16ನೇ ಎಲ್ಸಿಎ ತೇಜಸ್ ಯುದ್ಧ ವಿಮಾನ ನಿರ್ಮಾಣ ಪೂರ್ಣಗೊಳಿಸಿದ ಎಚ್ಎಎಲ್
ಬೆಂಗಳೂರು, ಮಾರ್ಚ್ 26: ಹಿಂದುಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್ 16ನೇ ಎಲ್ಸಿಎ ತೇಜಸ್ ಯುದ್ಧ ವಿಮಾನ ನಿರ್ಮಾಣ ಕಾರ್ಯವನ್ನು ಪೂರ್ಣಗೊಳಿಸಿದೆ.
ಲೋಕಸಭಾ ಚುನಾವಣೆ 2019 : ವಿಶೇಷ ಪುಟ | ಗ್ಯಾಲರಿ
ತಿಂಗಳಾಂತ್ಯಕ್ಕೆ ಸೇನಾಪಡೆ (ಗ್ರಾಹಕ) ಹಾರಾಟ ಬಳಿಕ ಹಸ್ತಾಂತರ ಪ್ರಕ್ರಿಯೆ ನಡೆಸಲಾಗುವುದು. ವಾರ್ಷಿಕ 8 ವಿಮಾನಗಳನ್ನು ನಿರ್ಮಾಣ ಮಾಡುವ ಸಾಮರ್ಥ್ಯವನ್ನು ಎಚ್ಎಎಲ್ ಹೊಂದಿದೆ. ಇದನ್ನು ದೇಶೀಯವಾಗಿ ಅಭಿವೃದ್ಧಿಪಡಿಸಲಾಗಿದೆ.
ಅತಿ ಹಗುರ ಯುದ್ಧ ವಿಮಾನ ತೇಜಸ್ನಲ್ಲಿ ಹಾರಾಡಿದ ಸೇನಾ ಮುಖ್ಯಸ್ಥ ಬಿಪಿನ್
ಒಟ್ಟು 40 ತೇಜಸ್ಗಳಿಗೆ ಭಾರತೀಯ ವಾಯುಸೇನೆ ಆರ್ಡರ್ ನೀಡಿದೆ. ಈ ಪೈಕಿ ಆರಂಭಿಕ ಕಾರ್ಯಾಚರಣೆ ಪ್ರಮಾಣಪತ್ರ (ಐಒಸಿ) ಹೊಂದಿರುವ ಮತ್ತು ಅಂತಿಮ ಕಾರ್ಯಾಚರಣೆ ಪ್ರಮಾಣಪತ್ರ ಹೊಂದಿರುವ ತಲಾ 16 ಫೈಟರ್ಗಳು ಹಾಗೂ 8 ತರಬೇತಿ ಉದ್ದೇಶದ ಫೈಟರ್ಗಳು ಸೇರಿವೆ.
ಇತ್ತೀಚೆಗೆ ಎಫ್ಒಸಿ ಸಂಬಂಧಿಸಿದ ದಾಖಲೆಗಳು ಎಚ್ಎಎಲ್ನಲ್ಲಿ ಸ್ವೀಕೃತಗೊಂಡಿವೆ. ಹೀಗಾಗಿ, ಎಫ್ಒಸಿ ಗುಣಮಟ್ಟದ ಫೈಟರ್ಗಳನ್ನು ಉತ್ಪಾದಿಸಲಾಗುತ್ತಿದೆ ಎಂದು ಎಚ್ಎಎಲ್ ಹೇಳಿದೆ.
ಮಿರಾಜ್ ಯದ್ಧ ವಿಮಾನ ಪತನಕ್ಕೆ ಪೈಲೆಟ್ ಕಾರಣರಲ್ಲ
2014ರಲ್ಲಿ ತೇಜಸ್ ಉತ್ಪಾದನೆ ಆರಂಭಗೊಂಡಿದ್ದು, ಹಾಲಿ ವರ್ಷಕ್ಕೆ 8 ವಿಮಾನಗಳನ್ನು ಉತ್ಪಾದಿಸುವ ಸಾಮರ್ಥವನ್ನು ಎಚ್ಎಎಲ್ ಹೊಂದಿದೆ. ಬೆಂಗಳೂರು ಸಂಕೀರ್ಣದಲ್ಲೇ ಮತ್ತೊಂದು ಉತ್ಪಾದನಾ ಘಟಕವನ್ನು ಸ್ಥಾಪಿಸಲಾಗಿದ್ದು, ವಿಮಾನ ಬಿಡಿಭಾಗಗಳ ಜೋಡಣೆ, ಅಂತಿಮ ಜೋಡಣೆ ಕಾರ್ಯ ನಡೆಸಲಾಗುತ್ತದೆ.