ಬೆಂಗಳೂರು ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
Oneindia App Download

2 ಮಾರ್ಗದಲ್ಲಿ ನಮ್ಮ ಮೆಟ್ರೋ ಸಂಚಾರಕ್ಕೆ ದಿನಾಂಕ ನಿಗದಿ

|
Google Oneindia Kannada News

ಬೆಂಗಳೂರು, ಫೆಬ್ರವರಿ 16: ನಮ್ಮ ಮೆಟ್ರೋ ಯೋಜನೆಯ 2ನೇ ಹಂತದ ಮಾರ್ಗಗಳ ರೈಲು ಸಂಚಾರಕ್ಕೆ ಬಿಎಂಆರ್‌ಸಿಎಲ್ ಮುಹೂರ್ತ ನಿಗದಿ ಮಾಡಿದೆ. ಮೆಟ್ರೋ 2ನೇ ಹಂತದ ಯೋಜನೆ ಒಟ್ಟು 72 ಕಿ. ಮೀ. ಮಾರ್ಗವನ್ನು ಒಳಗೊಂಡಿದೆ.

ನಮ್ಮ ಮೆಟ್ರೋದ ಕನಕಪುರ ಮಾರ್ಗ ಆಗಸ್ಟ್ 15ಕ್ಕೆ, ಮೈಸೂರು ರಸ್ತೆಯ ಮಾರ್ಗ ನವೆಂಬರ್ 1ಕ್ಕೆ ರೈಲುಗಳ ಸಂಚಾರಕ್ಕೆ ಮುಕ್ತವಾಗುವ ಸಾಧ್ಯತೆ ಇದೆ. ಎರಡೂ ಮಾರ್ಗವನ್ನು ಈ ವರ್ಷದಲ್ಲಿ ಲೋಕಾರ್ಪಣೆ ಮಾಡುವ ಗುರಿಯನ್ನು ಹೊಂದಲಾಗಿದೆ.

ಮಾಂಸ ಪ್ರಿಯರಿಗೆ ಆಘಾತ ನೀಡಿದ ನಮ್ಮ ಮೆಟ್ರೋ!ಮಾಂಸ ಪ್ರಿಯರಿಗೆ ಆಘಾತ ನೀಡಿದ ನಮ್ಮ ಮೆಟ್ರೋ!

ಬಿಎಂಆರ್‌ಸಿಎಲ್ ವ್ಯವಸ್ಥಾಪಕ ನಿರ್ದೇಶಕ ಅಜಯ್ ಸೇಠ್, "ಕನಕಪುರ ಮಾರ್ಗವನ್ನು ಸ್ವಾತಂತ್ರ ದಿನಾಚರಣೆಗೆ, ಮೈಸೂರು ರೋಡ್ ಮಾರ್ಗವನ್ನು ರಾಜ್ಯೋತ್ಸವಕ್ಕೆ ಉದ್ಘಾಟನೆ ಮಾಡಲಾಗುತ್ತದೆ" ಎಂದು ಹೇಳಿದ್ದಾರೆ.

 ನಮ್ಮ ಮೆಟ್ರೋ ಫೀಡರ್ ಸೇವೆಗೆ ಎಲೆಕ್ಟ್ರಿಕ್ ಬಸ್: ವಿಶೇಷತೆ ಏನು? ನಮ್ಮ ಮೆಟ್ರೋ ಫೀಡರ್ ಸೇವೆಗೆ ಎಲೆಕ್ಟ್ರಿಕ್ ಬಸ್: ವಿಶೇಷತೆ ಏನು?

ಇದೇ ಮೊದಲ ಬಾರಿಗೆ ರೈಲು ಸಂಚಾರದ ದಿನಾಂಕವನ್ನು ಬಿಎಂಆರ್‌ಸಿಎಲ್ ಘೋಷಣೆ ಮಾಡಿದೆ. ರೈಲು ಪ್ರಯಾಣಕ್ಕೆ ಮುಕ್ತವಾಗುವ 3 ರಿಂದ 4 ತಿಂಗಳ ಮೊದಲು ಕಾಮಗಾರಿ ಪೂರ್ಣಗೊಂಡು ಪ್ರಾಯೋಗಿಕ ಸಂಚಾರ ಆರಂಭವಾಗಬೇಕಿದೆ.

ಎನ್‌ಸಿಎಂಸಿ ಕಾರ್ಡ್‌ ಬಳಕೆಗೆ ಮೊದಲ ಹೆಜ್ಜೆ ಇಟ್ಟ ನಮ್ಮ ಮೆಟ್ರೋ ಎನ್‌ಸಿಎಂಸಿ ಕಾರ್ಡ್‌ ಬಳಕೆಗೆ ಮೊದಲ ಹೆಜ್ಜೆ ಇಟ್ಟ ನಮ್ಮ ಮೆಟ್ರೋ

ಎರಡು ಮಾರ್ಗಗಳು

ಎರಡು ಮಾರ್ಗಗಳು

ನಮ್ಮ ಮೆಟ್ರೋ ಯೋಜನೆಯ 2ನೇ ಹಂತದ ಯೋಜನೆ 72 ಕಿ. ಮೀ. ಮಾರ್ಗವನ್ನು ಒಳಗೊಂಡಿದೆ. ಒಟ್ಟು ಆರು ಮಾರ್ಗಗಳು ಇದರಲ್ಲಿ ಬರಲಿದ್ದು, 2 ಮಾರ್ಗ 2020ರಲ್ಲಿ ರೈಲುಗಳ ಸಂಚಾರಕ್ಕೆ ಮುಕ್ತವಾಗಲಿದೆ. ಕನಕಪುರ ರಸ್ತೆಯಿಂದ-ಅಂಜನಾಪುರ ಟೌನ್ ಶಿಪ್ (6.5 ಕಿ. ಮೀ.) ಮತ್ತು ನಾಯಂಡಹಳ್ಳಿಯಿಂದ ಮೈಸೂರು ರಸ್ತೆ ವಿಸ್ತರಣೆ ಮಾರ್ಗ (8 ಕಿ. ಮೀ.) ಮಾರ್ಗದಲ್ಲಿ ಮೊದಲು ರೈಲುಗಳ ಸಂಚಾರ ಆರಂಭವಾಗಲಿದೆ.

2ನೇ ಹಂತದನ ಮೆಟ್ರೋ ಮಾರ್ಗಗಳು

2ನೇ ಹಂತದನ ಮೆಟ್ರೋ ಮಾರ್ಗಗಳು

ನಮ್ಮ ಮೆಟ್ರೋ 2ನೇ ಹಂತದ 72 ಕಿ. ಮೀ. ಮಾರ್ಗದಲ್ಲಿ ಎರಡು ಮಾರ್ಗ ಮಾತ್ರ ಈ ವರ್ಷ ಸಂಚಾರಕ್ಕೆ ಮುಕ್ತವಾಗಲಿದೆ. ಮಾರ್ಗಗಳ ವಿವರ

* ಕನಕಪುರ ರಸ್ತೆ-ಅಂಜನಾಪುರ ಟೌನ್ ಶಿಪ್
* ನಾಯಂಡಹಳ್ಳಿ-ಚಲ್ಲಘಟ್ಟ ಡಿಪೋ
* ಬೈಯ್ಯಪ್ಪನಹಳ್ಳಿ-ವೈಟ್‌ಫೀಲ್ಡ್‌
* ಆರ್. ವಿ. ರಸ್ತೆ ಬೊಮ್ಮಸಂದ್ರ
* ತುಮಕೂರು ರಸ್ತೆ-ಬಿಐಇಸಿ
* ಗೊಟ್ಟಿಗೆರೆ-ನಾಗವಾರ

ಕಾಮಗಾರಿಗಳು ಅಂತಿಮ ಹಂತದಲ್ಲಿ

ಕಾಮಗಾರಿಗಳು ಅಂತಿಮ ಹಂತದಲ್ಲಿ

ಯಲಚೇನಹಳ್ಳಿ-ಅಂಜನಾಪುರ ಟೌನ್ ಶಿಪ್ ನಡುವಿನ 6.5 ಕಿ. ಮೀ. ಮಾರ್ಗದಲ್ಲಿ ಹಳಿಗಳನ್ನು ಹಾಕುವ ಕೆಲಸ ಪೂರ್ಣಗೊಂಡಿದೆ. ಅಂಜಾನಪುರ ಹೊರತುಪಡಿಸಿ ಉಳಿದ ನಾಲ್ಕು ನಿಲ್ದಾಣಗಳ ಕಾಮಗಾರಿ ಅಂತಿಮ ಹಂತದಲ್ಲಿದೆ. ಮಾರ್ಚ್ ಅಂತ್ಯದ ವೇಳೆಗೆ ಈ ಮಾರ್ಗದಲ್ಲಿ ಪ್ರಾಯೋಗಿಕ ಸಂಚಾರ ಆರಂಭವಾಗಲಿದೆ.

ನಾಯಂಡನಹಳ್ಳಿ-ಕೆಂಗೇರಿ ಮಾರ್ಗ

ನಾಯಂಡನಹಳ್ಳಿ-ಕೆಂಗೇರಿ ಮಾರ್ಗ

ಮೈಸೂರು ರಸ್ತೆಯಲ್ಲಿ ನಾಯಂಡಹಳ್ಳಿ-ಕೆಂಗೇರಿ ನಡುವಿನ ಮಾರ್ಗವನ್ನು ಮಾತ್ರ ನವೆಂಬರ್ 1ರಂದು ಲೋಕಾರ್ಪಣೆಗೊಳಿಸಲು ಉದ್ದೇಶಿಸಲಾಗಿದೆ. ಆದರೆ, ಚಲ್ಲಘಟ್ಟ ಡಿಪೋ ತನಕ ಈ ಮಾರ್ಗ ಸಾಗಲಿದ್ದು, ಭೂ ಸ್ವಾಧೀನದ ಕುರಿತ ಗೊಂದಲದಿಂದಾಗಿ ಕಾಮಗಾರಿ ವಿಳಂಬವಾಗಿದೆ.

English summary
Namma metro Kanakapura road line expected to be open on August 15 and Mysore Road line to open on November 1, 2020 said BMRCL.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X