• search
  • Live TV
ಬೆಂಗಳೂರು ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಬೆಂಗಳೂರು -ಚೆನ್ನೈ ಹೈಸ್ಪೀಡ್ ರೈಲು ಯೋಜನೆಗೆ ಚೀನಾ ಅಡ್ಡಗಾಲು

By ವಿಕಾಸ್ ನಂಜಪ್ಪ
|

ಬೆಂಗಳೂರು, ಅಕ್ಟೋಬರ್ 16: ದಕ್ಷಿಣ ಭಾರತದ ಪ್ರಮುಖ ನಗರಗಳಾದ ಚೆನ್ನೈ-ಬೆಂಗಳೂರು-ಮೈಸೂರು ನಡುವೆ ತ್ವರಿತಗತಿಯಲ್ಲಿ ಸಂಪರ್ಕ ಸಾಧಿಸುವ ಭಾರತದ ಯೋಜನೆಗೆ ಚೀನಾ ಅಡ್ಡಗಾಲು ಹಾಕಿದೆ.

ಬೆಂಗಳೂರು-ಮೈಸೂರು ಬುಲೆಟ್ ರೈಲು ಭಾಗ್ಯ ಅಸಾಧ್ಯ

ಡೋಕ್ಲಂ ಗಡಿ ಬಿಕ್ಕಟ್ಟಿನ ವಿಚಾರದಲ್ಲಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಚೀನಾಕ್ಕೆ ಮುಖಭಂಗವಾಗಿದೆ. ಈ ಹಿನ್ನಲೆಯಲ್ಲಿ ಚೀನಾದ ಸರ್ಕಾರಿ ಸ್ವಾಮ್ಯದ China Railway Eryuan Engineering Group Co Ltd (ಸಿಆರ್​ಇಇಸಿ) ಕಂಪನಿ, ಹೈಸ್ಪೀಡ್ ರೈಲು ಯೋಜನೆ ಕೈಗೆತ್ತಿಕೊಳ್ಳಲು ಹಿಂದೇಟು ಹಾಕಿರುವ ಸುದ್ದಿ ಬಂದಿದೆ.

ಚೀನಾ, ಜರ್ಮನಿ, ಜಪಾನ್ ಸೇರಿ ಹಲವು ರಾಷ್ಟ್ರಗಳ ಕಂಪನಿಗಳು ಹೈಸ್ಪೀಡ್ ರೈಲು ಯೋಜನೆ ಬಗ್ಗೆ ಆಸಕ್ತಿ ತೋರಿ ಎರಡು ವರ್ಷಗಳು ಕಳೆದಿವೆ. ಅಹಮದಾಬಾದ್- ಮುಂಬೈ ಹೈಸ್ಪೀಡ್ ರೈಲು ಯೋಜನೆ, ಬುಲೆಟ್ ರೈಲು ಕೂಡಾ ಜಪಾನ್ ಕಂಪನಿ ಪಾಲಾಗಿದೆ.

ಆದರೆ, 2016ರಲ್ಲಿ ಅಧ್ಯಯನ ವರದಿ ಸಲ್ಲಿಸಿದ ಚೀನಾ ಕಂಪನಿಯು 510 ಕಿ.ಮೀ. ಉದ್ದದ ಕಾರಿಡಾರ್ ಯೋಜನೆ ಸಿದ್ಧಪಡಿಸಿತ್ತು. ಈ ಯೋಜನೆ ಸಾಕಾರಗೊಂಡರೆ, ಸುಮಾರು 150 ಕಿ.ಮೀ. (ಉದಾ: ಮೈಸೂರು- ಬೆಂಗಳೂರು) ದೂರವನ್ನು ಅಂದಾಜು 30 ನಿಮಿಷಗಳಲ್ಲಿ ಕ್ರಮಿಸಬಹುದು ಎಂದು ವರದಿಯನ್ನು ಭಾರತೀಯ ರೈಲ್ವೆಗೆ ನೀಡಲಾಗಿತ್ತು.

ಇದೇ ರೀತಿ ಸುಮಾರು 360 ಕಿ.ಮೀ.(ಬೆಂಗಳೂರು- ಚೆನ್ನೈ) ಪಯಣಕ್ಕೆ 60 ನಿಮಿಷ ಸಾಕು ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ. ಬೆಂಗಳೂರು-ಚೆನ್ನೈ-ಮೈಸೂರು ಕಾರಿಡಾರ್ ಅಲ್ಲದೆ ಇನ್ನೂ 9 ಹೈಸ್ಪೀಡ್ ರೈಲು ಯೋಜನೆಗೆ ಸಚಿವಾಲಯ ಸಿದ್ಧತೆ ನಡೆಸಿದೆ. ಹಾಲಿ 80 ಕಿ.ಮೀ ಪ್ರತಿ ಗಂಟೆ ವೇಗದಲ್ಲಿ ಚಲಿಸುವ ರೈಲುಗಳು 160 ಕಿ.ಮೀ ಪ್ರತಿ ಗಂಟೆ ವೇಗಕ್ಕೆ ಬದಲಾಗಲಿವೆ.

English summary
Did the Doklam standoff lead to the delay in the implementation of the high speed train project in south India? An internal brief of the Mobility Directorate on the status of nine high-speed projects of the railways shows that the Chennai-Bangalore-Mysore corridor.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X