ಬೆಂಗಳೂರಿನ ಗೃಹಿಣಿ ಹ್ಯಾಫೆಲೆ ಸೂಪರ್ ಮಾಮ್ ರನ್ನರ್ ಅಪ್
ಬೆಂಗಳೂರು, ನವೆಂಬರ್ 02: ಜಾಗತಿಕ ಮಟ್ಟದ ಇಂಟೀರಿಯರ್ ವಿನ್ಯಾಸ ಸಂಸ್ಥೆಯಾಗಿರುವ ಹ್ಯಾಫೆಲೆ ನಡೆಸಿದ ಸೂಪರ್ ಮಾಮ್ ಸ್ಪರ್ಧೆಯಲ್ಲಿ ಬೆಂಗಳೂರಿನ ದಿವ್ಯಾ ಜೈನ್ ಮತ್ತು ನೀನಾ ಜಾಕೊಬ್ ಅವರು ರನ್ನರ್ ಅಪ್ ಆಗಿದ್ದಾರೆ. ಇತ್ತೀಚೆಗೆ ಹ್ಯಾಫೆಲೆ ಡಿಸೈನ್ ಸೆಂಟರ್ ನಡೆದ ಈ ನಾಗೋಲ್ಡ್ ಸೂಪರ್ಮಾಮ್ ಸೂಪರ್ ರೆಸಿಪಿ ಸ್ಪರ್ಧೆಯ ಅಂತಿಮ ಸ್ಪರ್ಧೆಗೆ 8 ಮಂದಿ ಆಯ್ಕೆಯಾಗಿದ್ದರು.
ಕಣ್ಣಿಗೆ ಬಟ್ಟೆ ಕಟ್ಟಿಕೊಂಡು ಅಡುಗೆ ಮಾಡುವ ಸಂದೇಶ್ ಚಮತ್ಕಾರ
ದೇಶದ ವಿವಿಧ ನಗರಗಳಿಂದ ಆಗಮಿಸಿದ್ದ ಸ್ಪರ್ಧಿಗಳು ಅಡುಗೆಕೋಣೆಯಲ್ಲಿ ತಮ್ಮ ಕೌಶಲ್ಯ, ಸಮರ್ಥತೆ ಮತ್ತು ಆವಿಷ್ಕಾರಗಳನ್ನು ಪ್ರದರ್ಶನ ಮಾಡಿದರು. ಇದರಲ್ಲಿ ಅತ್ಯುತ್ತಮವಾಗಿ ಪ್ರದರ್ಶನ ನಡೆಸಿದವರನ್ನು ಪರಿಗಣಿಸಿ ಈ ಪ್ರತಿಷ್ಠಿತ ಪ್ರಶಸ್ತಿಗೆ ಆಯ್ಕೆ ಮಾಡಲಾಯಿತು.
ಈ ಸ್ಪರ್ಧೆಯಲ್ಲಿ ಪಾಲ್ಗೊಳ್ಳಲು 1000 ಕ್ಕೂ ಹೆಚ್ಚು ಅಮ್ಮಂದಿರು ಆನ್ಲೈನ್ನಲ್ಲಿ ಅರ್ಜಿ ಸಲ್ಲಿಸಿದ್ದರು. ಈ ಪೈಕಿ ಅತ್ಯುತ್ತಮ ಮತ್ತು ವಿನೂತನವಾದ ರೆಸೆಪಿಯನ್ನು ತಯಾರಿಸಲು ಬಯಸಿದ್ದ ಕೇವಲ 25 ಮಂದಿ ಆಯ್ಕೆಯಾಗಿದ್ದರು.
ಕತ್ರೀನಾಳಿಗೆ ಬೆಂಗಳೂರಿನ ದೋಸೆ, ಫಿಲ್ಟರ್ ಕಾಫಿ ಇಷ್ಟವಂತೆ!
ಇವರೆಲ್ಲರೂ ಹ್ಯಾಫೆಲೆಯ ಕಿಚನ್ನಲ್ಲಿ ತಮ್ಮ ವಿನೂತನವಾದ ರೆಸಿಪಿಯನ್ನು ತಯಾರಿಸಿದ್ದರು. ಈ 25 ಮಂದಿಯಲ್ಲಿ ಅತ್ಯುತ್ತಮವಾದ ರೆಸೆಪಿ ತಯಾರಿಸಿದ 8 ಮಂದಿಯನ್ನು ಅಂತಿಮ ಸುತ್ತಿಗೆ ಆಯ್ಕೆ ಮಾಡಲಾಯಿತು. ಈ ಎಂಟೂ ಮಂದಿ ಮುಂಬೈನಲ್ಲಿ ನಡೆದ ಫೈನಲ್ನಲ್ಲಿ ಸ್ಪರ್ಧಿಸಿದರು.
ರಾಜ್ಯೋತ್ಸವಕ್ಕೆ ಕನ್ನಡದ ಘಮಲಿನ ತಿಂಡಿಗಳ ಗಮ್ಮತ್ತು!
ದೇಶದ ಖ್ಯಾತ ಚೆಫ್, ನಟಿ, ಮಾಡೆಲ್, ವಿಜೆ, ಚೆಫ್ ಮತ್ತು ಸೂಪರ್ ಮಾಮ್ ಕಾರ್ಯಕ್ರಮದ ರೂವಾರಿ ಮಾರಿಯಾ ಗೊರೆಟ್ಟಿ ಅವರು ಈ ಹ್ಯಾಫೆಲೆ ಸೂಪರ್ಮಾಮ್ ಸ್ಪರ್ಧೆಯ ತೀರ್ಪುಗಾರರಾಗಿದ್ದರು. ನಾಸಿಕ್ನ ನಿಕಿತಾ ಬ್ರಹ್ಮೇಚಾ ಅವರು ಪ್ರಶಸ್ತಿ ಪಡೆದರೆ, ಬೆಂಗಳೂರಿನ ದಿವ್ಯಾ ಜೈನ್ ಮತ್ತು ನೀನಾ ಜಾಕೊಬ್ ಅವರು ಎರಡನೇ ಸ್ಥಾನ ಪಡೆದಿದ್ದಾರೆ.