ನೂತನ ಶಾಸಕಿ ಸೌಮ್ಯಾ ರೆಡ್ಡಿ ನಿರ್ಧಾರಕ್ಕೆ ಬಹುಪರಾಕ್!
Recommended Video
ಬೆಂಗಳೂರು, ಜೂನ್ 18: ಜಯನಗರ ವಿಧಾನಸಭಾ ಕ್ಷೇತ್ರದಿಂದ ನೂತನ ಶಾಸಕಿಯಾಗಿ ಆಯ್ಕೆಯಾಗಿರುವ ಕಾಂಗ್ರೆಸ್ ನಾಯಕಿ ಸೌಮ್ಯಾರೆಡ್ಡಿ ಅವರು ಇಂದು ಶಾಸಕಿಯಾಗಿ ಪ್ರಮಾಣ ವಚನ ಸ್ವೀಕರಿಸಿದರು. ಶಾಸಕಿಯಾಗಿ ಸೌಮ್ಯಾ ರೆಡ್ಡಿ ತೆಗೆದುಕೊಂಡ ಮೊದಲ ನಿರ್ಧಾರಕ್ಕೆ ಕ್ಷೇತ್ರದ ಜನತೆ ಬಹುಪರಾಕ್ ಹೇಳುತ್ತಿದ್ದಾರೆ.
ಬೆಂಗಳೂರಿನಲ್ಲಿ ಹಬ್ಬ ಹರಿದಿನ, ಚುನಾವಣೆ ಸಂದರ್ಭದಲ್ಲಿ ಕಾಣ ಸಿಗುವ ಫ್ಲೆಕ್ಸ್, ಬ್ಯಾನರ್, ಬಂಟಿಂಗ್ಸ್, ಪೋಸ್ಟರ್ ಗಳಿಗೆ ಕಡಿವಾಣ ಹಾಕುವಲ್ಲಿ ಬೆಂಗಳೂರು ಮಹಾನಗರ ಪಾಲಿಕೆ(ಬಿಬಿಎಂಪಿ) ಶ್ರಮ ಪಡುತ್ತಲೇ ಇದೆ. ಆದರೆ, ಸಂಪೂರ್ಣ ನಿಯಂತ್ರಣ ಸಾಧ್ಯವಾಗಿಲ್ಲ.
ಈ ನಡುವೆ ಸೌಮ್ಯಾ ರೆಡ್ಡಿ ಅವರು ಟ್ವೀಟ್ ಮಾಡಿ, ಫ್ಲೆಕ್ಸ್ ಬ್ಯಾನರ್ಸ್, ಪೋಸ್ಟರ್ಸ್ ಸಂಸ್ಕೃತಿಯನ್ನು ನಾನು ಎಂದಿಗೂ ಪ್ರೋತ್ಸಾಹಿಸುವುದಿಲ್ಲ. ನನ್ನನ್ನು ಅಭಿನಂದನೆ ಮಾಡುವ ಸಲುವಾಗಿ ಬ್ಯಾನರ್ ಗಳನ್ನು ಹಾಕಬೇಡಿ ಎಂದು ಮನವಿ ಮಾಡಿಕೊಂಡಿದ್ದಾರೆ.
Tnx mam... pic.twitter.com/nUeCReOzKN
— Dinesh. Koti (@koti_dinesh) June 18, 2018
ಅಲ್ಲದೆ, ಜಯನಗರದ ಮೈಯ್ಯಾಸ್ ಸರ್ಕಲ್ ಬಳಿ ಸಂಜೆ ಖುದ್ದು ಸೌಮ್ಯಾ ರೆಡ್ಡಿ, ಬಿಬಿಎಂಪಿ ಸಿಬ್ಬಂದಿಗಳು, ಫ್ಲೆಕ್ಸ್ ಬ್ಯಾನರ್ ಗಳನ್ನು ತೆರವುಗೊಳಿಸುವ ಕಾರ್ಯದಲ್ಲಿ ತೊಡಗಿದ್ದು, ಮೆಚ್ಚುಗೆಗೆ ಕಾರಣವಾಗಿದೆ.
Dear friends, Jayanagar MLA Smt.Sowmya reddy has never encouraged the culture of flex banners and posters.
— Sowmya Reddy (@Sowmyareddyr) June 18, 2018
For a Clean and Green Jayanagar, Sowmya Reddy along with BBMP officials would be conducting a Flex Banner removal drive at Jayanagar today.
Time : 6 PM
Maiya’s circle
ಜಯನಗರದ ಐದನೇ ಮುಖ್ಯರಸ್ತೆ, 40ನೇ ಅಡ್ಡರಸ್ತೆಯಲ್ಲಿ ಇನ್ನೂ ಫ್ಲೆಕ್ಸ್ ಇದೆ ಎಂದು ಟ್ವೀಟ್ ಮಾಡಿ ತಿಳಿಸಿದ್ದಾರೆ. ಸೌಮ್ಯಾ ಅವರ ನಿರ್ಧಾರಕ್ಕೆ ಸಾರ್ವಜನಿಕರು ಮೆಚ್ಚುಗೆ ಸೂಚಿಸಿ, ಉತ್ತಮ ನಿರ್ಧಾರ, ಸ್ವಚ್ಛ ಹಾಗೂ ಹಸಿರು ಜಯನಗರ ಆಭಿಯಾನಕ್ಕೆ ನಾವೆಲ್ಲರೂ ಕೈಜೋಡಿಸೋಣ ಎಂದಿದ್ದಾರೆ.