ಹೋಮ್ ಐಸೋಲೇಶನ್ ಮಾರ್ಗಸೂಚಿ ಪ್ರಕಟಿಸಿದ ರಾಜ್ಯ ಸರ್ಕಾರ
ಬೆಂಗಳೂರು, ಜುಲೈ 2: ರೋಗಲಕ್ಷಣ ರಹಿತ ಹಾಗೂ ಕಡಿಮೆ ರೋಗಲಕ್ಷಣ ಹೊಂದಿದ ಕೊರೊನಾ ವೈರಸ್ ರೋಗಿಗಳು ಮನೆಯಲ್ಲಿ ಚಿಕಿತ್ಸೆ ಪಡೆಯಬಹುದು ಎಂದು ಕೇಂದ್ರ ಸರ್ಕಾರ ಸೂಚಿಸಿದ್ದು, ಈ ಸಂಬಂಧ ರಾಜ್ಯ ಸರ್ಕಾರ ನೂತನ ಮಾರ್ಗಸೂಚಿ ಪ್ರಕಟಿಸಿದೆ.
Recommended Video
ರಾಜ್ಯ ಸರ್ಕಾರ ನೂತನ ಮಾರ್ಗಸೂಚಿ ಪ್ರಕಾರ, ತೀವ್ರ ಸೋಂಕಿನಿಂದ ಬಳುತ್ತಿರುವ ಹಾಗೂ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಅನಿವಾರ್ಯವೆನಿಸುವಂತಹ ವ್ಯಕ್ತಿಗಳಿಗೆ ಮಾತ್ರ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತದೆ.
ಕೊರೊನಾ: ಕೇಂದ್ರ ಆರೋಗ್ಯ ಇಲಾಖೆಯಿಂದ ಹೊರಬಿದ್ದ ಗುಡ್ ನ್ಯೂಸ್
-ರೋಗಲಕ್ಷಣ ರಹಿತ ಹಾಗೂ ಕಡಿಮೆ ರೋಗ ಲಕ್ಷಣ ಹೊಂದಿರುವವರು ಹೋಮ್ ಐಸೋಲೇಶನ್ಗೆ ಒಳಪಡುತ್ತಾರೆ.
- ಇವರು ಮನೆಯಲ್ಲಿ ಉಳಿದುಕೊಂಡು ಸರ್ಕಾರದ ನಿಯಮಗಳನ್ನು ಪಾಲಿಸಬೇಕು.
- ಜಿಲ್ಲಾ ಆರೋಗ್ಯ ಪ್ರಾಧಿಕಾರ ಅಥವಾ ಬಿಬಿಎಂಪಿಯ ಆರೋಗ್ಯ ತಂಡವು ಮನೆಗೆ ಭೇಟಿ ನೀಡಿ ಅದರ ಮೌಲ್ಯಮಾಪನ ಮಾಡಬೇಕು. ಮನೆಯ ಪ್ರತ್ಯೇಕತೆಗೆ ಸೂಕ್ತತೆ ಮತ್ತು ರೋಗಿಯ ಚಿಕಿತ್ಸೆಯ ಸರದಿ ನಿರ್ಧಾರ ಮಾಡಬೇಕು.
- ರೋಗಿಯ ದೈನಂದಿನ ವಿವರಗಳಿಗಾಗಿ ಟೆಲಿ ಸಮಾಲೋಚನೆ ಲಿಂಕ್ ಬಳಸಲಾಗುವುದು.
- ರೋಗಿಯು ತಮ್ಮ ಪ್ರತಿದಿನದ ಆರೋಗ್ಯ ಸ್ಥಿತಿಯ ಬಗ್ಗೆ ವೈದ್ಯ / ಆರೋಗ್ಯ ಅಧಿಕಾರಿಗಳಿಗೆ ವರದಿ ನೀಡಬೇಕು.
- ಮನೆಯ ಪ್ರತ್ಯೇಕತೆಯ ಸಮಯದಲ್ಲಿ ರೋಗಿಯು ನಾಡಿ ಆಕ್ಸಿಮೀಟರ್, ಡಿಜಿಟಲ್ ಥರ್ಮಾಮೀಟರ್ ಮತ್ತು ಪಿಪಿಇ ಕಿಟ್ (ಮಾಸ್ಕ್, ಗ್ಲೌಸ್) ಬಳಸಬೇಕು.
- ಹೋಮ್ ಐಸೋಲೇಷನ್ನಿಂದ ರೋಗಿಯನ್ನು ಬಿಡುಗಡೆಗೊಳಿಸುವ ವೇಳೆ ಡಿಸ್ಚಾರ್ಜ್ ಪ್ರೋಟೋಕಾಲ್ ಅನುಸರಿಸಬೇಕು.
- 17 ದಿನಗಳ ಮನೆಯಲ್ಲಿ ಐಸೋಲೇಷನ್ ಕಡ್ಡಾಯ
- ರೋಗಿಯ ಕುಟುಂಬ, ನೆರೆಹೊರೆಯ ಬಗ್ಗೆಯೂ ಆರೋಗ್ಯ ಅಧಿಕಾರಿಗಳು ಕಾಳಜಿ ಹೊಂದಿರಬೇಕು
- 50 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರಿಗೆ ಹೋಮ್ ಐಸೋಲೇಷನ್ ಮಾಡಬಹುದು.
- ಕೊರೊನಾ ಜೊತೆ ಇತರೆ ಕಾಯಿಲೆಯಿಂದ ಬಳಲುತ್ತಿರುವವರು ಇದಕ್ಕೆ ಒಳಪಡಲ್ಲ.