ಬೆಂಗಳೂರು ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
Oneindia App Download

ಕಂಬದ ಮೇಲೊಂದು ಗಿಡವ ನೆಟ್ಟು.. ಏನಿದು 'ವರ್ಟಿಕಲ್ ಗಾರ್ಡನ್'?

By Sachhidananda Acharya
|
Google Oneindia Kannada News

ಬೆಂಗಳೂರು, ಮಾರ್ಚ್ 21: ಸಾಮಾನ್ಯವಾಗಿ ನೆಲದ ಮೇಲೆ ಉದ್ಯಾನಗಳನ್ನು ನಿರ್ಮಿಸುವುದು ರೂಢಿ. ಆದರೆ ಕಂಬದ ಅಂಚುಗಳಲ್ಲಿ ಗಿಡ ನೆಡುವುದನ್ನು ಎಂದಾದರೂ ನೋಡಿದ್ದೀರಾ?

ಇಲ್ಲಾ ಅಲ್ವಾ? ಈ ರೀತಿ ಕಂಬಗಳ ಸುತ್ತಾ ಗಿಡಗಳನ್ನು ನೆಡುವುದಕ್ಕೆ ವರ್ಟಿಕಲ್ ಗಾರ್ಡನ್ ಎಂದು ಕರೆಯುತ್ತಾರೆ. ಭೂಮಿಗೆ ಲಂಬವಾಗಿ ಕಂಬಗಳ ಸುತ್ತಾ ಇದನ್ನು ಬೆಳೆಯುತ್ತಾರೆ. ವಿದೇಶಗಳಲ್ಲಿ ಇದೆಲ್ಲಾ ಸಾಮಾನ್ಯವಾದರೂ ಭಾರತೀಯರು ಅದರಲ್ಲೂ ಬೆಂಗಳೂರಿಗರ ಪಾಲಿಗೆ ಈ ವರ್ಟಿಕಲ್ ಗಾರ್ಡನ್ ಹೊಸದು.[ವಸತಿ ಪ್ರದೇಶ ವಾಣಿಜ್ಯೀಕರಣ, ಎಚ್ಎಎಲ್ ನಿವಾಸಿಗಳಿಂದ ಮತ್ತೆ ಪ್ರತಿಭಟನೆ]

ಹಾಗಂಥ ವರ್ಟಿಕಲ್ ಗಾರ್ಡನ್ ಸುಮ್ಮನೆ ಖುಷಿಗೆ, ವಿಚಿತ್ರವಾಗಿ ಗಿಡ ನೆಡಬೇಕು ಎನ್ನುವ ಹುಚ್ಚಿಗೆ ಮಾಡುವುದೂ ಅಲ್ಲ. ವರ್ಟಿಕಲ್ ಗಾರ್ಡನ್ ನಿರ್ಮಿಸುವುದರಿಂದ ಹಲವಾರು ಲಾಭಗಳು, ಉಪಯೋಗಗಳಿವೆ. ಈ ಕಾರಣಕ್ಕೆ ವರ್ಟಿಕಲ್ ಗಾರ್ಡನನ್ನು ನಿರ್ಮಿಸಲಾಗುತ್ತದೆ. ಉದ್ಯಾನ ನಗರಿಯ ಈ ವರ್ಟಿಕಲ್ ಗಾರ್ಡನ್ ಕಥೆ ಇಲ್ಲಿದೆ.[ಜಲಕೃಷಿಕ ಕರ್ನಲ್ ಪ್ರಕಾಶ್ ಜತೆ ಮಾತುಕತೆ-1]

ಎಲ್ಲಿದೆ?

ಎಲ್ಲಿದೆ?

ಬೆಂಗಳೂರಿನ ಹೊಸೂರು ರಸ್ತೆಯಲ್ಲಿ ಈ ವರ್ಟಿಕಲ್ ಗಾರ್ಡನ್ ಕಾಣಬಹುದು. ಇಲ್ಲಿನ ಫ್ಲೈ ಓವರ್ ನ ಒಂದು ಕಂಬದ ಮೇಲೆ ವರ್ಟಿಕಲ್ ಗಾರ್ಡನ್ ನಿರ್ಮಿಸಲಾಗಿದೆ. ಕಳೆದ ಶುಕ್ರವಾರ ಈ ವರ್ಟಿಕಲ್ ಗಾರ್ಡನನ್ನು ಸೇಟ್ರೀಸ್ (SayTrees) ಎನ್ನುವ ಸರಕಾರೇತರ ಸಂಸ್ಥೆಯೊಂದು ಪ್ರತಿಷ್ಠಾಪಿಸಿದೆ.[ಬಿಡಿಎ ಸೈಟು, ನಲ್ಲಿಯಲ್ಲಿ ನೀರು, ಬಿಟಿಎಂಸಿ ಬಸ್ ಬಜೆಟ್ ನಲ್ಲಿ ಗಿಟ್ಟಿದ್ದೇನು?]

ಸೇಟ್ರೀಸ್

ಸೇಟ್ರೀಸ್

ಸೇಟ್ರೀಸ್ ಪರಿಸರ ರಕ್ಷಣೆಯಲ್ಲಿ ಹಲವು ವರ್ಷಗಳಿಂದ ತೊಡಗಿಸಿಕೊಂಡಿರುವ ಸರಕಾರೇತರ ಸಂಸ್ಥೆಯಾಗಿದೆ. "ಹಲವು ವರ್ಷಗಳಿಂದ ನಾವು ಗಿಡಗಳನ್ನು ನೆಡುತ್ತಾ ಬಂದಿದ್ದೇವೆ. ಈ ಬಾರಿ ನಗರದ ಕೇಂದ್ರ ಭಾಗದಲ್ಲಿ ಹಸಿರನ್ನು ಹೆಚ್ಚಿಸಲು ಮುಂದಾಗಿದ್ದೇವೆ ಎಂದು 'ದಿ ನ್ಯೂಸ್ ಮಿನಿಟ್' ಗೆ ಸೀಟ್ರೀಸ್ ನ ದುರ್ಗೇಶ್ ಅಗ್ರಹಾರಿ ಪ್ರತಿಕ್ರಿಯೆ ನೀಡಿದ್ದಾರೆ.

ವರ್ಟಿಕಲ್ ಗಾರ್ಡನ್ ವೈಶಿಷ್ಠ್ಯ

ವರ್ಟಿಕಲ್ ಗಾರ್ಡನ್ ವೈಶಿಷ್ಠ್ಯ

ಹೊಸೂರು ರಸ್ತೆಯಲ್ಲಿರುವ ಈ ವರ್ಟಿಕಲ್ ಗಾರ್ಡನ್ ನಲ್ಲಿ ಸುಮಾರು 3500 ಗಿಡಗಳಿವೆ. ಇದರಲ್ಲಿ 10 ಬೇರೆ ಬೇರೆ ತಳಿಯ ಗಿಡಗಳೂ ಇವೆ. ಈ ಗಿಡಗಳಿಂದ ಪರಿಸರಕ್ಕೆ ಬೇರ ಬೇರೆ ರೀತಿಯ ಉಪಯೋಗಗಳಿವೆ. ಇದರಲ್ಲಿ ಕೆಲವು ಗಿಡಗಳು ವಾತಾವರಣದ ಉಷ್ಣಾಂಶವನ್ನು ಕಡಿಮೆ ಮಾಡುವ ಗುಣ ಹೊಂದಿವೆ. ಇನ್ನು ಕೆಲವು ಗಿಡಗಳು ವಾತಾವರಣದಲ್ಲಿರುವ ಕಲುಷಿತ ಅಂಶವನ್ನು ಹೀರಿಕೊಳ್ಳುವ ಕೆಲಸ ನಿರ್ವಹಿಸುತ್ತವೆ.

ನಿರ್ವಹಣೆ ಹೇಗೆ?

ನಿರ್ವಹಣೆ ಹೇಗೆ?

ಸದ್ಯ ಈ ವರ್ಟಿಕಲ್ ಗಾರ್ಡನನ್ನು ಸೇಟ್ರೀಸ್ ಸಂಸ್ಥೆಯೇ ನಿರ್ವಹಣೆ ಮಾಡುತ್ತದೆ. ಗಿಡಗಳ ನೀರುಣಿಸಲು ಅಟೋಮ್ಯಾಟಿಕ್ ಹನಿ ನೀರಾವರಿ ವ್ಯವಸ್ಥೆ ಮಾಡಲಾಗಿದೆ. ಹೆಚ್ಚಿನ ನಿರ್ವಹಣೆಯನ್ನು ಈ ಸ್ವಯಂ ಚಾಲಿತ ವ್ಯವಸ್ಥೆಯೇ ಮಾಡುತ್ತದೆ. ಇನ್ನು ಈ ಗಿಡಗಳಿಗೆ ಬೇಕಾದ ನೀರೂ ತುಂಬಾ ಕಡಿಮೆ. ಪ್ರತಿ ಗಿಡಕ್ಕೆ ದಿನಕ್ಕೆ 100 ಎಂಎಲ್ ನೀರು ಸಾಕಾಗುತ್ತದೆ.

ರಾಸಾಯನಿಕ ಮುಕ್ತ

ರಾಸಾಯನಿಕ ಮುಕ್ತ

ಇಡೀ ಗಾರ್ಡನ್ ರಾಸಾಯನಿಕ ಮುಕ್ತವಾಗಿದೆ. ಕೋಳಿ ಗೊಬ್ಬರ, ಸೆಗಣಿ ಮತ್ತು ಗಂಜಳ ಬೆರೆಸಿದ ಮಣ್ಣನ್ನು ಈ ಗಿಡ ಬೆಳೆಯಲು ಬಳಸಲಾಗಿದೆ.

ಮುಂದಿನ ದಿನಗಳಲ್ಲಿ ಹೊಸೂರು ರಸ್ತೆಯ 9 ಕಿಲೋಮೀಟರ್ ಫ್ಲೈ ಓವರಿನ ಎಲ್ಲಾ ಪಿಲ್ಲರುಗಳ ಮೇಲೆ ಈ ರೀತಿಯ ವರ್ಟಿಕಲ್ ಗಾರ್ಡನ್ ಸ್ಥಾಪಿಸಲು ಸಂಸ್ಥೆ ಆಲೋಚಿಸಿದೆ. ಜತೆಗೆ ಬೆಂಗಳೂರಿನ ಇತರ ರಸ್ತೆಗಳ ಪಿಲ್ಲರುಗಳು ಹಾಗೂ ಇತರ ನಗರಗಳಿಗೂ ಇದನ್ನು ವಿಸ್ತರಣೆ ಮಾಡುವುದು ಸೇಟ್ರೀಸ್ ಯೋಜನೆಯಾಗಿದೆ.

ಲಾಭಗಳು

ಲಾಭಗಳು

ಈ ವರ್ಟಿಕಲ್ ಗಾರ್ಡನಿನ ಪ್ರಮುಖ ಲಾಭವೆಂದರೆ ಕಡಿಮೆ ಸ್ಥಳಾವಕಾಶದಲ್ಲಿ ಹೆಚ್ಚಿನ ಗಿಡಗಳನ್ನು ಬೆಳೆಯಬಹುದು. ನಗರ ಪ್ರದೇಶಗಳು ಹೆಚ್ಚಿನ ವಾಯು ಮಾಲಿನ್ಯ ಸಮಸ್ಯೆಯನ್ನು ಎದುರಿಸುತ್ತಿವೆ. ಜತೆಗೆ ನಗರಗಳಲ್ಲಿ ಸ್ಥಳಾವಕಾಶವು ಕಡಿಮೆ. ಇಂಥಹ ಸಂದರ್ಭದಲ್ಲಿ ವರ್ಟಿಕಲ್ ಗಾರ್ಡನ್ ಸಹಾಯ ಮಾಡಲಿದೆ.

ನಗರದ ಉಷ್ಣಾಂಶ ಕಡಿಮೆ ಮಾಡಲು ಮತ್ತು ಗಾಳಿಯಲ್ಲಿರುವ ಧೂಳಿನ ಕಣಗಳನ್ನು ಹೀರಿಕೊಳ್ಳಲು ಈ ವರ್ಟಿಕಲ್ ಗಾರ್ಡನ್ ಗಳು ಸಹಾಯ ಮಾಡಲಿವೆ.

English summary
SayTrees comes up with vertical garden in one of the pillars of Hosur Road flyover in Bangalore to make the city look beautiful and fight pollution at the same time. About 3500 saplings of more than 10 species are planted.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X