ಕೆಂಪೇಗೌಡ ಏರ್ಪೋರ್ಟ್ನ ಮೊದಲ ರನ್ವೇ 8 ತಿಂಗಳು ಬಂದ್
ಬೆಂಗಳೂರು, ಫೆಬ್ರವರಿ 5: ನಗರದ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಮೊದಲ ರನ್ವೇ ಎಂಟು ತಿಂಗಳುಗಳ ಕಾಲ ಸ್ಥಗಿತಗೊಳ್ಳಲಿದೆ.
ರನ್ ವೇ (09ಎಲ್/27ಆರ್)ಯನ್ನು ಮೇಲ್ದರ್ಜೆಗೇರಿಸಲಾಗುತ್ತಿದ್ದು, ಮಾರ್ಚ್ 26ರಿಂದ ನವೆಂಬರ್ವರೆಗೆ ರನ್ವೇ ಬಂದ್ ಆಗಿರಲಿದೆ.ಈ ಅವಧಿಯಲ್ಲಿಇತ್ತೀಚೆಗೆ ಕಾರ್ಯಾರಂಭಗೊಂಡಿರುವ ನೂತನ ರನ್ವೇ '09ಆರ್/27 ಎಲ್' ಲಭ್ಯವಿರುತ್ತದೆ. ರನ್ವೇ ಕಾಮಗಾರಿಯಿಂದ ವಿಮಾನಗಳ ಹಾರಾಟ, ನಿಲ್ದಾಣದ ಕಾರ್ಯಾಚರಣೆ ಮೇಲೆ ಯಾವುದೇ ಪರಿಣಾಮ ಬೀರುವುದಿಲ್ಲ.
ಕೆಂಪೇಗೌಡ ವಿಮಾನ ನಿಲ್ದಾಣದಂತೆ ಕಲಬುರಗಿ ವಿ. ನಿಲ್ದಾಣದ ಅಭಿವೃದ್ದಿ: ಕಪಿಲ್ ಮೋಹನ್
ಆಂತರಿಕವಾಗಿ ಪಾರ್ಕಿಂಗ್, ಟ್ಯಾಕ್ಸಿಂಗ್ ಸೇರಿದಂತೆ ಇನ್ನಿತರ ವ್ಯವಸ್ಥೆಯಲ್ಲಿ ಬದಲಾವಣೆಯಾಗಲಿದೆ. ಕಾಮಗಾರಿ ಹಿನ್ನೆಲೆಯಲ್ಲಿ ನಿಲ್ದಾಣವು ಅಗತ್ಯ ಸಿದ್ಧತೆಗಳನ್ನು ನಿಯಮಾನುಸಾರ ಮಾಡಿಕೊಳ್ಳುವ ಕುರಿತು ಭಾರತೀಯ ವಿಮಾನ ನಿಲ್ದಾಣ ಪ್ರಾಧಿಕಾರ ನಿರ್ದೇಶನ ನೀಡಿದೆ.
'09ಎಲ್/27ಆರ್' ರನ್ವೇ ಅನ್ನು ಗೋಚರತೆ ಕಮ್ಮಿ ಇರುವ ಸಂದರ್ಭದಲ್ಲಿ ವಿಮಾನಗಳ ಲ್ಯಾಂಡಿಂಗ್ ಮತ್ತು ಟೇಕಾಫ್ಗೆ ನೆರವಾಗುವ ಇನ್ಸ್ಟ್ರುಮೆಂಟ್ ಲ್ಯಾಂಡಿಂಗ್ ಸಿಸ್ಟಮ್ (ಐಲ್ಎಸ್) ಕೆಟಗೆರಿ 1ರಿಂದ ಕೆಟಗೆರಿ 3ನೇ ದರ್ಜೆಗೆ ಏರಿಸಲಾಗುತ್ತದೆ. ನೂತನ ರನ್ವೇ ಐಎಲ್ಎಸ್ ಕೆಟಗೆರಿ 3 ಪ್ರಮಾಣಪತ್ರ ಹೊಂದಿದೆ.
ಈ ರನ್ ವೇಯನ್ನು 2008 ನಿರ್ಮಿಸಲಾಗಿತ್ತು. ಈ ಪ್ರದೇಶದಲ್ಲಿ ವಿಮಾನಗಳ ಕಾರ್ಯಾಚರಣೆಯನ್ನು ಕೂಡ ಸ್ಥಗಿತಗೊಳಿಸಲಾಗಿದೆ.ಇತ್ತೀಚೆಗಷ್ಟೇ ಎರಡನೇ ರನ್ವೇಯನ್ನು ಹೊಸದಾಗಿ ನಿರ್ಮಾಣ ಮಾಡಲಾಗಿದ್ದು, ವಿಮಾನಗಳು ಅಲ್ಲಿಂದಲೇ ಕಾರ್ಯಾಚರಣೆಗೊಳ್ಳಲಿದೆ.