'8 ಎಂಎಂ' ಸಿನಿಮಾ ನೋಡಿ ರಿಲ್ಯಾಕ್ಸ್ ಮಾಡಿದ ಯಡಿಯೂರಪ್ಪ

ಬೆಂಗಳೂರು, ನವೆಂಬರ್ 21: ನಿರಂತರವಾಗಿ ರಾಜಕೀಯ ಚಟುವಟಿಕೆಗಳಲ್ಲಿ ಮುಳುಗಿದ್ದ ಮಾಜಿ ಮುಖ್ಯಮಂತ್ರಿ ಬಿಎಸ್ ಯಡಿಯೂರಪ್ಪ ಬುಧವಾರ ಜಂಜಾಟದಿಂದ ಹೊರಬರುವ ಪ್ರಯತ್ನದಲ್ಲಿದ್ದರು.

ರಾಜ್ಯದಲ್ಲಿನ ರಾಜಕೀಯ ಬೆಳವಣಿಗೆಗಳಿಂದಾಗಿ ಬಿಡುವಿಲ್ಲದೆ ದಣಿದಿದ್ದ ಯಡಿಯೂರಪ್ಪ, ಕನ್ನಡ ಸಿನಿಮಾ ನೋಡಿ ತುಸು ದಣಿವಾರಿಸಿಕೊಂಡರು.

'8 ಎಂಎಂ' ವಿಮರ್ಶೆ : ಗನ್ ಜೊತೆ ಆಟ, ಜೂಟಾಟ, ಹೊಡೆದಾಟ

ತಮ್ಮದೇ ಪಕ್ಷದ ಜಗ್ಗೇಶ್ ಅಭಿನಯದ '8 ಎಂಎಂ' ಸಿನಿಮಾವನ್ನು ಯಡಿಯೂರಪ್ಪ ವೀಕ್ಷಿಸಿದರು. ಬುಧವಾರ ಸಂಜೆ ಒರಾಯನ್ ಮಾಲ್‌ಗೆ ತೆರಳಿದ ಅವರು, ಸಿನಿಮಾ ವೀಕ್ಷಿಸಿದರು.

ಅವರಿಗೆ ನಟ, ರಾಜಕಾರಣಿ ಜಗ್ಗೇಶ್ ಕೂಡ ಸಾಥ್ ನೀಡಿದರು.

ಇಂದು #orionmall ನಲ್ಲಿ ಸಂಜೆ 6.30pm @BSYBJP #8mm ಚಿತ್ರ ನೋಡಲು ಬರುತ್ತಾರೆ..ಅವರಿಗೆ ನಮ್ಮ ಚಿತ್ರತಂಡದಿಂದ ತುಂಬು ಹೃದಯದ ಸ್ವಾಗತ..ನಾನು ಇರುವೆ ನೀವುಬನ್ನಿ ಬೇಟಿಯಾಗುವ..ಧನ್ಯವಾದಗಳು.. pic.twitter.com/PCVxrgxzjf

— ನವರಸನಾಯಕ ಜಗ್ಗೇಶ್ (@Jaggesh2) 21 November 2018

ಇಂದು ಒರಾಯನ್ ಮಾಲ್‌ನಲ್ಲಿ ಬಿಎಸ್ ಯಡಿಯೂರಪ್ಪ ಅವರು 8 ಎಂಎಂ ಚಿತ್ರ ನೋಡಲು ಬರುತ್ತಾರೆ..ಅವರಿಗೆ ನಮ್ಮ ಚಿತ್ರತಂಡದಿಂದ ತುಂಬು ಹೃದಯದ ಸ್ವಾಗತ..ನಾನು ಇರುವೆ ನೀವುಬನ್ನಿ ಬೇಟಿಯಾಗುವ..ಧನ್ಯವಾದಗಳು ಎಂದು ಜಗ್ಗೇಶ್ ಟ್ವೀಟ್ ಮಾಡಿದ್ದರು.

ರಾಜಕಾರಣದಲ್ಲಿ ಸದಾ ಸಕ್ರಿಯರಾಗಿರುವ ಯಡಿಯೂರಪ್ಪ ಈ ಹಿಂದೆ ಟೈಗರ್, ನೀ ಇಲ್ಲದ ಮೇಲೆ ಮುಂತಾದ ಸಿನಿಮಾಗಳನ್ನು ನೋಡಿದ್ದರು.

ಕಳೆದ ವಾರ ಬಿಡುಗಡೆಯಾದ 8 ಎಂಎಂ ಸಿನಿಮಾ ವೀಕ್ಷಕರ ಮೆಚ್ಚುಗೆಗೆ ಪಾತ್ರವಾಗಿದೆ. ಹಾಸ್ಯ ಪ್ರಧಾನ ಸಿನಿಮಾ ಮತ್ತು ಪಾತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದ ಜಗ್ಗೇಶ್, ವಿಭಿನ್ನವಾದ ಥ್ರಿಲ್ಲರ್ ಕಥನದ ಚಿತ್ರದಲ್ಲಿ ನಟಿಸಿದ್ದಾರೆ.

English summary

BJP leader BS Yeddyurappa was in relax mood on Wednesday watched '8 MM' movies acted by Jaggesh.