Video: ಬ್ಯಾಂಕ್ ಲೂಟಿಗೆ ಬಂದು, ಸೈರನ್ ಸೌಂಡ್ ಗೆ ಕಾಲ್ಕಿತ್ತ ಭೂಪ
ಭೂಪಾಲ್, ಫೆಬ್ರವರಿ.18: ಹಾಡಹಗಲಿನಲ್ಲೇ ಮುಖಕ್ಕೆ ಮಾಸ್ಕ್ ಹಾಕಿಕೊಂಡು ಕೈಯಲ್ಲಿ ಪಿಸ್ತೂಲ್ ಹಿಡಿದು ದರೋಡೆ ಮಾಡಲೆಂದು ಸೆಂಟ್ರಲ್ ಬ್ಯಾಂಕ್ ಗೆ ವ್ಯಕ್ತಿಯೊಬ್ಬ ನುಗ್ಗಿದ ಘಟನೆ ಮಧ್ಯಪ್ರದೇಶದಲ್ಲಿ ಮಂಗಳವಾರ ಮಧ್ಯಾಹ್ನ ನಡೆದಿದೆ.
ನರ್ಸಿಂಗ್ ಪುರ ನಗರದಲ್ಲಿ ಇರುವ ಸೆಂಟ್ರಲ್ ಬ್ಯಾಂಕ್ ಗೆ ಪಿಸ್ತೂಲ್ ಹಿಡಿದು ಪ್ರವೇಶಿಸಿದ ದರೋಡೆಕೋರ ಹಣವನ್ನೆಲ್ಲ ತಾನು ತಂದ ಬ್ಯಾಗ್ ನಲ್ಲಿ ಹಾಕುವಂತೆ ಬೆದರಿಸಿದ್ದಾನೆ. ಈ ವೇಳೆ ಚಾಣಾಕ್ಷತನ ಪ್ರದರ್ಶಿಸಿದ ಬ್ಯಾಂಕ್ ನ ಕ್ಯಾಶಿಯರ್ ಸೈರನ್ ಬಟನ್ ಒತ್ತಿದ್ದಾರೆ.
ಸೈರನ್ ಬಟನ್ ಪ್ರೆಸ್ ಮಾಡುತ್ತಿದ್ದಂತೆ ಬ್ಯಾಂಕ್ ನಲ್ಲಿ ಜೋರಾಗಿ ಬೆಲ್ ಹೊಡೆದುಕೊಂಡಿದೆ. ಇದರಿಂದ ಬೆದರಿದ ದರೋಡೆಕೋರನು ಅಲ್ಲಿಂದ ಕಾಲ್ಕಿತ್ತಿದ್ದಾನೆ. ಇನ್ನು, ದರೋಡೆಕೋರ ಬ್ಯಾಂಕ್ ಪ್ರವೇಶಿಸಿದ ಮತ್ತು ಆವಾಜ್ ಹಾಕಿರುವ ದೃಶ್ಯವು ಬ್ಯಾಂಕ್ ನಲ್ಲಿರುವ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ.
#WATCH MP: A loot attempt at Central Bank, in Narsinghpur city's Bargi area, was foiled today after the cashier pressed the siren button which scared the man who was attempting to loot the bank&he fled from the spot. Police say "We've formed several teams,he'll be arrested soon." pic.twitter.com/fb6NiKWYZ7
— ANI (@ANI) February 18, 2020
ದರೋಡೆಕೋರನ ಬಂಧನಕ್ಕೆ ಬಲೆ ಬೀಸಿದ ಪೊಲೀಸ್:
ಇನ್ನು, ಬ್ಯಾಂಕ್ ನಲ್ಲಿ ಸಿಕ್ಕ ಸಿಸಿ ಕ್ಯಾಮರಾ ದೃಶ್ಯಾವಳಿಗಳನ್ನು ಆಧರಿಸಿ ಪೊಲೀಸರು ತನಿಖೆ ಚುರುಕುಗೊಳಿಸಿದ್ದಾರೆ. ಆರೋಪಿಯನ್ನು ಸೆರೆ ಹಿಡಿಯಲು ವಿವಿಧ ತಂಡಗಳನ್ನು ರಚಿಸಲಾಗಿದ್ದು, ಆದಷ್ಟು ಬೇಗ ದರೋಡೆಕೋರನನ್ನು ಬಂಧಿಸುವುದಾಗಿ ಹಿರಿಯ ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.