ಯಶವಂತಪುರ-ಪ್ರಯಾಗ್ ರಾಜ್ ಹಬ್ಬದ ವಿಶೇಷ ರೈಲು, ವೇಳಾಪಟ್ಟಿ
ಬೆಂಗಳೂರು, ಅಕ್ಟೋಬರ್ 23 : ನೈಋತ್ಯ ರೈಲ್ವೆ ಯಶವಂತರಪುರ ಮತ್ತು ಪ್ರಯಾಗ್ ರಾಜ್ ನಡುವೆ ಹಬ್ಬದ ವಿಶೇಷ ರೈಲನ್ನು ಓಡಿಸಲಿದೆ. ದಸರಾ, ದೀಪಾವಳಿ ಅಂಗವಾಗಿ ವಾರಕ್ಕೊಮ್ಮೆ ಸೂಪರ್ ಫಾಸ್ಟ್ ಎಕ್ಸ್ಪ್ರೆಸ್ ರೈಲು ಓಡಲಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
ರೈಲು ನಂಬರ್ 04133/04134 ನಂಬರ್ ರೈಲು ಯಶವಂತಪುರ-ಪ್ರಯಾಗ್ ರಾಜ್ ನಡುವೆ ಸಂಚಾರ ನಡೆಸಲಿದೆ. ಪ್ರತಿ ಭಾನುವಾರ ಪ್ರಯಾಗ್ ರಾಜ್ನಿಂದ 04133 ರೈಲು 11.30ಕ್ಕೆ ಹೊರಡಲಿದ್ದು, ಮಂಗಳವಾರ 6.30ಕ್ಕೆ ಯಶವಂತಪುರಕ್ಕೆ ತಲುಪಲಿದೆ.
ಮೈಸೂರು-ತಮಿಳುನಾಡು ಹಬ್ಬದ ವಿಶೇಷ ರೈಲು; ವೇಳಾಪಟ್ಟಿ
ಪ್ರಯಾಗ್ ರಾಜ್-ಯಶವಂತಪುರ ನಡುವಿನ ರೈಲು ಅಕ್ಟೋಬರ್ 25 ರಿಂದ ನವೆಂಬರ್ 29ರ ತನಕ 6 ಟ್ರಿಪ್ಗಳಲ್ಲಿ ಸಂಚಾರ ನಡೆಸಲಿದೆ ಎಂದು ನೈಋತ್ಯ ರೈಲ್ವೆ ಹೇಳಿದೆ.
ಮತ್ತೆ ಗೋಲ್ಡನ್ ಚಾರಿಯಟ್ ರೈಲು ಸಂಚಾರ; ಬುಕ್ಕಿಂಗ್ ಆರಂಭ
ರೈಲು ನಂಬರ್ 04134 ಯಶವಂತಪುರ-ಪ್ರಯಾಗ್ ರಾಜ್ ನಡುವಿನ ರೈಲು ಯಶವಂತಪುರದಿಂದ ಪ್ರತಿ ಬುಧವಾರ 7.10ಕ್ಕೆ ಹೊರಡಲಿದೆ. ಗುರುವಾರ 10.40ಕ್ಕೆ ಪ್ರಯಾಗ್ ರಾಜ್ ತಲುಪಲಿದೆ.
ಹಬ್ಬದ ವಿಶೇಷ ರೈಲು; ಮೈಸೂರಿನಿಂದ ಸಂಚರಿಸುವ ರೈಲುಗಳ ಪಟ್ಟಿ
ಅಕ್ಟೋಬರ್ 28ರಿಂದ ಡಿಸೆಂಬರ್ 2ರ ತನಕ ಒಟ್ಟು 6 ಟ್ರಿಪ್ಗಳಲ್ಲಿ ಈ ಹಬ್ಬದ ವಿಶೇಷ ರೈಲು ಸಂಚಾರ ನಡೆಸಲಿದೆ. ಕೆ. ಆರ್. ಪುರ, ಎಂಜಿಆರ್ ಸೆಂಟ್ರಲ್ ಚೆನ್ನೈ, ವಿಜಯವಾಡ, ವಾರಂಗಲ್, ನಾಗ್ಪುರ ಮಾರ್ಗವಾಗಿ ರೈಲು ಸಂಚಾರ ನಡೆಸಲಿದೆ.
ಹಬ್ಬದ ವಿಶೇಷ ಸೂಪರ್ ಫಾಸ್ಟ್ ಎಕ್ಸ್ಪ್ರೆಸ್ ರೈಲಿನಲ್ಲಿ 24 ಬೋಗಿಗಳಿವೆ. 2 ಎಸಿ 2 ಟೈರ್ ಕೋಚ್, 1 ಎಸಿ 2 ಟೈರ್ ಕಮ್ ಎಸಿ 3 ಟೈರ್ ಕೋಚ್, 8 ಸೆಕೆಂಡ್ ಕ್ಲಾಸ್ ಸ್ಲೀಪರ್, 4 ಸಾಮಾನ್ಯ ಬೋಗಿ, 2 ಲಗೇಜ್ ಕಮ್ ಬ್ರೇಕ್ ವ್ಯಾನ್ ಇರಲಿದೆ.
Recommended Video
ಕೋವಿಡ್ ಸಂದರ್ಭದಲ್ಲಿ ರೈಲುಗಳ ಸಂಚಾರ ಸಂಪೂರ್ಣ ಸ್ಥಗಿತಗೊಂಡಿತ್ತು. ಈಗ ನವರಾತ್ರಿ, ದೀಪಾವಳಿ ಹಬ್ಬದ ಅಂಗವಾಗಿ ಭಾರತೀಯ ರೈಲ್ವೆ 300ಕ್ಕೂ ಅಧಿಕ ವಿಶೇಷ ರೈಲುಗಳನ್ನು ಓಡಿಸುತ್ತಿದೆ.