2020ರಲ್ಲಿ ಬೆಂಗಳೂರಿನಿಂದ ಟೋಕಿಯೋಗೆ ನೇರ ವಿಮಾನ

ಬೆಂಗಳೂರು, ಜನವರಿ 23: 2020ರ ವೇಳೆಗೆ ಟೋಕಿಯೋ ಹಾಗೂ ಬೆಂಗಳೂರಿನ ನಡುವೆ ನೇರ ವಿಮಾನ ಹಾರಾಟ ಸೇವೆ ಆರಂಭವಾಗಲಿದೆ ಎಂದು ಜಪಾನ್ ಏರ್​ಲೈನ್ಸ್ ಲಿಮಿಟೆಡ್​ (ಜೆಎಎಲ್​) ಬುಧವಾರದಂದು ಪ್ರಕಟಿಸಿದೆ.

2020ರ ಬೇಸಿಗೆ ಅವಧಿಯಲ್ಲಿ ಬೆಂಗಳೂರು- ಟೋಕಿಯೋ ನಡುವೆ ತಡೆರಹಿತ ನೇರ ವಿಮಾನಗಳು ಜೆಎಎಲ್ ಸಂಸ್ಥೆಯಿಂದ ಹಾರಾಡಲಿವೆ. ಸದ್ಯ ಟೋಕಿಯೋ- ನವದೆಹಲಿ- ಬೆಂಗಳೂರು ಮೂಲಕ ವಾಯುಯಾನ ಸೇವೆ ಲಭ್ಯವಿದೆ. ಬೋಯಿಂಗ್​ 787-8 ಸುದೀರ್ಘ ಒಂಬ್ಬತ್ತು ಗಂಟೆಗಳ ಪ್ರಯಾಣದ ಹಾರಾಟ ನಡೆಸುತ್ತಿದೆ ಎಂದು ಜೆಎಎಲ್ ತಿಳಿಸಿದೆ.

ಬೆಂಗಳೂರು ಐಟಿ/ಬಿಟಿ, ಟೆಲಿಕಾಂ ಹಬ್ ಎಂದು ಗುರುತಿಸಿಕೊಂಡಿದೆ. ಟೋಕಿಯೋದಿಂದ ನೇರ ವಿಮಾನ ಸಂಪರ್ಕ ಕಲ್ಪಿಸಿದರೆ ಎರಡೂ ರಾಷ್ಟ್ರಗಳ ಆರ್ಥಿಕ ಅಭಿವೃದ್ಧಿಗೆ ಸಹಾಯಕವಾಗಲಿದೆ. ಭಾರತ- ಜಪಾನ್​ನ ಪ್ರವಾಸೋದ್ಯಮ ಅಭಿವೃದ್ಧಿಗೂ ಪೂರಕವಾಗಲಿದೆ. ಉದ್ಯೋಗ ಸೃಷ್ಟಿ ಉದ್ದೇಶದಿಂದಲೂ ಈ ಸೇವೆ ಉಪಯೋಗವಾಗಲಿದೆ ಎಂದು ಬೆಂಗಳೂರಿನಲ್ಲಿರುವ ಜಪಾನ್ನಿನ ಕೌನ್ಸಲ್ ಜನರಲ್ ಟಕಾಯುಕಿ ಕಿತಾಗವಾ ಅವರು ಹೇಳಿದ್ದಾರೆ.

English summary

Japanese flag carrier Japan Airlines Ltd (JAL) will fly from Bengaluru to Tokyo non-stop from 2020, it said on Wednesday. "The new non-stop service between Tokyo and Bengaluru will be flagged off during the summer of 2020," JAL said in a statement here.