ಶಿವಾನಂದ ವೃತ್ತ ಸ್ಟೀಲ್ ಬ್ರಿಡ್ಜ್ ಯೋಜನಾ ವೆಚ್ಚ ಮತ್ತಷ್ಟು ಏರಿಕೆ

ಬೆಂಗಳೂರು, ಏ.17: ಸಮ್ಮಿಶ್ರ ಸರ್ಕಾರದ ಕನಸಿನ ಕೂಸಾಗಿರುವ ಶಿವಾನಂದ್ ವೃತ್ತ ಸ್ಟೀಲ್ ಬ್ರಿಡ್ಜ್ ಯೋಜನಾ ಶುಲ್ಕ ದಿನದಿಂದ ದಿನಕ್ಕೆ ಹೆಚ್ಚಳವಾಗುತ್ತಿದೆ.

ಸಂಚಾರ ದಟ್ಟಣೆ ಕಡಿಮೆ ಮಾಡುವ ಉದ್ದೇಶದಿಂದ ಶಿವಾನಂದ ವೃತ್ತದಲ್ಲಿ ಸ್ಟೀಲ್ ಬ್ರಿಡ್ಜ್ ನಿರ್ಮಾಣ ಮಾಡಲಾಗುತ್ತಿದೆ.

ಯೋಜನಾ ವೆಚ್ಚವು 50 ಕೋಟಿಯಿಂದ 60 ಕೋಟಿಗೆ ಏರಿಕೆಯಾಗಿದೆ. ಅಷ್ಟೇ ಅಅಲ್ಲದೆ ಕಾಮಗಾರಿಯು 6-8 ತಿಂಗಳುಗಳ ಕಾಲ ತಡವಾಗಿ ಪೂರ್ಣಗೊಳ್ಳಲಿದೆ ಎನ್ನುವ ಮಾಹಿತಿ ಕೂಡ ಲಭ್ಯವಾಗಿದೆ.

ಹರೇಕೃಷ್ಣ ರಸ್ತೆಕಡೆಯಿಂದ ಶೇಚಾದ್ರಿಪುರ ರಸ್ತೆ ಕಡೆಗೆ 326.25 ಮೀಟರ್ ಉದ್ದದ ಉಕ್ಕಿನ ಮೇಲ್ಸೇತುವೆಯನ್ನು ನಿರ್ಮಿಸಲು ಉದ್ದೇಶಿಸಲಾಗಿತ್ತು.

ಇದೀಗ ಚಲನಚಿತ್ರ ವಾಣಿಜ್ಯ ಮಂಡಳಿಯವರೆಗೆ ಮೇಲು ರಸ್ತೆ ವಿಸ್ತರಿಸಲಾಗುತ್ತಿದೆ. ಆದ ಕಾರಣ, ಕಾಮಗಾರಿಯು ಮುಗಿಯುವುದೂ ವಿಳಂಬವಾಗಲಿದೆ. 326.55 ಮೀಟರ್ ಉದ್ದದ ಮೇಲುರಸ್ತೆಯನ್ನು 493 ಮೀ.ವರೆಗೆ ವಿಸ್ತರಿಸಲಾಗುತ್ತಿದೆ. ಹೀಗಾಗಿ 10 ಕೋಟಿ ರೂ ವೆಚ್ಚವಾಗಲಿದೆ.

ಬಿಬಿಎಂಪಿಯು 2017ರ ಜೂ.30ರಂದು ಇನ್‌ಫ್ರಾ ಸಪೋರ್ಟ್ ಎಂಜಿನಿಯರಿಂಗ್ ಕನ್ಸಲ್ಟೆಂಟ್ ಪ್ರೈವೇಟ್ ಲಿಮಿಟೆಡ್ ಗೆ ಉಕ್ಕಿನ ಮೇಲ್ಸೇತುವೆ ನಿರ್ಮಾಣದ ಕಾರ್ಯಾದೇಶ ನೀಡಿತ್ತು.

ಕಾಮಗಾರಿ ಪೂರ್ಣಗೊಳಿಸಲು 9 ತಿಂಗಳುಗಳ ಗಡುವನ್ನೂ ನೀಡಿತ್ತು. ಆಗ 19.85 ಕೋಟಿ ಇದ್ದ ಯೋಜನಾ ಶುಲ್ಕ ಈಗ 60 ಕೋಟಿಗೆ ತಲುಪಿದೆ.

ಕಳೆದ ಎರಡು ವರ್ಷಗಳಿಂದ ಕಾಮಗಾರಿ ಮಾತ್ರ ತೆವಳುತ್ತಾ ಸಾಗುತ್ತಿದೆ. ವಾಹನಗಳ ಓಡಾಟಕ್ಕೆ ಸರ್ವೀಸ್ ರಸ್ತೆಯೇ ಇಲ್ಲ, ಮೇಲು ರಸ್ತೆ ವಿಸ್ತರಣೆಗೆ ಅಧಿಕ ಹಣವನ್ನೂ ಏಕೆ ಖರ್ಚು ಮಾಡಲಾಗುತ್ತಿದೆಯೋ ಒಂದೂ ತಿಳಿದಿಲ್ಲ.

English summary

Inspite of slow woking state government increases shivananda circle flyover project funding. Government have decided to Increases Rs 50 crores to 60 crore rupees