Click it and Unblock the Notifications
Just In
-
-
-
Don't Miss
-
Infinix: ಭಾರತದಲ್ಲಿಂದು ಇನ್ಫಿನಿಕ್ಸ್ ನೋಟ್ 40 ಪ್ರೊ 5G ಮೊದಲ ಸೇಲ್: ಬೆಲೆ, ಫೀಚರ್ಸ್ ಪರಿಶೀಲಿಸಿ -
"ದಪ್ಪ ಇದ್ದೀಯಾ ಅಂದ್ರೆ ದಿನ ಯಾರೊಂದಿಗೋ ಇದ್ದೀಯಾ ಅನ್ನೂ ಕೆಟ್ಟ ಮನ:ಸ್ಥಿತಿಯಿದೆ"; ನಟಿ ನೀತು -
ಎಳ ನೀರು ಹಾಕಿ ಮಾಡುವ 2 ದೋಸೆ ರೆಸಿಪಿ: ರುಚಿ ಸೂಪರ್, ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು -
GT vs DC: ಡೆಲ್ಲಿ ವಿರುದ್ಧದ ಹೀನಾಯ ಸೋಲಿಗೆ ಇವರೇ ಕಾರಣ; ಶುಭ್ಮನ್ ಗಿಲ್ ಗರಂ -
Kia: ಬಹುನಿರೀಕ್ಷಿತ ಕಿಯಾ ಕ್ಲಾವಿಸ್ ಮೈಕ್ರೋ ಎಸ್ಯುವಿ ಶೀಘ್ರದಲ್ಲೇ ಬಿಡಗಡೆ -
Bullet train: ಮೇಡ್ ಇನ್ ಇಂಡಿಯಾ ಬುಲೆಟ್ ಟ್ರೈನ್ಗೆ ಶೀಘ್ರ ಚಾಲನೆ, ಗಂಟೆಗೆ 250 ವೇಗ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
US ನಿಂದ ಬಂದಿದ್ದ ಟೆಕ್ಕಿ ಬೆಂಗಳೂರಲ್ಲಿ ಎಲ್ಲೆಲ್ಲಿ ಓಡಾಡಿದ್ದ? ಕೊರೊನಾ ಗಂಡಾಂತರ ಯಾರ್ಯಾರಿಗೆ ಕಾದಿದೆ?
ಬೆಂಗಳೂರು, ಮಾರ್ಚ್ 17: ಇಡೀ ವಿಶ್ವದಲ್ಲಿ ತಲ್ಲಣ ಸೃಷ್ಟಿಸಿರುವ ಮಾರಣಾಂತಿಕ ಕೊರೊನಾ ವೈರಸ್ ಕನ್ನಡಿಗರ ನೆಮ್ಮದಿಯನ್ನೂ ಹಾಳು ಮಾಡಿದೆ. ಕರ್ನಾಟಕದಲ್ಲಿ ಇಲ್ಲಿಯವರೆಗೂ ಒಟ್ಟು 10 ಮಂದಿಗೆ ಕೊರೊನಾ ವೈರಸ್ ಸೋಂಕು ತಗುಲಿರುವುದು ದೃಢಪಟ್ಟಿದೆ.
Recommended Video
ಆ 10 ಮಂದಿಯ ಪೈಕಿ ಪೇಷೆಂಟ್ ನಂಬರ್ 8 - 32 ವರ್ಷ ವಯಸ್ಸಿನ ಬೆಂಗಳೂರಿನ ಟೆಕ್ಕಿ (ಪುರುಷ). ಯು.ಎಸ್ ನಿಂದ ಲಂಡನ್ ಮಾರ್ಗವಾಗಿ ಮಾರ್ಚ್ 8 ರಂದು ಬೆಂಗಳೂರಿಗೆ ಬಂದ ಈ ಟೆಕ್ಕಿಗೆ ಕೊರೊನಾ ವೈರಸ್ ಸೋಂಕು ತಗುಲಿರುವುದು ನಿನ್ನೆ (ಮಾರ್ಚ್ 16) ಪತ್ತೆಯಾಗಿದೆ.
ಹಾಗಾದ್ರೆ, ಮಾರ್ಚ್ 8 ರಿಂದ ಮಾರ್ಚ್ 15 ರವರೆಗೆ ಬೆಂಗಳೂರಿನಲ್ಲೇ ಇದ್ದ ಟೆಕ್ಕಿ ಎಲ್ಲೆಲ್ಲಿ ಓಡಾಡಿದ್ದ ಗೊತ್ತಾ.? ಈ ಟೆಕ್ಕಿಯಿಂದಾಗಿ ಯಾರಿಗೆಲ್ಲಾ ಕೊರೊನಾ ಕಂಟಕ ಕಾದಿದೆಯೋ ಗೊತ್ತಿಲ್ಲ. ಆದ್ರೆ, ಸದ್ಯದ ಮಟ್ಟಿಗೆ ಈ ಟೆಕ್ಕಿಯ ಟ್ರಾವೆಲ್ ಹಿಸ್ಟರಿಯನ್ನ ಆರೋಗ್ಯ ಇಲಾಖೆ ಬಹಿರಂಗಪಡಿಸಿದೆ.
ಕೊರೊನಾ ಪೀಡಿತನ ಟ್ರಾವೆಲ್ ಹಿಸ್ಟರಿ
* ಮಾರ್ಚ್ 6, 2020 ರಂದು ಅಮೇರಿಕನ್ ಏರ್ ವೇಸ್ ನಲ್ಲಿ ಸ್ಯಾನ್ ಆಂಟೋನಿಯೋದಿಂದ ಡಲ್ಲಾಸ್ ಗೆ 32 ವರ್ಷ ವಯಸ್ಸಿನ ಬೆಂಗಳೂರಿನ ಟೆಕ್ಕಿ ಪ್ರಯಾಣ.
* ಮಾರ್ಚ್ 7, 2020 ರಂದು ಅಮೇರಿಕನ್ ಏರ್ ವೇಸ್ ನಲ್ಲಿ ಡಲ್ಲಾಸ್ ನಿಂದ ಲಂಡನ್ ನ ಹೀಥ್ರೂ ವಿಮಾನ ನಿಲ್ದಾಣಕ್ಕೆ ಪ್ರಯಾಣ.
* ಮಾರ್ಚ್ 8, 2020 ರಂದು ಬ್ರಿಟಿಷ್ ಏರ್ ವೇಸ್ ನಲ್ಲಿ ಬೆಂಗಳೂರಿಗೆ ಟೆಕ್ಕಿ ಬಂದಿಳಿದ.
* ಬಳಿಕ ಮನೆ ಮತ್ತು ಟೆನ್ನಿಸ್ ಕೋರ್ಟ್ ಗೆ ಬೆಂಗಳೂರಿನ ಟೆಕ್ಕಿ ವಿಸಿಟ್ ಹಾಕಿದ್ದ.
* ಮಾರ್ಚ್ 9, 10 ಮತ್ತು 11 ರಂದು ಟೆನ್ನಿಸ್ ಕೋರ್ಟ್ ನಲ್ಲಿ ಹಲವರ ಜೊತೆಗೆ ಟೆಕ್ಕಿ ಟೆನ್ನಿಸ್ ಆಟವಾಡಿದ್ದಾನೆ.
ಕೊರೊನಾ ಸೋಂಕಿನ ಲಕ್ಷಣ
ಮಾರ್ಚ್ 10, 2020 ರಂದು ಇಬ್ಬರು ಸ್ನೇಹಿತರನ್ನು ಬೆಂಗಳೂರು ಟೆಕ್ಕಿ ಭೇಟಿ ಮಾಡಿದ್ದಾನೆ. ಬಳಿಕ ಪತ್ನಿ ಜೊತೆಗೆ ಮಡಿವಾಳದ ಸಂಧ್ಯಾ ಥಿಯೇಟರ್ ನಲ್ಲಿ ರಾತ್ರಿ ಸಿನಿಮಾ ವೀಕ್ಷಿಸಿದ್ದಾನೆ. ಬಳಿಕ ಮಾರ್ಚ್ 11 ರಂದು ಆತನಿಗೆ ಶೀತ ಕಾಣಿಸಿಕೊಂಡಿದೆ. ಗೃಹಬಂಧನದಲ್ಲಿರುವಂತೆ ಆತನಿಗೆ ಸೂಚಿಸಲಾಗಿತ್ತು.
ಚಿಕಿತ್ಸೆ ಆರಂಭ
ಮಾರ್ಚ್ 12 ಮತ್ತು 13 ರಂದು ರಾಜೀವ್ ಗಾಂಧಿ ಆಸ್ಪತ್ರೆಗೆ ಭೇಟಿ ನೀಡಿ ತಪಾಸಣೆ ಮಾಡಿಸಿಕೊಳ್ಳುವಂತೆ ಆತನಿಗೆ ವೈದ್ಯಕೀಯ ತಂಡ ಸೂಚನೆ ನೀಡಿತ್ತು. ಆದ್ರೆ, ಅದನ್ನ ಧಿಕ್ಕರಿಸಿದ ಟೆಕ್ಕಿ ಮನೆಯಲ್ಲೇ ಉಳಿದುಕೊಂಡಿದ್ದಾನೆ. ಮಾರ್ಚ್ 14 ರಂದು ಮಧ್ಯಾಹ್ನ 2.30 ರ ಸುಮಾರಿಗೆ ಪತ್ನಿ ಜೊತೆಗೆ ರಾಜೀವ್ ಗಾಂಧಿ ಆಸ್ಪತ್ರೆಗೆ ಟೆಕ್ಕಿ ಭೇಟಿ ನೀಡಿದ್ದಾನೆ. ಮಾರ್ಚ್ 15 ರಂದು ಟೆಕ್ಕಿಯನ್ನ ಪ್ರತ್ಯೇಕವಾಗಿ ಇರಿಸಿ, ಚಿಕಿತ್ಸೆ ನೀಡಲು ಆರಂಭಿಸಲಾಗಿದೆ.
ಯಾರ್ಯಾರಿಗೆ ಕಾದಿದೆ ಗಂಡಾಂತರ?
ಟೆಕ್ಕಿ ಜೊತೆಗೆ ವಿಮಾನದಲ್ಲಿ ಪ್ರಯಾಣ ಮಾಡಿದ್ದವರು, ಟೆಕ್ಕಿಯ ಪತ್ನಿ ಮತ್ತು ಮನೆಗೆಲಸದಾಕೆ, ಸ್ನೇಹಿತರು ಮತ್ತು ಟೆನ್ನಿಸ್ ಕೋರ್ಟ್ ನಲ್ಲಿ ಆಡಿದವರ ಮೇಲೆ ಸದ್ಯ ಆರೋಗ್ಯ ಇಲಾಖೆ ಕಣ್ಣಿಟ್ಟಿದೆ. ಟೆಕ್ಕಿಯ ಸಂಪರ್ಕಕ್ಕೆ ಬಂದ ಎಲ್ಲರನ್ನೂ ವೈದ್ಯಕೀಯ ತಪಾಸಣೆಗೆ ಒಳಪಡಿಸುವ ಕಾರ್ಯ ಚಾಲ್ತಿಯಲ್ಲಿದೆ.
