ಸೈಡ್ ವಿಂಗ್ ತಂಡದಿಂದ 12ರಂದು 'ಇಲ್ಯಾಡ್ಗಣ್ಣ' ನಾಟಕ ಪ್ರದರ್ಶನ
ಕನ್ನಡ ಹೊಸದಾಗಿ ಹುಟ್ಟಿಕೊಂಡಿರುವ ಸೈಡ್ ವಿಂಗ್ ರಂಗತಂಡದ ಮೊದಲ ಪ್ರಯತ್ನವಾದ 'ಇಲ್ಯಾಡ್ಗಣ್ಣ' ನಾಟಕ ಪ್ರದರ್ಶನ ಇದೇ ತಿಂಗಳ 12ರಂದು. ಬೆಂಗಳೂರು ವಿಶ್ವವಿದ್ಯಾಲಯದ ಕಲಾಗ್ರಾಮದಲ್ಲಿ ನಡೆಯಲಿರುವ ಚೊಚ್ಚಲ ಪ್ರದರ್ಶನ.
ಬೆಂಗಳೂರು, ಆಗಸ್ಟ್ 10: ರಂಗಭೂಮಿಗೆ ಇದೇ ಮೊದಲ ಬಾರಿಗೆ ಕಾಲಿಟ್ಟಿರುವ ಹವ್ಯಾಸಿ ರಂಗ ಕಲಾವಿದರ ತಂಡ 'ಸೈಡ್ ವಿಂಗ್ ಬೆಂಗಳೂರು' ನ ಚೊಚ್ಚಲ ಪ್ರಯತ್ನವಾದ 'ಇಲ್ಯಾಡ್ಗಣ್ಣ' ಎಂಬ ನಾಟಕ ಪ್ರದರ್ಶನ ಇದೇ ತಿಂಗಳ 12ರಂದು ಬೆಂಗಳೂರು ವಿಶ್ವವಿದ್ಯಾಲಯದ ಬಳಿಯಿರುವ ಕಲಾಗ್ರಾಮದಲ್ಲಿ ನಡೆಯಲಿದೆ.
ರಂಗಾಯಣದ ನೂತನ ನಿರ್ದೇಶಕಿ ಭಾಗೀರಥಿ ಕದಂರೊಂದಿಗಿನ ಸಂದರ್ಶನ
ಈ ನಾಟಕವನ್ನು ಎಂ.ಎಂ. ಶೈಲೇಶ್ ಕುಮಾರ್ ರಚಿಸಿ ನಿರ್ದೇಶಿಸಿದ್ದಾರೆ. ಮೂಲತಃ ಉದ್ಯಮಿಯಾಗಿರುವ ಇವರು ಕೆಲವಾರು ವರ್ಷಗಳಿಂದಲೂ ರಂಗಭೂಮಿಯಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದು, ಅವರು ಈ ಹಿಂದೆ ರಚಿಸಿದ್ದ 'ಇಲ್ಲ ಅಂದ್ರೆ.. ಇದೆ!' ಎಂಬ ನಾಟಕ ಹಲವಾರು ಯಶಸ್ವಿ ಪ್ರದರ್ಶನ ಕಂಡಿದೆ.
ನಾಟಕದ ರಂಗ ಸಜ್ಜಿಕೆ, ರಂಗ ಪರಿಕರಗಳನ್ನು ವಿಶ್ವನಾಥ್ ಮಂಡಿ ಒದಗಿಸಿದ್ದು, ಧನುಷ್ ಅವರ ಬೆಳಕು, ಆದಿತ್ಯ ಭಾರದ್ವಾಜ್ ಅವರ ಸಂಗೀತವಿದೆ.
ಟಾಗೋರ್ ದ್ವಿತೀಯ ದರ್ಜೆ ನಾಟಕಕಾರ : ಕಾರ್ನಾಡ್
ಆಗಸ್ಟ್ 12ರಂದು ಸಂಜೆ 7:30ಕ್ಕೆ ನಾಟಕ ಪ್ರದರ್ಶನ ನಡೆಯಲಿದ್ದು, ಪ್ರತಿ ಟಿಕೆಟ್ಟಿಗೆ 100 ರು. ದರ ನಿಗದಿಪಡಿಸಲಾಗಿದೆ. ಹೆಚ್ಚಿನ ಮಾಹಿತಿಗಾಗಿ, 9845087901 ಸಂಖ್ಯೆಗೆ ಸಂಪರ್ಕಿಸಬಹುದು.