ಬೈಯಪ್ಪನಹಳ್ಳಿ-ವೈಟ್ಫೀಲ್ಡ್ ಮೆಟ್ರೋ ಕಾಮಗಾರಿ ಪ್ರಸ್ತುತ ಸ್ಥಿತಿ
ಬೆಂಗಳೂರು, ಫೆಬ್ರವರಿ 28: ಕಾಡುಗೋಡಿಯಲ್ಲಿ ನಮ್ಮ ಮೆಟ್ರೋ ಡಿಪೋ ನಿರ್ಮಾಣ ಕಾರ್ಯ ಇನ್ನೆರೆಡು ತಿಂಗಳಲ್ಲಿ ಅಂದರೆ ಮೇನಲ್ಲಿ ಆರಂಭಗೊಳ್ಳಲಿದೆ ಎಂದು ಬಿಎಂಆರ್ಸಿಎಲ್ ತಿಳಿಸಿದೆ
ಬೈಯಪ್ಪನಹಳ್ಳಿ-ವೈಟ್ಫೀಲ್ಡ್ ಮೆಟ್ರೋ ಮಾರ್ಗದ ಕೊನೆಯಲ್ಲಿ ನೇರಳೆ ಮಾರ್ಗಕ್ಕಾಗಿ ನಿರ್ಮಾಣವಾಗಲಿರುವ ಕಾಡುಗೋಡಿ ಡಿಪೋಗೆ ಇದ್ದ ಎಲ್ಲಾ ಅಡೆತಡೆಗಳು ನಿವಾರಣೆಯಾಗಿ, ಈಗ ಡಿಪೋದ ನಿರ್ಮಾಣಕ್ಕೆ ಟೆಂಡರ್ ಕರೆಯಲಾಗಿದೆ.
ಶ್ರೀರಾಂಪುರ ಮೆಟ್ರೋ ನಿಲ್ದಾಣದಲ್ಲಿ ಎಸ್ಕಲೇಟರ್ನಿಂದ ಬಿದ್ದಿದ್ದ ಮಗು ಸಾವು
ಮೈಸೂರು ರಸ್ತೆ-ಬೈಯಪ್ಪನಹಳ್ಳಿ ರಸ್ತೆ ನೇರಳೆ ಮಾರ್ಗವನ್ನು ವೈಟ್ಫೀಲ್ಡ್ವರೆಗೆ ವಿಸ್ತರಿಸುವ ಕಾಮಗಾರಿ ವೇಗವಾಗಿ ನಡೆಯುತ್ತಿದೆ. ಇನ್ನೊಂದೆಡೆ ನಾಯಂಡಹಳ್ಳಿಯಿಂದ ಕೆಂಗೇರಿವರೆಗೆ ಸಾಗುವ ಮಾರ್ಗದ ಕಾಮಗಾರಿ ಕೂಡ ನಡೆಯುತ್ತಿದೆ. ಎರಡನೇ ಹಂತದ ಈ ಯೋಜನೆಗಳಿಗೆ ಚುರುಕು ನೀಡಲಾಗಿದೆ.
ಹಾಗೆಯೇ ಕಾಡುಗೋಡಿಯಲ್ಲಿ ಅರಣ್ಯ ಭೂಮಿಯಲ್ಲಿ ಡಿಪೊ ನಿರ್ಮಿಸಬೇಕಿದ್ದರಿಂದ ಪ್ರಕ್ರಿಯೆಗಳು ತಡವಾಗುವ ಆತಂಕವಾಗಿತ್ತು. ಇದೀಗ ಎಲ್ಲಾ ಅಡೆತಡೆಗಳು ನಿವಾರಣೆಯಾಗಿದೆ ಎಂದು ಬಿಎಂಆರ್ಸಿಎಲ್ ಅಧಿಕಾರಿಗಳು ತಿಳಿಸಿದ್ದಾರೆ.
ನಾಯಂಡಹಳ್ಳಿ-ಕೆಂಗೇರಿ ಮೆಟ್ರೋ ಸಂಚಾರಕ್ಕೆ 2 ವರ್ಷ ಕಾಯ್ಬೇಕಂತೆ!
ಕಾಡುಗೋಡಿ ಡಿಪೋಗಾಗಿ ಅರಣ್ಯ ಭೂಮಿಯನ್ನು ಪಡೆಯಲು ಸುಮಾರು ನಾಲ್ಕು ವರ್ಷ ಒದ್ದಾಡಬೇಕಾಯಿತು.ಕಾಡುಗೋಡಿಯಲ್ಲಿ 45 ಎಕರೆ ಜಾಗ ಅರಣ್ಯ ಇಲಾಖೆಗೆ ಸೇರಿದ್ದಾಗಿದೆ. ಪರ್ಯಾಯ ಭೂಮಿ ನೀಡಿ ಇದೀಗ ಅರಣ್ಯ ಇಲಾಖೆ ಜಾಗವನ್ನು ಪಡೆಯಲಾಗಿದೆ.
ಎರಡನೇ ಆರು ಬೋಗಿಗಳ ಮೆಟ್ರೋ ಸೇವೆಗೆ ಎಚ್ಡಿಕೆ ಚಾಲನೆ
ಕಾಮಗಾರಿಗೆ ವೇಗ: 15.50 ಕಿ.ಮೀ ಉದ್ದದ ಬೈಯಪ್ಪನಹಳ್ಳಿ-ವೈಟ್ಫೀಲ್ಡ್ ಮಾರ್ಗದ ಕಾಮಗಾರಿ ಶೇ.34 ರಷ್ಟು ಮುಗಿದಿದ್ದು ಭೂಸ್ವಾಧೀನ ಪ್ರಕ್ರಿಯೆ ಶೇ.97ರಷ್ಟು ಮುಕ್ತಾಯಗೊಂಡಿದೆ.