ಲತಾ & ಆಶಾ ಗೌರವಾರ್ಪಣೆಯಲ್ಲಿ ಸಂಗೀತ ರಸಸಂಜೆ
ಬೆಂಗಳೂರು ಮೇ 29: ದೇಶ ಕಂಡ ಅತ್ಯುತ್ಕೃಷ್ಠ ಗಾನ ಕೋಗಿಲೆಗಳಾದ ಲತಾ ಮಂಗೇಶ್ಕರ್ ಮತ್ತು ಆಶಾ ಭೋಸ್ಲೆ ಅವರಿಗೆ ಗೌರವಾರ್ಪಣೆ ಮಾಡುವ ಮತ್ತೊಂದು ಸುಂದರ ಸಂಜೆ ಬೆಂಗಳೂರಿಗೆ ಬರುತ್ತಿದೆ.
2018 ರ ಜೂನ್ನಲ್ಲಿ ಆಯೋಜಿಸಿದ್ದ ಏಕ್ ರಾಧಾ ಏಕ್ ಮೀರಾ-1 ಸಂಗೀತ ಸಂಜೆಯು ಅತ್ಯಂತ ಯಶಸ್ವಿಯಾದ ಹಿನ್ನೆಲೆಯಲ್ಲಿ ಸಾರ್ವಜನಿಕರು ಮತ್ತು ಲತಾ-ಆಶಾ ಅವರ ಅಭಿಮಾನಿಗಳ ಒತ್ತಾಯದ ಮೇರೆಗೆ ಇದೀಗ 2019 ರ ಜೂನ್ 1 ರಂದು ಬೆಂಗಳೂರಿನಲ್ಲಿ ಸಂಗೀತ ಸಂಜೆಯನ್ನು ಆಯೋಜಿಸಲಾಗುತ್ತಿದೆ.
ದಂಡಿಸುವ ಲಾಠಿಯಲ್ಲಿ ಸಪ್ತಸ್ವರ, ಕೊಳಲು ವಾದನಕ್ಕೆ ತಲೆದೂಗಿದ ಖಾಕಿ ಪಡೆ!
ಏಕ್ ರಾಧಾ ಏಕ್ ಮೀರಾ-2 ಎಂಬ ಈ ರಸಸಂಜೆಯಲ್ಲಿ ಲತಾ ಮಂಗೇಶ್ಕರ್ ಮತ್ತು ಆಶಾ ಭೋಸ್ಲೆ ಅವರು ಹಾಡಿರುವ ಅನೇಕ ಸೂಪರ್ಹಿಟ್ ಹಾಡುಗಳನ್ನು ಖ್ಯಾತ ಗಾಯಕಿಯರು ಹಾಡಿ ಪ್ರೇಕ್ಷಕರನ್ನು ರಂಜಿಸಲಿದ್ದಾರೆ.
ಲತಾ ಮತ್ತು ಆಶಾ ಅವರು ತಮ್ಮ ಇಡೀ ಜೀವನವನ್ನು ಸಂಗೀತಕ್ಕೆ ಮುಡಿಪಾಗಿಟ್ಟಿದ್ದು, ಇವರಿಬ್ಬರೂ ದೇಶದ ಹೆಮ್ಮೆ ಎನಿಸಿದ್ದಾರೆ. ಈ ಇಬ್ಬರು ಸಹೋದರಿಯರಿಗೆ ಗೌರವ ಸಲ್ಲಿಸುವ ನಿಟ್ಟಿನಲ್ಲಿ ಈ ಸಂಗೀತ ರಸಸಂಜೆಯನ್ನು ಏರ್ಪಡಿಸಲಾಗಿದೆ.
ಬೆಂಗಳೂರಿನ ಚೌಡಯ್ಯ ಸ್ಮಾರಕ ಭವನದಲ್ಲಿ ಜೂನ್ 1 ರ ಸಂಜೆ 6 ಗಂಟೆಯಿಂದ ನಡೆಯಲಿರುವ ಈ ಕಾರ್ಯಕ್ರಮದಲ್ಲಿ ಗಾಯಕರಾದ ಏಕ್ತಾ ಶಾಹ್, ಅನಿಕೇತ್ ಪ್ರಭು, ಶೃತಿ ಭಿಂಡೆ, ರಘುಪತಿ ಝಾ ಅವರು ಹಾಡಿ ರಂಜಿಸಲಿದ್ದಾರೆ.
ಸ್ಥಳ:
ಚೌಡಯ್ಯ
ಮೆಮೋರಿಯಲ್
ಹಾಲ್
2019
ರ
ಜೂನ್
1
ರಂದು
ಸಂಜೆ
6
ಗಂಟೆಯಿಂದ.