ಬೆಂಗಳೂರು: ಸೆ.1ರಂದು ಬಜರಂಗದಳದಿಂದ ಚೀನಾ ವಸ್ತುಗಳ ದಹನ

ಬೆಂಗಳೂರು, ಆಗಸ್ಟ್ 31 : ಭಾರತದ ಜತೆ ಅನಗತ್ಯವಾಗಿ ಕ್ಯಾತೆ ತೆಗೆಯುತ್ತಿರುವ ಚೀನಾಕ್ಕೆ ಬುದ್ಧಿ ಕಲಿಸಲು ಆ ದೇಶದ ವಸ್ತುಗಳ ವಿರುದ್ಧ ಸಮರ ಸಾರಲು ಬಜರಂಗದಳ ಸಜ್ಜಾಗಿದೆ.

ಚೀನಾ ವಸ್ತುಗಳನ್ನು ಸ್ವಯಂ ಪ್ರೇರಿತವಾಗಿ ಸುಟ್ಟು ಹಾಕಿ ಚೀನಾ ವಸ್ತುಗಳನ್ನು ಬಹಿಸ್ಕರಿಸುವ ಅಭಿಯಾನವನ್ನು ಬಜರಂಗದಳ ಸೆಪ್ಟೆಂಬರ್ 01 ಹಮ್ಮಿಕೊಂಡಿದೆ. ಈ ಹಿನ್ನಲೆಯಲ್ಲಿ ಬಜರಂಗ ದಳದ ಕಾರ್ಯಕರ್ತರು ಶುಕ್ರವಾರ ಬೆಳಗ್ಗೆ 10.30ಕ್ಕೆ ಟೌನ್ ಹಾಲ್ ಮುಂಭಾಗದಲ್ಲಿ ಚೀನಾ ವಸ್ತುಗಳನ್ನು ದಹಿಸಿ ಪ್ರತಿಭಟಿಸಲಿದ್ದಾರೆ.

ಬೆಂಗಳೂರು ಮಾತ್ರವಲ್ಲದೇ ಸೆಪ್ಟೆಂಬರ್ 01ರಂದು ರಾಜ್ಯದ ಎಲ್ಲ ಜಿಲ್ಲಾ ಕೇಂದ್ರಗಳಲ್ಲಿ ಚೀನಾ ವಸ್ತುಗಳ ಬಹಿಸ್ಕರಿಸುವ ಅಭಿಯಾನ ನಡೆಯಲಿದೆ.

ಈ ಅಭಿಯಾನದ ಮೂಲಕ ಚೀನಾ ವಸ್ತು ಖರೀದಿಸದಿರಲು ಸಂಕಲ್ಪಕ್ಕೆ ಬಜರಂಗದಳ ಕರೆ ನೀಡಿದೆ.

English summary

VHP, Bhajarang Dal will be protesting against China made products and a call to boycott Chinese goods at Townhall, Bengaluru 10AM.