ಮೆಟ್ರೋ ಸ್ಮಾರ್ಟ್ಕಾರ್ಡ್ಗೆ ಡಿಮ್ಯಾಂಡೋ ಡಿಮ್ಯಾಂಡು, ಪ್ರಯಾಣಿಕರೂ ಹೆಚ್ಚಳ
ಬೆಂಗಳೂರು, ಜೂನ್ 27: ಮೆಟ್ರೋ ಸ್ಮಾರ್ಟ್ ಕಾರ್ಡ್ಗೆ ಬೇಡಿಕೆ ಇನ್ನೂ ಕಡಿಮೆಯಾಗಿಲ್ಲ, ಇದೀಗ ಬೇಡಿಕೆಯಂತೆ 6 ಲಕ್ಷ ಮೆಟ್ರೋ ಕಾರ್ಡ್ ಖರೀದಿ ಪ್ರಕ್ರಿಯೆ ಆರಂಭವಾಗಿದೆ.
2019ರ ಆರಂಭದಿಂದ ಮೆಟ್ರೋದಲ್ಲಿ ಸ್ಮಾರ್ಟ್ ಕಾರ್ಡ್ ಬಳಕೆದಾರರ ಪ್ರಮಾಣ ಹೆಚ್ಚಾಗಿದೆ. ಈ ಹಿಂದೆ ಒಟ್ಟು ಪ್ರಯಾಣಿಕರಲ್ಲಿ ಕಾರ್ಡ್ ಬಳಸಿ ಪ್ರಯಾಣಿಸುವವರ ಸಂಖ್ಯೆ ಶೇ.50ರಷ್ಟಿತ್ತು ಇದೀಗ ಅದು ಶೇ.60ಕ್ಕೆ ಬಂದು ತಲುಪಿದೆ.
ಆರ್ವಿ ರಸ್ತೆ ಮೆಟ್ರೋ ನಿಲ್ದಾಣ, 1 ವರ್ಷ ಬಂದ್, ಇಲ್ಲಿದೆ ಕಾರಣ
ವಾಹನಗಳನ್ನು ಪಾರ್ಕಿಂಗ್ನಲ್ಲಿರಿಸಿ ಮೆಟ್ರೋ ಬಳಸುವವರ ಸಂಖ್ಯೂ ಹೆಚ್ಚಿದೆ. ಸ್ಮಾರ್ಟ್ಕಾರ್ಡ್ಗಳು ಬೇಗ ಖಾಲಿಯಾಗಿರುವುದರಿಂದ 6 ಲಕ್ಷ ಕಾರ್ಡ್ ಖರೀದಿ ಪ್ರಕ್ರಿಯೆಗೆ ಚಾಲನೆ ನೀಡಲಾಗಿದೆ.
ಕಾರ್ಡ್ ತಯಾರಿಗೆ 18 ರೂ ಖರ್ಚಾಗಲಿದೆ. 2013ರಲ್ಲಿ 15,586, 2014ರಲ್ಲಿ 41,149, 2015ರಲ್ಲಿ 46,670 ಸ್ಮಾರ್ಟ್ ಕಾರ್ಡ್ ಮಾರಾಟವಾಗಿತ್ತು. 2016ರಿಂದ ಸ್ಮಾರ್ಟ್ ಕಾರ್ಡ್ ಖರೀದಿ 2 ಲಕ್ಷಕ್ಕೂ ಹೆಚ್ಚಾಗಿದೆ.
ಆರು ಬೋಗಿಗಳ ರೈಲುಗಳ ಕಾರ್ಯಾಚರಣೆಯಿಂದಾಗಿ ಪ್ರಯಾಣಿಕರ ಸಂಖ್ಯೆ ಹೆಚ್ಚಾಗಿದೆ. ಪ್ರತಿ ದಿನ ಮೆಟ್ರೋದಲ್ಲಿ ಪ್ರಯಾಣಿಸುವವರ ಸಂಖ್ಯೆಯೂ ಕೂಡ ಹೆಚ್ಚಾಗಿದೆ.
2019ರ ಫೆಬ್ರವರಿಯಲ್ಲಿ 1.06 ಕೋಟಿ, ಮಾರ್ಚ್ ನಲ್ಲಿ 1.13 ಕೋಟಿ, ಏಪ್ರಿಲ್ನಲ್ಲಿ 1.10 ಕೋಟಿ , ಮೇನಲ್ಲಿ 1.18 ಕೋಟಿ ಮಂದಿ ಮೆಟ್ರೋದಲ್ಲಿ ಪ್ರಯಾಣ ಮಾಡಿದ್ದಾರೆ.
2016ರ ಬಳಿಕ 6-7 ತಿಂಗಳಿಗೊಮ್ಮೆ ಕಾರ್ಡ್ ಉತ್ಪಾದಿಸಲಾಗುತ್ತಿದೆ. ವಿದ್ಯಾರ್ಥಿಗಳು ಹಾಗೂ ಉದ್ಯೋಗಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಕಾರ್ಡ್ ಖರೀದಿಸುತ್ತಿದ್ದಾರೆ. ಈ ವರ್ಷಕ್ಕೆ ಸರಾಸರಿ 5-6 ಲಕ್ಷ ಕಾರ್ಡ್ ಖರೀದಿಯಾಗುತ್ತಿದೆ.