ಲಿ ಇರುವ 1,164 ಎಟಿಎಂಗಳ ಪೈಕಿ ಕೇವಲ 197 ಎಟಿಎಂಗಳು ಮಾತ್ರ ಕಾರ್ಯ ನಿರ್ವಹಿಸುತ್ತಿವೆ. 707 ಬ್ಯಾಂಕ್‌ಗಳ ಪೈಕಿ ಕೇವಲ 372 ಬ್ಯಾಂಕ್‌ಗಳು ಮಾತ್ರ ಕಾರ್ಯನಿರ್ವಹಿಸುತ್ತಿವೆ.

32 ಟೆಲಿಕಾಂ ನೆಟ್‌ವರ್ಕ್‌ಗಳು ಕಾರ್ಯ ನಿರ್ವಹಿಸುತ್ತಿದ್ದರೂ ಕೂಡ ನೆಟ್‌ವರ್ಕ್ ಪೂರ್ ಇದೆ ಎಂದು ತಿಳಿಸಿದ್ದಾರೆ. ಪುರಿ ಜಿಲ್ಲೆಯಲ್ಲಿ 239 ಎಟಿಎಂಗಳ ಪೈಕಿ ಕೇವಲ 60 ಮಾತ್ರ ಕಾರ್ಯ ನಿರ್ವಹಿಸುತ್ತಿವೆ.

English summary

A week after cyclone Fani hit Odisha, state capital Bhubaneswar and the entire Puri district continue to reel under its impact as it would take a few more days to fully restore power supply, telecom connectivity and banking and ATM networks in these areas.