ಹೋಟೆಲ್, ಬಾರ್‌ನಲ್ಲಿ ಧಮ್ ಹೊಡೆಯಂಗಿಲ್ಲ: ಸ್ಮೋಕ್ ಝೋನ್ ಕಡ್ಡಾಯ

ಬೆಂಗಳೂರು, ಆಗಸ್ಟ್ 30: ನಗರದಲ್ಲಿರುವ ಹೋಟೆಲ್, ಬಾರ್, ರೆಸ್ಟೋರೆಂಟ್, ಕ್ಲಬ್ ಗಳಲ್ಲಿ ಇನ್ನುಮುಂದೆ ಸ್ಮೋಕಿಂಗ್ ಝೋನ್ ನಿರ್ಮಿಸುವುದು ಕಡ್ಡಾಯವಾಗಲಿದೆ.

ಒಂದೊಮ್ಮೆ ಸ್ಮೋಕಿಂಗ್ ಝೋನ್ ಹೊರತುಪಡಿಸಿ ಬೇರೆಡೆ ಧೂಮಪಾನ ಮಾಡಿದರೆ ಕಟ್ಟುನಿಟ್ಟಿನ ಕ್ರಮ ಜರುಗಿಸಲಾಗುವುದು ಎಂದು ಬಿಬಿಎಂಪಿ ಖಡಕ್ ಆದೇಶ ನೀಡಿದೆ.

ಧೂಮಪಾನ ವಲಯದಲ್ಲಿ ಯಾವುದೇ ರೀತಿಯ ತಿಂಡಿ, ಊಟ, ಮದ್ಯ, ಸಿಗರೇಟು , ನೀಡು, ಟೀ, ಕಾಫಿ ಇತ್ಯಾದಿಗಳನ್ನು ಸತರಬರಾಜು ಮಾಡಬಾರದು, ಕೋಪ್ಟಾ ಕಾಯಿದೆ ಅನ್ವಯ 30ಕ್ಕೂ ಹೆಚ್ಚು ಆಸನಗಳಿರುವ ಬಾರ್ ಅಂಡ್ ರೆಸ್ಟೋರೆಂಟ್, ಹೋಟೆಲ್, ಪಬ್, ಬಾರ್ಕ್ಲಬ್ ಗಳಲ್ಲಿ ಧೂಮಪಾನ ವಲಯವನ್ನು ಸ್ಥಾಪಿಸಬಹುದು ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.

ಅಪ್ರಾಪ್ತರು ಮತ್ತು ಧೂಮಪಾನ ಮಾಡದ ಸಾರ್ವಜನಿಕರಿಗೆ ಧೂಮಪಾನ ವಲಯಕ್ಕೆ ಪ್ರವೇಶ ನೀಡಬಾರದು. ಅಲ್ಲಿ ಕುರ್ಚಿ, ಬೆಂಕಿಪೊಟ್ಟಣ, ಆಶ್ ಟ್ರೇ ಇತ್ಯಾದಿ ಧೂಮಪಾನ ಪ್ರಚೋದನಕಾರಿ ವಸ್ತುಗಳನ್ನು ಗ್ರಾಹಕರಿಗೆ ಒದಗಿಸಬಾರದು. ಈ ನಿಯಮಗಳನ್ನು ಉಲ್ಲಂಘಿಸಿದರೆ ಪರವಾನಗಿ ರದ್ದುಮಾಡಲಾಗುವುದು ಎಂದು ತಿಳಿಸಿದೆ.

ಸಾರ್ವಜನಿಕ ಸ್ಥಳಗಳಲ್ಲಿ ಧೂಮಪಾನ ನಿಷೇಧಿಸಿದರೆ ಆಗಬಹುದಾದ ಬೆಂಕಿ ಅವಗಢದಿಂದ ಸಾರ್ವಜನಿಕರನ್ನು ರಕ್ಷಿಸಬಹುದು ಎಂದು ಕರ್ನಾಟಕ ಅಗ್ನಿ ಶಾಮಕ ಹಾಗೂ ತುರ್ತು ಸೇವೆಗಳು ಕೂಡ ತಿಳಿಸಿವೆ.
ಧೂಮಪಾನ ಪ್ರದೇಶಗಳಲ್ಲಿ ಅನುಸರಿಸಬೇಕಾದ ನಿಯಮಗಳೇನು?

1) ಅಪ್ರಾಪ್ತರು ಹಾಗೂ ಧೂಮಪಾನ ಮಾಡದಿರುವವರಿಗೆ ಧೂಮಪಾನ ಪ್ರದೇಶದೊಳಗೆ ಅವಕಾಶ ನೀಡಬಾರದು

2) ಧೂಮಪಾನ ವಲಯದಲ್ಲಿ ತಿಂಡಿ, ಊಟ, ಮದ್ಯ, ನೀರು, ಟೀ, ಕಾಫಿ ಸರಬರಾಜು ಮಾಡಬಾರದು

3) ಕುರ್ಚಿ, ಟೇಬಲ್, ಬೆಂಕಿಪೊಟ್ಟಣ, ಆಶ್ ಟ್ರೇ ಒದಗಿಸುವಂತಿಲ್ಲ

4) ಧೂಮಪಾನ ಪ್ರದೇಶ ಹೊಂದಲು ಪಾಲಿಕೆ ತಂಬಾಕು ನಿಯಂತ್ರಣ ಕೋಶದಿಂದ ಅನುಮತಿ ಕಡ್ಡಾಯವಾಗಲಿದೆ.

English summary

BBMP has issued an order to mandating smoking zone in all bar and restaurant and also warned if smoking allowed in the common area, license will be canceled for the violation.