ಜೂನ್ 18ಕ್ಕೆ ಬೆಂಗಳೂರಿನ ವಿಕ್ರಮ್ ಆಸ್ಪತ್ರೆಯಲ್ಲಿ ಉಚಿತ ಯೋಗ ಕ್ಯಾಂಪ್
ಬೆಂಗಳೂರು, ಜೂನ್ 15: ಅಂತರರಾಷ್ಟ್ರೀಯ ಯೋಗ ದಿನದ ಅಂಗವಾಗಿ ಇದೇ ಭಾನುವಾರ ಅಂದರೆ ಜೂನ್ ಹದಿನೆಂಟರಂದು ಬೆಂಗಳೂರಿನ ವಿಕ್ರಮ್ ಆಸ್ಪತ್ರೆ ವತಿಯಿಂದ ಉಚಿತ ಯೋಗ ಕ್ಯಾಂಪ್ ಆಯೋಜಿಸಲಾಗಿದೆ. 'ವಿಶ್ವಶಾಂತಿಗಾಗಿ ಧ್ಯಾನ' ಎಂಬುದು ಈ ಕ್ಯಾಂಪ್ ನ ಥೀಮ್. ಡಾ ಶಶಿಕಾಂತ್ ಅವರು ಆ ದಿನದ ಕಾರ್ಯಕ್ರಮದ ನೇತೃತ್ವ ವಹಿಸುತ್ತಾರೆ.
ದೇಶದಾದ್ಯಂತ ನೂರು ಯೋಗ ಪಾರ್ಕ್ ನಿರ್ಮಿಸಲು ಕೇಂದ್ರ ನಿರ್ಧಾರ
ಈ ಕ್ಯಾಂಪ್ ನ ನಂತರ ಲಘು ಉಪಾಹಾರ ವ್ಯವಸ್ಥೆ ಇರುತ್ತದೆ. ಭಾನುವಾರ ಬೆಳಗ್ಗೆ ಒಂಬತ್ತರಿಂದ ಹತ್ತು ಗಂಟೆವರೆಗೆ ಕ್ಯಾಂಪ್ ನಡೆಯಲಿದ್ದು, ಪ್ರವೇಶ ಉಚಿತವಾಗಿರುತ್ತದೆ. ನೋಂದಣಿ ಮತ್ತಿತರ ಮಾಹಿತಿಗಾಗಿ ಆಸ್ಪತ್ರೆಯ ಸಂಪರ್ಕ ಸಂಖ್ಯೆ 8884416662 ಕರೆ ಮಾಡಿ ವಿಚಾರಿಸಬಹುದು.
ಅಂದಹಾಗೆ ಈ ಯೋಗ ಕ್ಯಾಂಪ್ ಇರುವುದು ಬೆಂಗಳೂರಿನ ಮಿಲ್ಲರ್ಸ್ ರಸ್ತೆಯಲ್ಲಿರುವ ವಿಕ್ರಮ್ ಆಸ್ಪತ್ರೆಯಲ್ಲಿ. ಇನ್ನೇನು ಮೂರೇ ದಿನ ಸಮಯಾವಕಾಶ ಇರುವುದರಿಂದ ಆದಷ್ಟು ಬೇಗ ನೋಂದಣಿ ಮಾಡಿಕೊಳ್ಳಿ. ಜತೆಗೆ ಯೋಗಾಭ್ಯಾಸಕ್ಕೆ ಹೊಂದುವಂಥ ದಿರಿಸನ್ನು ತೆಗೆದುಕೊಂಡು ಹೋಗಿ. ಉಳಿದಂತೆ ಮ್ಯಾಟ್ ಮತ್ತಿತರ ವ್ಯವಸ್ಥೆಗಳನ್ನು ವಿಕ್ರಮ್ ಆಸ್ಪತ್ರೆಯಿಂದಲೇ ಮಾಡಲಾಗುತ್ತದೆ.