ಬೆಂಗಳೂರು ಸಂಚಾರ ದಟ್ಟಣೆ ಬಗ್ಗೆ ಬಂತು ಹೊಸ ವರದಿ
Recommended Video
ಬೆಂಗಳೂರು, ಆಗಸ್ಟ್ 30 : ಬೆಂಗಳೂರು ನಗರದಲ್ಲಿ ಸಂಚಾರ ದಟ್ಟಣೆ ಸಮಸ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ. ನಗರದಲ್ಲಿ ಕಚೇರಿಗೆ ಸಂಚಾರ ನಡೆಸುವ ವೇಗ ಗಂಟೆಗೆ 18.7 ಕಿ. ಮೀ. ಎಂದು ಅಧ್ಯಯನ ವರದಿ ಹೇಳಿದೆ.
2019ರ ಮೊದಲ ಹಂತದ ಟ್ರಾವೆಲ್ ಟೈಮ್ ವರದಿ ಬಿಡುಗಡೆಯಾಗಿದ್ದು ವಿವಿಧ ನಗರಗಳ ಸಂಚಾರ ದಟ್ಟಣೆ ಮಾಹಿತಿ ಬಹಿರಂಗವಾಗಿದೆ. ದೇಶದ ವಿವಿಧ ನಗರಗಳಿಗೆ ಹೋಲಿಕೆ ಮಾಡಿದರೆ ಬೆಂಗಳೂರು ನಗರ 6ನೇ ಸ್ಥಾನದಲ್ಲಿದೆ.
3 ಉಪ ಮುಖ್ಯಮಂತ್ರಿಗಳಿಗೆ ಹೈಕಮಾಂಡ್ ಖಡಕ್ ಸಂದೇಶ!
ಒಂದು ಪ್ರದೇಶದಿಂದ ಮತ್ತೊಂದು ಪ್ರದೇಶಕ್ಕೆ ಸಂಚಾರ ನಡೆಸುವ ಅವಧಿಯ ಲೆಕ್ಕಾಚಾರವನ್ನು ಹಾಕಿ ವರದಿಯನ್ನು ತಯಾರಿಸಲಾಗಿದೆ. ಚೆನ್ನೈ ನಗರದ ಈ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದ್ದು, ಪ್ರಯಾಣದ ಅವಧಿ ಗಂಟೆಗೆ 25.7 ಕಿ.ಮೀ. ಇದೆ.
ಬೆಂಗಳೂರಲ್ಲಿ 500 ಕಡೆ ಸ್ವಯಂ ಚಾಲಿತ ಸಿಗ್ನಲ್ಗಳ ವ್ಯವಸ್ಥೆ, ಎಲ್ಲೆಲ್ಲಿ?
ವರದಿಯ ಪ್ರಕಾರ ಹೈದರಾಬಾದ್ 21.2, ದೆಹಲಿ (ಎನ್ಸಿಆರ್) 20.6, ಪುಣೆ 19.9, ಮುಂಬೈ 18.5 ಮತ್ತು ಬೆಂಗಳೂರು 18.7 ಕಿ.ಮೀ. ಪ್ರಯಾಣದ ವೇಗವನ್ನು ಹೊಂದಿದೆ. ಭಾರತದ ನಗರಗಳಲ್ಲಿ ಜನರು ಶೇ 7ರಷ್ಟು ಸಮಯವನ್ನು ಪ್ರಯಾಣಕ್ಕಾಗಿಯೇ ಕಳೆಯುತ್ತಾರೆ ಎಂದು ವರದಿ ಹೇಳಿದೆ.
ಮೈಸೂರಿನಲ್ಲಿ ಕಳೆದ ವರ್ಷದಿಂದ 40 ಲಕ್ಷ ಟ್ರಾಫಿಕ್ ಉಲ್ಲಂಘನೆ ಪ್ರಕರಣ ದಾಖಲು
ಈ ಆರು ನಗರಗಳ ಸಮೀಕ್ಷೆಗಳಲ್ಲಿ ಒಂದು ಅಂಶದಲ್ಲಿ ಸಾಮ್ಯತೆ ಇದೆ. ಎಲ್ಲಾ ನಗರದಲ್ಲಿಯೂ ಸೋಮವಾರ ಸಂಚಾರ ದಟ್ಟಣೆ ಹೆಚ್ಚಿದೆ. ಮಂಗಳವಾರ ಬೆಂಗಳೂರಿನಲ್ಲಿ ಸಂಚಾರ ದಟ್ಟಣೆ ಕಡಿಮೆ ಇರುತ್ತದೆ. ಸಂಜೆ 6 ಗಂಟೆಗೆ ಬೆಂಗಳೂರಿನಲ್ಲಿ ಸಂಚಾರ ದಟ್ಟಣೆ ಹೆಚ್ಚಾಗುತ್ತದೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
ಹಬ್ಬದ ದಿನಗಳಲ್ಲಿ ಬೆಂಗಳೂರಿನ ರಸ್ತೆಗಳಲ್ಲಿ ಸಂಚಾರ ದಟ್ಟಣೆ ಕಡಿಮೆ ಇರುತ್ತದೆ. ಯುಗಾದಿ ಸಮಯದಲ್ಲಿ ಶೇ 22ರಷ್ಟು, ದೀಪಾವಳಿ ಸಮಯದಲ್ಲಿ ಶೇ 14ರಷ್ಟು ದಟ್ಟಣೆ ಕಡಿಮೆಯಾಗುತ್ತದೆ ಎಂದು ವರದಿ ಹೇಳಿದೆ.