ಕೆಂಪೇಗೌಡ ಏರ್‌ಪೋರ್ಟ್‌: ವಿಮಾನ ಹಾರಾಟ ಸಮಯ ಬದಲಾವಣೆ

ಬೆಂಗಳೂರು, ಜನವರಿ 15: ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಫೆಬ್ರವರಿಯಲ್ಲಿ ವಿಮಾನ ಹಾರಾಟದಲ್ಲಿ ಬದಲಾವಣೆ ಉಂಟಾಗಲಿದೆ.

ಯಲಹಂಕ ವಾಯುನೆಲೆಯಲ್ಲಿ ನಡೆಯಲಿರುವ ಏರೋ ಇಂಡಿಯಾ-2019 ವೈಮಾನಿಕ ಪ್ರದರ್ಶನದ ವೇಳೆ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ವಿಮಾನ ಹಾರಾಟವನ್ನು ನಿರ್ದಿಷ್ಟ ಅವಧಿಗೆ ಸ್ಥಗಿತಗೊಳಿಸಲಾಗುತ್ತಿದೆ.

ದೇಶ-ವಿದೇಶ ಸೇವಾ ವಿಮಾನಗಳು, ಹೆಲಿಕಾಪ್ಟರ್‌ಗಳು ಫೆ.20ರಿಂದ 24ರ ನಡುವೆ ಪ್ರದರ್ಶನ ನೀಡಲಿದೆ. ಇದಕ್ಕೂ ಮುನ್ನ ಪೂರ್ವಭಾವಿ ತಾಲೀಮು ನಡೆಸಲಿದೆ. ಈ ವೇಳೆ ಕೆಐಎಗೆ ನಿರ್ಗಮಿಸುವ ಹಾಗೂ ಕೆಐಎನಿಂದ ಆಗಮಿಸುವ ನಾಗರಿಕ ವಿಮಾನಗಳ ಹಾರಾಟಕ್ಕೆ ತೊಡಕುಂಟಾಗುವ ಸಾಧ್ಯತೆ ಇರುವ ಕಾರಣ ನಿರ್ಧಾರ ಕೈಗೊಳ್ಳಲಾಗುತ್ತಿದೆ.

ಫೆ.14ರಿಂದ 24ರ ನಡುವೆ ನಿರ್ದಿಷ್ಟ ಅವಧಿಗೆ ಕೆಐಎ ವಾಯುಪ್ರದೇಶವನ್ನು ನಾಗರಿಕ ವಿಮಾನಗಳ ಹಾರಾಟಕ್ಕೆ ಬಂದ್ ಮಾಡಲಾಗುತ್ತದೆ. ಈ ಪೈಕಿ ಫೆ.14ರಿಂದ ಫೆ.19ರ ನಡುವೆ ತಾಲೀಮು ನಡೆಸುವ ಕಾರಣ ಮಧ್ಯಾಹ್ನ 1.20ರಿಂದ 4.30ರ ನಡುವೆ ವಾಯು ಪ್ರದೇಶ ಬಂದ್ ಮಾಡಲಾಗುತ್ತದೆ ಎನ್ನುವ ಮಾಹಿತಿ ಲಭ್ಯವಾಗಿದೆ.

ವಿಮಾನ ಹಾರಾಟ ಬಂದ್ ಅವಧಿ: ಓಎ.14ರಿಂದ ಫೆ.19ರವರೆಗೆ ಮ.1.20ರಿಂದ ಸಂಜೆ 4.30, ಫೆ.20ರಂಸು ಬೆಳಗ್ಗೆ 8.20ರಿಂದ ಮ.12 ಗಂಟೆ, ಫೆ. 21ರಿಂದ ಫೆ.24ರವರೆಗೆ ಬೆ.9.50 ರಿಂದ ಮ.12 ಗಂಟೆ, ಮ.1.50ರಿಂದ ಸಂಜೆ 5 ಗಂಟೆ ಬಂದ್ ಆಗಲಿದೆ.

English summary

Kempegowda international airport has made some changes in flight timings during Aero India show in 14th of February.