ಬೆಂಗಳೂರು: ಕಾರಿನಲ್ಲಿ ಉಸಿರುಗಟ್ಟಿ ಮೃತರಾದ ಜೋಡಿ
ಬೆಂಗಳೂರು, ಜೂನ್ 09: ಮನೆಯ ಗ್ಯಾರೇಜ್ ನಲ್ಲಿ ಪಾರ್ಕ್ ಮಾಡಲಾಗಿದ್ದ ಕಾರ್ ವೊಂದರಲ್ಲಿ ಜೋಡಿಯೊಂದು ಉಸಿರುಗಟ್ಟಿ ಸಾವನ್ನಪ್ಪಿದ ಘಟನೆ ಬೆಂಗಳೂರಿನ ನಾಗರಭಾವಿಯಲ್ಲಿ ನಡೆದಿದೆ.
29 ವರ್ಷದ ಉದ್ಯಮಿಯೊಬ್ಬ 28 ವರ್ಷದ ತನ್ನ ಪ್ರೇಯಸಿಯೊಂದಿಗೆ ಬುಧವಾರ ರಾತ್ರಿ ಮನೆಯ ಗ್ಯಾರೇಜ್ ನಲ್ಲಿದ್ದ ಟೊಯೋಟಾ ಇನ್ನೋವಾ ಕಾರಿನಲ್ಲಿ ಕುಳಿತಿದ್ದರು. ಈ ಸಂದರ್ಭದಲ್ಲಿ ಕಾರಿನ ಇಂಜಿನ್ ಸ್ಟಾರ್ಟ್ ಮಾಡಿ, ಎಸಿ ಆನ್ ಮಾಡಲಾಗಿತ್ತು. ನಂತರ ಆಕ್ಸಿಜನ್ ಕೊರತೆ ಉಂತಾಗಿದ್ದಲ್ಲದೆ, ಈ ಜೋಡಿ ಕಾರ್ಬನ್ ಮೋನಾಕ್ಸೈಡ್ ಅನ್ನು ಸೇವಿಸಿದ್ದರಿಂದ ಮೃತರಾಗಿದ್ದಾರೆ ಎಂದು ಪೊಲೀಸರು ಅಂದಾಜಿಸಿದ್ದಾರೆ.
ಅಪಾರ್ಟ್ ಮೆಂಟ್ ನೆಲಮಹಡಿಯಲ್ಲಿ ಕಾರಿಗೆ ಬೆಂಕಿ: ತಾಯಿ ಮಗ ಸಜೀವ ದಹನ
ಖಾಸಗೀತನಕ್ಕೆ ಧಕ್ಕೆಯಾಗಬಾರದಾದ್ದರಿಂದ ಮೃತ ಜೋಡಿಯ ಕುರಿತು ಮಾಹಿತಿ ನೀಡಲು ಕುಟುಂಬಸ್ಥರು ಮತ್ತು ಪೊಲೀಸರು ನಿರಾಕರಿಸಿದ್ದಾರೆ.
ಇಬ್ಬರು ಜೋಡಿಯ ನಡುವಲ್ಲಿ ಸಂಬಂಧ ಇತ್ತು ಎಂಬ ಶಂಕೆ ವ್ಯಕ್ತವಾಗಿದ್ದು, ರಾತ್ರಿ ಇಬ್ಬರೂ ಕಾರಿನಲ್ಲೇ ನಿದ್ರಿಸಿದ್ದಿರಬಹುದು. ಈ ಸಂದರ್ಭದಲ್ಲಿ ಇಂಜಿನ್ ಆನ್ ಇದ್ದರಿಂದ ಮತ್ತು ಕಾರ್ಬನ್ ಮೋನಾಕ್ಸೈಡ್ ಸೋರಿಕೆಯಾಗುತ್ತಿದ್ದರಿಂದ ನಿದ್ದೆಯಲ್ಲೇ ಇಬ್ಬರೂ ಉಸಿರುಗಟ್ಟಿ ಸಾವನ್ನಪ್ಪಿದ್ದಾರೆ ಎಂದು ಅಂದಾಜಿಸಲಾಗಿದೆ.