ಪ್ರಿ ವೆಡ್ಡಿಂಗ್ ಫೋಟೋ ಶೂಟ್ ನಿಷೇಧಿಸಿದ ಎರಡು ಸಮುದಾಯ!
ಭೋಪಾಲ್, ಡಿಸೆಂಬರ್ 10 : ವಿವಾಹ ಪೂರ್ವ ಪೋಟೋ ಶೂಟ್ ಮಾಡಬಾರದು. ವಿವಾಹದ ಸಂಭ್ರಮದಲ್ಲಿ ಮಹಿಳೆಯರು ನೃತ್ಯ ಮಾಡಬಾರದು ಎಂದು ಎರಡು ಸಮುದಾಯಗಳು ತೀರ್ಮಾನವನ್ನು ತೆಗೆದುಕೊಂಡಿರುವುದು ಕುತೂಹಲಕ್ಕೆ ಕಾರಣವಾಗಿದೆ.
ಹೌದು, ಭೋಪಾಲ್ನ ಜೈನ ಮತ್ತು ಗುಜರಾತಿ ಸಮುದಾಯ ಪ್ರಿ ವೆಡ್ಡಿಂಗ್ ಫೋಟೋ ಶೂಟ್ ನಿಷೇಧಿಸಿದೆ. ಸಮುದಾಯದ ಮಹಿಳಾ ಸದಸ್ಯರಿಗೆ ನೃತ್ಯ ತರಬೇತಿ ನೀಡಲು ಪುರುಷರು ಆಗಮಿಸುವಂತಿಲ್ಲ. ಸಮುದಾಯದ ಮಹಿಳೆಯರು ವಿವಾಹದ ಸಮಯದಲ್ಲಿ ನೃತ್ಯ ಮಾಡುವಂತಿಲ್ಲ ಎಂದು ಹೇಳಿದೆ.
ಅನೈತಿಕ ಸಂಬಂಧ, ಐಸಿಯುನಲ್ಲಿ ಮದುವೆ, ಪ್ರಿಯಕರ ಮಾತ್ರ ಪರಾರಿ!
ಪ್ರಿ ವೆಡ್ಡಿಂಗ್ ಫೋಟೋ ಶೂಟ್, ವಿವಾಹದ ಸಂಭ್ರಮದಲ್ಲಿ ಮಹಿಳೆಯರು ನೃತ್ಯ ಮಾಡುವುದು ಸಮುದಾಯದ ಸಂಸ್ಕೃತಿಗೆ ವಿರೋಧವಾಗಿದೆ ಎಂದು ಹೇಳಿದ್ದು. ಇವುಗಳನ್ನು ನಿಷೇಧಿಸಿ ಆದೇಶ ಹೊರಡಿಸಲಾಗಿದೆ.
ಸಾಮೂಹಿಕ ವಿವಾಹದಲ್ಲಿ ಆಯನೂರು ಮಂಜುನಾಥ್ ಪುತ್ರಿ ವಿವಾಹ
ಜೋಡಿಗಳ ವಿವಾಹ ಪೂರ್ವ ಫೋಟೋ ಶೂಟ್ ನಿಷೇಧಿಸಲಾಗಿದೆ. ಈ ಕುರಿತು ಅಧಿಕೃತ ಆದೇಶವನ್ನು ಹೊರಡಿಸಿ ಲಿಖಿತವಾಗಿ ಸಮುದಾಯದ ಎಲ್ಲರಿಗೂ ತಲುಪಿಸಲಾಗುತ್ತದೆ. ಇದನ್ನು ಉಲ್ಲಂಘನೆ ಮಾಡಿದರೆ ಸಮುದಾಯದಿಂದ ಬಹಿಷ್ಕಾರ ಹಾಕುವುದಾಗಿ ಎಚ್ಚರಿಸಲಾಗಿದೆ.
ಸರ್ಕಾರದಿಂದ ಸಾಮೂಹಿಕ ವಿವಾಹ; ನೋಂದಣಿ ಹೇಗೆ?
ಭೋಪಾಲ್ ಜೈನ ಸಮುದಾಯದ ಅಧ್ಯಕ್ಷ ಪ್ರಮೋದ್ ಹಿಮಾಂಶು ಜೈನ್ ಈ ಕುರಿತು ಹೇಳಿಕೆ ನೀಡಿದ್ದು, "ಸಮುದಾಯದ ಹಿರಿಯರು ಪ್ರಿ ವೆಡ್ಡಿಂಗ್ ಫೋಟೋ ಶೂಟ್ ಬಗ್ಗೆ ಅಪಸ್ವರ ಎತ್ತಿದ್ದರು. ಆದ್ದರಿಂದ, ಅದನ್ನು ನಿಷೇಧಿಸಲಾಗಿದೆ" ಎಂದು ಹೇಳಿದ್ದಾರೆ.
ಭೋಪಾಲ್ನ ಸಿಂಧಿ ಪಂಚಾಯತ್ ಜೈನ, ಗುಜರಾತಿ ಸಮುದಾಯದ ಈ ತೀರ್ಮಾನಕ್ಕೆ ಬೆಂಬಲ ಸೂಚಿಸಿದೆ. ಇಂತಹ ವಿಚಾರಗಳಿಂದಾಗಿಯೇ ಹಲವಾರು ವಿವಾಹ ಮುರಿದು ಬಿದ್ದಿವೆ. ಆದ್ದರಿಂದ, ಈ ತೀರ್ಮಾನ ಉತ್ತಮವಾಗಿದೆ ಎಂದು ಹೇಳಿದೆ.
ವಿವಾಹದ ಸಂದರ್ಭದಲ್ಲಿ ಎಲ್ಲರಿಗೂ ಸಂಭ್ರಮಿಸಲು ಅವಕಾಶವಿದೆ. ಮಹಿಳೆಯರು ನೃತ್ಯ ಮಾಡುವಂತಿಲ್ಲ ಎಂದು ನಿರ್ಬಂಧ ಹೇರುವುದು ತಪ್ಪು ಎಂಬ ಅಭಿಪ್ರಾಯಗಳು ವ್ಯಕ್ತವಾಗಿವೆ. ವಿವಾಹ ನಿಶ್ಚಯವಾದ ಜೋಡಿಗಳು ಫೋಟೋ ಶೂಟ್ ಮಾಡಿಸಿಕೊಳ್ಳುವುದರಲ್ಲಿ ತಪ್ಪೇನು? ಎಂಬ ಪ್ರಶ್ನೆಯನ್ನು ಕೆಲವರು ಎತ್ತಿದ್ದಾರೆ.