ದೀಪಾವಳಿ; ಬೆಂಗಳೂರು ನಗರದಲ್ಲಿ ವಾಯು ಮಾಲಿನ್ಯ ಕಡಿಮೆ
ಬೆಂಗಳೂರು, ನವೆಂಬರ್ 18 : ದೀಪಾವಳಿಯ ಮೂರು ದಿನಗಳಲ್ಲಿ ಬೆಂಗಳೂರು ನಗರದಲ್ಲಿ ವಾಯು ಮಾಲಿನ್ಯದ ಪ್ರಮಾಣ ಗಣನೀಯವಾಗಿ ಕಡಿಮೆಯಾಗಿದೆ. 2019ಕ್ಕೆ ಹೋಲಿಕೆ ಮಾಡಿದರೆ ಶೇ 30.34ರಷ್ಟು ಮಾಲಿನ್ಯ ಪ್ರಮಾಣ ತಗ್ಗಿದೆ.
ಕರ್ನಾಟಕ ಮಾಲಿನ್ಯ ನಿಯಂತ್ರಣ ಮಂಡಳಿ ಈ ಕುರಿತ ಅಂಕಿ ಅಂಶಗಳನ್ನು ನೀಡಿದೆ. ನವೆಂಬರ್ 14 ರಿಂದ 16ರ ತನಕ ನಗರದಲ್ಲಿ ಎಕ್ಯುಐ (ವಾಯು ಗುಣಮಟ್ಟ ಸೂಚ್ಯಾಂಕ)ವನ್ನು ಮಾಲಿನ್ಯ ನಿಯಂತ್ರಣ ಮಂಡಳಿ ಅಧ್ಯಯನ ನಡೆಸಿದೆ.
ಬೆಂಗಳೂರಿನಲ್ಲಿ ದೀಪಾವಳಿ ಪಟಾಕಿ ಮಾಲಿನ್ಯ ಶೇ.46.7ರಷ್ಟು ಕಡಿಮೆ
ನಗರದಲ್ಲಿನ 7 ಅಧ್ಯಯನ ಕೇಂದ್ರದಲ್ಲಿ ವಾಯು ಮಾಲಿನ್ಯದ ಪ್ರಮಾಣವನ್ನು ಅಂದಾಜಿಸಲಾಗಿದೆ. ನಗರ ರೈಲು ನಿಲ್ದಾಣದಲ್ಲಿ ನವೆಂಬರ್ 9ರಂದು 82ರಷ್ಟು, ನ.14ರಿಂದ 16ರ ತನಕ ಶೇ 77ರಷ್ಟು ಮಾಲಿನ್ಯ ಪ್ರಮಾಣ ದಾಖಲಾಗಿದೆ. 2019ರ ದೀಪಾವಳಿ ಸಂದರ್ಭದಲ್ಲಿ 111 ರಷ್ಟು ಮಾಲಿನ್ಯ ದಾಖಲಾಗಿತ್ತು.
ಮಾಲಿನ್ಯ ತಗ್ಗಿಸಲು ಕ್ರಮ: ನಗರದಲ್ಲಿ ಹೊಸ ಕೈಗಾರಿಕೆಗಳಿಗೆ ಅನುಮತಿಯಿಲ್ಲ
ಎಸ್. ಜಿ. ಹಳ್ಳಿಯಲ್ಲಿ 2019ರಲ್ಲಿ ಶೇ 85ರಷ್ಟು, ಈ ವರ್ಷ ಶೇ 39ರಷ್ಟು ಮಾಲಿನ್ಯ ಪ್ರಮಾಣ ದಾಖಲಾಗಿದೆ. ಜಯನಗರ 5ನೇ ಬ್ಲಾಕ್ನಲ್ಲಿ 2019ರಲ್ಲಿ 90, 2020ರಲ್ಲಿ 64ರಷ್ಟು ಮಾಲಿನ್ಯ ದಾಖಲಾಗಿದೆ.
ಬೆಂಗಳೂರು: ದಾಖಲೆ ಮಟ್ಟಕ್ಕೆ ಕುಸಿತಕಂಡ ವಾಯು ಮಾಲಿನ್ಯ
ನಿಮ್ಹಾನ್ಸ್ನಲ್ಲಿ ಕಳೆದ ವರ್ಷ 69ರಷ್ಟು, ಈ ವರ್ಷ 61ರಷ್ಟು ಪ್ರಮಾಣ, ಸೆಂಟ್ರಲ್ ಸಿಲ್ಕ್ ಬೋರ್ಡ್ನಲ್ಲಿ 2019ರಲ್ಲಿ 67ರಷ್ಟು, ಈ ವರ್ಷ ಶೇ 43ರಷ್ಟು ಮಾಲಿನ್ಯ ಪ್ರಮಾಣ ದಾಖಲಾಗಿದೆ ಎಂದು ಮಂಡಳಿ ಹೇಳಿದೆ.