ನೈಋತ್ಯ ರೈಲ್ವೆ:ಕಂಟೋನ್ಮೆಂಟ್-ವೈಟ್ಫೀಲ್ಡ್ ಹಳಿ ನಿರ್ಮಾಣಕ್ಕೆ ಟೆಂಡರ್
ಬೆಂಗಳೂರು, ಏಪ್ರಿಲ್ 23: ಉಪನಗರ ರೈಲು ಯೋಜನೆಯ ಭಾಗವಾಗಿರುವ ಕಂಟೋನ್ಮೆಂಟ್-ವೈಟ್ ಫೀಲ್ಡ್ ನಡುವೆ ಹೊಸ ಜೋಡಿ ಹಳಿ ನಿರ್ಮಾಣಕ್ಕೆ ಸಿದ್ಧತೆ ಈಗಾಗಲೇ ಆರಂಭವಾಗಿದೆ.
64 ಕೋಟಿ ರೂ. ವೆಚ್ಚದ ಮೊದಲ ಹಂತದ ಕಾಮಗಾರಿಗೆ ನೈಋತ್ಯ ರೈಲ್ವೆ ಟೆಂಡರ್ ಆಹ್ವಾನಿಸಿದೆ. ಮೊದಲ ಹಂತದಲ್ಲಿ 25ಕಿ.ಮೀ ಉದ್ದ 2 ಹೊಸ ಹಳಿ ಅಳವಡಿಕೆಗೆ ಭೂಮಿ ಸಮತಟ್ಟು ಮಾಡುವುದು, ಸಣ್ಣ ಸೇತುವೆ, ತಡೆಗೋಡೆ ನಿರ್ಮಾಣ ಸೇರಿ ಸಣ್ಣ ಪುಟ್ಟ ಕಾಮಗಾರಿ ನಡೆಯಲಿದೆ.
ಉಪನಗರ ರೈಲು: ಎಲಿವೇಟೆಡ್ ಮಾರ್ಗಕ್ಕೆ ಹಲವು ಅಡ್ಡಿ
ಒಟ್ಟಾರೆ 492.8 ಕೋಟಿ ರೂ. ವೆಚ್ಚದಲ್ಲಿ ಈಗಿರುವ 2 ಹಳಿಯ ಆಚೀಚೆ ಮತ್ತೆರೆಡು ಹಳಿ ನಿರ್ಮಾಣವಾಗಲಿದೆ. 3 ವರ್ಷದಲ್ಲಿ ಪೂರ್ಣ, 1997-98ರಲ್ಲಿ ಬೆಂಗಳೂರು ನಗರದಿಂದ ಕಂಟೋನ್ಮೆಂಟ್ ಮೂಲಕ ವೈಟ್ಫೀಲ್ಡ್ ವರೆಗೆ ಹೊಸ ಜೋಡಿಹಳಿ ಲಭ್ಯವಾಗಲು ಎರಡು ದಶಕಗಳೇ ಕಾಯಬೇಕಾಯಿತು.
2021ರೊಳಗೆ ಹೊಸ ಜೋಡಿ ಹಳಿ ಕಾಮಗಾರಿ ಪೂರ್ಣಗೊಳಿಸಲು ನೈಋತ್ಯ ರೈಲ್ವೆ ಗಡುವು ಹಾಕಿಕೊಂಡಿದೆ. ಇದರಿಂದ ನಿತ್ಯ 62 ಸಾವಿರ ಪ್ರಯಾಣಿಕರಿಗೆ ಉಪಯೋಗವಾಗಲಿದೆ.
ನಿಲ್ದಾಣವೂ ಅಭಿವೃದ್ಧಿ: ಹೊಸ ಜೋಡಿಹಳಿಗೆ ಪೂರಕವಾಗಿ ಈ ಮಾರ್ಗದಲ್ಲಿ ಕಂಟೋನ್ಮೆಂಟ್, ಬೆಂಗಳೂರು ಈಸ್ಟ್, ಬೈಯಪ್ಪನಹಳ್ಳಿ, ಕೆ.ಆರ್. ಪುರ, ಹೂಡಿ ಮತ್ತು ವೈಟ್ ಫೀಲ್ಡ್ ರೈಲು ನಿಲ್ದಾಣ ಅಭಿವೃದ್ಧಿಯೂ ಆಗಲಿದೆ. ಕಂಟೋನ್ಮೆಂಟ್-ವೈಟ್ ಫೀಲ್ಡ್ ನಡುವೆ ಆಟೋಮ್ಯಾಟಿಕ್ ಸಿಗ್ನಲಿಂಗ್ ವ್ಯವಸ್ಥೆ ಹೆಚ್ಚಿನ ರೈಲು ಓಡಾಟಕ್ಕೆ ಸಹಾಯವಾಗಲಿದೆ.