Click it and Unblock the Notifications
Just In
-
-
-
Don't Miss
-
ಬೇಬಿ ಇಂದಿರಾ-ಸುದೀಪ್ ಬಾಲ್ಯದ ಫೋಟೊ ವೈರಲ್; ಈ ಫೋಟೊ ತೆಗೆಸಿಕೊಂಡಿದ್ದು ಯಾವಾಗ? ಯಾವ ಸಂದರ್ಭ? -
ಹಣದ ವಿಚಾರವಾಗಿ ಜಗಳ: ಬರೋಬ್ಬರಿ 1 ಕೋಟಿ ರೂ. ಮೌಲ್ಯದ ಕಾರಿಗೆ ಬೆಂಕಿಯಿಟ್ಟ ಸ್ನೇಹಿತರು -
ಈ ಬಾರಿಯ ನೈಋತ್ಯ ಮಾನ್ಸೂನ್ ಮಳೆ ಹೇಗಿರುತ್ತದೆ? ಇಲ್ಲಿದೆ ಹವಾಮಾನ ಇಲಾಖೆ ಮಾಹಿತಿ -
IND vs BAN: ಬಾಂಗ್ಲಾ ವಿರುದ್ಧದ ಟಿ20 ಸರಣಿಗೆ ಭಾರತ ಮಹಿಳಾ ತಂಡ ಪ್ರಕಟ; ಶ್ರೇಯಾಂಕಾ ಪಾಟೀಲ್ಗೆ ಸ್ಥಾನ -
Vivo: ವಿವೋ V30e ಸ್ಮಾರ್ಟ್ಫೋನ್ ಫೀಚರ್ಸ್ ಲೀಕ್! ಸೋನಿ IMX882 OIS ಕ್ಯಾಮೆರಾ.. -
ಒಂದೇ ಒಂದು ಟೊಮೆಟೋ ಇಲ್ಲದೆ ಈ ಚಟ್ನಿ ಮಾಡಿ..! ಸಿಕ್ಕಾಪಟ್ಟೆ ರುಚಿ..! -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
Exclusive: ನೆಗೆಟಿವ್ ಇದ್ದವ್ರಿಗೂ ಕೊರೊನಾ ಪಾಸಿಟಿವ್ ಎಂದು ವಿಕ್ಟೋರಿಯಾ ಎಡವಟ್ಟು
ಬೆಂಗಳೂರು, ಜುಲೈ 10: ಕೊರೊನಾವೈರಸ್ ಸುದ್ದಿ ಕೇಳಿಯೇ ಜನ ಹೆದರಿ ಬೆವರುತ್ತಿದ್ದಾರೆ . ಆ ಮಹಾಮಾರಿ ನಮ್ಮ ಬಳಿ ಸುಳಿಯದಿರಲಿ ಎಂದು ಏನೇನೋ ಸಾಹಸ ಮಾಡುತ್ತಿದ್ದಾರೆ. ಹೀಗಿರುವಾಗ ಸರ್ಕಾರದ ನಂಬರ್ ಒನ್ ಆಸ್ಪತ್ರೆಯೇ ಎಡವಟ್ಟು ಮಾಡಿ ಸಾರ್ವಜನಿಕರನ್ನು ಬೆದರಿಸುತ್ತಿದೆ.
Recommended Video
ಕೊರೊನಾ ನೆಗೆಟಿವ್ ಎಂದು ವರದಿ ಪಡೆದಿರುವ ಬೆಂಗಳೂರು ನಾಗರಿಕರಿಗೆ ನಿಮಗೆ ಕೊರೊನಾ ಪಾಸಿಟಿವ್ ಬಂದಿದೆ ಎಂದು ಕಳೆದ ಮೂರ್ನಾಲ್ಕು ದಿನಗಳಿಂದ ವಿಕ್ಟೋರಿಯಾ ಹಾಗೂ ಬಿಬಿಎಂಪಿ ಸಿಬ್ಬಂದಿ ಕಾಡಿಸುತ್ತಿದ್ದಾರೆ. ವರದಿ ತಯಾರಿಕೆ ಹಾಗೂ ಡಾಟಾ ಎಂಟ್ರಿ ಪ್ರಕ್ರಿಯೆಯಲ್ಲಿ ವಿಕ್ಟೋರಿಯಾ, ಬಿಬಿಎಂಪಿ ಎಡವಟ್ಟಿನಿಂದ ಅನವಶ್ಯಕ ಕಿರುಕುಳ ನೀಡಲಾಗುತ್ತಿದೆ.
ಮಹಿಳೆಯೊಬ್ಬರು ಯಾವುದೇ ಲಕ್ಷಣವಿಲ್ಲದಿದ್ದರೂ ಅವರ ನೆಮ್ಮದಿಗಾಗಿ ಅಸ್ಪತ್ರೆಗೆ ತೆರಳಿ ಪರೀಕ್ಷೆ ಮಾಡಿಸಿದ್ದರು, ಅವರ ಎಣಿಕೆಯಂತೆ ರಿಪೋರ್ಟ್ ಕೂಡ ಬಂದಿತ್ತು, ಮನೆಗೆ ತೆರಳಿದ ಬಳಿಕ ಬಿಬಿಎಂಪಿಯವರು ಕರೆ ಮಾಡಿ ನಿಮಗೆ ಕೊರೊನಾ ಪಾಸಿಟಿವ್ ಇದೆ ಆಸ್ಪತ್ರೆಗೆ ಬಂದು ದಾಖಲಾಗಿ ಎಂದು ಹೇಳಿದ್ದರು.
ಆದರೆ ಅವರಿಗೆ ವರದಿ ನೆಗೆಟಿವ್ ಬಂದಿದ್ದ ಕಾರಣ ಮತ್ತೊಮ್ಮೆ ಲ್ಯಾಬ್‌ಗೆ ಹೋಗಿ ಕೇಳಿದಾಗ ಮೊಬೈಲ್ ನಂಬರ್ ವ್ಯತ್ಯಾಸ ಮಾಡಿದ್ದು ಬೆಳಕಿಗೆ ಬಂದಿತ್ತು, ಬಳಿಕ ಬಿಬಿಎಂಪಿಗೆ ತಕ್ಷಣವೇ ಇ-ಮೇಲ್ ಕಳುಹಿಸಲಾಗಿತ್ತು. ಆದರೂ ಕಳೆದ ಮೂರು ದಿನಗಳಿಂದ ಅವರಿಗೆ ಕಾಲ್ ಬರುತ್ತಲೇ ಇದೆ ಎಂದು ದೂರಿದ್ದಾರೆ.
ಕೊರೊನಾ ಬಗ್ಗೆ ಅಲ್ಪ ಸ್ವಲ್ಪ ಜ್ಞಾನವಿದ್ದವರು ಮತ್ತೊಮ್ಮೆ ಪರಿಶೀಲಿಸುತ್ತಾರೆ, ಇಲ್ಲವಾದರೆ ಬಿಬಿಎಂಪಿಯಿಂದ ಕಾಲ್ ಬಂದಿದೆ ಅಂದಾಕ್ಷಣ ಆಸ್ಪತ್ರೆಗೆ ಹೋಗಿ ದಾಖಲಾಗುತ್ತಾರೆ, ಇದರಿಂದ ಕೊರೊನಾ ಸೋಂಕು ಇಲ್ಲದಿರುವವರಿಗೂ ಹಬ್ಬುವ ಸಾಧ್ಯತೆ ಇರುತ್ತದೆ. ಹೀಗಾಗಿ ಆಸ್ಪತ್ರೆ ಹಾಗೂ ಬಿಬಿಎಂಪಿ ಬೇಜವಾಬ್ದಾರಿ ದೂರವಿಟ್ಟು, ಜವಾಬ್ದಾರಿಯುತವಾಗಿ ನಡೆದುಕೊಳ್ಳಬೇಕು ಎಂಬುದು ಆಶಯವಾಗಿದೆ.
ಹಾಗೆಯೇ ಕೊರೊನಾ ಪಾಸಿಟಿವ್ ಬಂದಿರುವ ವ್ಯಕ್ತಿಗೆ ನೆಗೆಟಿವ್ ವರದಿಯನ್ನು ನೀಡಿದ್ದಾರೆ. ಈ ವಿಕ್ಟೋರಿಯಾ ಹಾಗೂ ಬಿಬಿಎಂಪಿ ಎಡವಟ್ಟಿನಿಂದ ಸಾಕಷ್ಟು ಮಂದಿ ಇದೇ ರೀತಿಯ ತೊಂದರೆಯನ್ನು ಅನುಭವಿಸಿರಬಹುದು.
ಬಿಬಿಎಂಪಿ ಹಾಗೂ ಪ್ರಯೋಗಾಲಯ ಕೇಂದ್ರಗಳು ಇದೇ ರೀತಿ ಇನ್ನಷ್ಟು ಎಡವಟ್ಟು ಮಾಡಿ, ಸೋಂಕು ರಹಿತರನ್ನೂ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆಯೋ ಎನ್ನುವ ಆತಂಕ ಎದುರಾಗಿದೆ.
