ಬೆಂಗಳೂರು: ಕೊರೊನಾದಿಂದಾಗಿ ವಿಮಾನಯಾನ ಶೇ.66ರಷ್ಟು ಕುಸಿತ

ಬೆಂಗಳೂರು, ಜೂನ್ 26: ಕೊರೊನಾ ಸೋಂಕಿನಿಂದಾಗಿ ಕಳೆದ ಒಂದು ವರ್ಷದಿಂದ ದೇಶದಲ್ಲಿ ನಾಗರಿಕ ವಿಮಾನಯಾನ ಸೇವೆ ಸಮರ್ಪಕವಾಗಿ ನಡೆಯದ ಪರಿಣಾಮ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ವಿಮಾನಗಳ ಹಾರಾಟ 2020-2021ನೇ ಸಾಲಿನಲ್ಲಿ ಶೇ.66ರಷ್ಟು ಕಡಿಮೆಯಾಗಿದೆ.

ಪ್ರಯಾಣಿಕರು ಮತ್ತು ಪ್ರಯಾಣಿಕ ವಿಮಾನಗಳ ಸಂಚಾರ ಭಾರಿ ಇಳಿಕೆಯಾಗಿದೆ. ಆದರೆ, ಕೆಐಎ ಮೂಲಸರಕು ಸಾಗಣೆ ಮಾಡಿರುವ ಪ್ರಮಾಣದಲ್ಲಿ ಅಷ್ಟಾಗಿ ಕಡಿಮೆಯಾಗಿಲ್ಲ.

2019-20ರಲ್ಲಿ 3,74,181 ಟನ್ ಸರಕು ಸಾಗಿಸಲಾಗಿತ್ತು. ಆದರೆ, 2020-2021ರಲ್ಲಿ 3,26,643 ಟನ್ ಸರಕು ಸಾಗಣೆ ಮಾಡಲಾಗಿದೆ. ಜತೆಗೆ ಮಾರ್ಚ್ ತಿಂಗಳಲ್ಲಿ 34,401 ಟನ್ ಸರಕು ಸಾಗಿಸಲಾಗಿದ್ದು, ಹಿಂದಿನ 31 ತಿಂಗಳುಗಳಲ್ಲಿ ಅತಿ ಹೆಚ್ಚು ಸರಕು ಸಾಗಿಸಿದಂತಾಗಿದೆ.

ಕೆಐಎನಲ್ಲಿ ಕೊರೊನಾ ಸೋಂಕಿನ ಭೀತಿ ನಡುವೆಯೂ ವಿಮಾನಯಾನ ಸೇವೆ ಮುಂದುವರೆಸಲಾಗಿದೆ. ಈ ಸಂದರ್ಭದಲ್ಲಿ ಪ್ರಯಾಣಿಕರ ಸುರಕ್ಷತೆಗಾಗಿ ಹಲವು ಕ್ರಮಗಳನ್ನು ಕೈಗೊಳ್ಳಲಾಗಿದೆ.

ಕೊರೊನಾದಿಂದಾಗಿ ಪ್ರಯಾಣಿಕರ ಕೊರತೆ ಉಂಟಾಗಿರುವ ಕಾರಣ ವಿಮಾನಗಳ ಹಾರಾಟದಲ್ಲೂ ಇಳಿಕೆಯಾಗಿದೆ. ಅದರಂತೆ 2019-2020ರಲ್ಲಿ ಏರ್ ಟ್ರಾಫಿಕ್ ಮೂವ್‌ಮೆಂಟ್ 2,31, 051 ಇತ್ತು. 2020-2021ರಲ್ಲಿ 1,13,993ನ್ನು ತಲುಪಿದೆ.

ಅದರಲ್ಲಿ ಸ್ವದೇಶಿ ಮಾರ್ಗಗಳಲ್ಲಿ 1,02,801 ಹಾಗೂ ಅಂತಾರಾಷ್ಟ್ರೀಯ ಮಾರ್ಗಗಳಲ್ಲಿ 11,192 ವಿಮಾನಗಳು ಸಂಚಾರ ಮಾಡಿವೆ. ಇನ್ನು ಕೆಐಎ 2019-20ರಲ್ಲಿ 32.3 ದಶಲಕ್ಷ ಜನರು ಪ್ರಯಾಣಿಕರ ನಿರ್ವಹಣೆ ಮಾಡಲಾಗಿತ್ತು.

ಅದರಂತೆ ದಾಖಲೆ ಪರಿಶೀಲನೆಗೆ ಸ್ಪರ್ಶರಹಿತ ವ್ಯವಸ್ಥೆ, ಕಾಗದ ರಹಿತ ಪ್ರಯಾಣಕ್ಕಾಗಿ ಡಿಜಿ ಯಾತ್ರಾ ಫೇಷಿಯಲ್ ಬಯೋಮೆಟ್ರಿಕ್ ತಂತ್ರಜ್ಞಾನ ಅಳವಡಿಸಲಾಗಿದೆ.

English summary

The passenger traffic at Kempegowda International Airport here (KIAB/BLR Airport) nosedived 66 per cent in the financial year 2020-21, with the Covid-19 pandemic dealing a major blow.