• search
  • Live TV
ಬೆಂಗಳೂರು ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ರಾಜಿ ಕಬೂಲ್: ಜಮೀರ್ ಬೇಡಿಕೆಗೆ ದೇವೇಗೌಡ ತಥಾಸ್ತು

By Srinath
|

ಬೆಂಗಳೂರು, ಫೆ.24: ಮನೆ ಮಗನಂತಿರುವ ಆದರೆ ಸದಾ ಮನೆ ಬಿಟ್ಟು ಹೋಗುವ ಮಾತನ್ನಾಡುವ ಚಾಮರಾಜಪೇಟೆಯ ಶಾಸಕ ಜಮೀರ್‌ ಅಹಮದ್‌ ಅವರನ್ನು ಜೆಡಿಎಸ್‌ ವರಿಷ್ಠ ನಾಯಕ ಎಚ್ಡಿ ದೇವೇಗೌಡರು ಕೊನೆಗೂ ಸಮಾಧಾನಪಡಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಆಗಾಗ್ಗೆ ಕೈಯಲ್ಲಿ ಕೆಂಪು ಬಾವುಟ ಹಿಡಿದು, ಪಕ್ಷದ ಚಟುವಟಿಕೆಗಳಿಂದ ದೂರ ಓಡಿಹೋಗುವ ಜಮೀರ್‌ ಅಹಮದ್‌ ಅವರನ್ನು ಸ್ವತಃ ಎಚ್ ಡಿ ಕುಮಾರಸ್ವಾಮಿ ಅವರ ಸಮ್ಮುಖದಲ್ಲಿ ದೊಡ್ಡ ಗೌಡರು ಕಳೆದ ವಾರಾಂತ್ಯ ಪದ್ಮನಾಭನಗರದ ತಮ್ಮ ಮನೆಯಲ್ಲಿ ಯಶಸ್ವಿಯಾಗಿ ರಾಜಿ ಕಬೂಲ್ ಮಾಡಿಸಿದ್ದಾರೆ.

ದೊಡ್ಡ ಚುನಾವಣೆ ಸಂದರ್ಭದಲ್ಲಿ ಹೀಗೆಲ್ಲಾ ಚಿಕ್ಮಮಕ್ಕಳ ಹಾಗೆ ಜಗಳಗಳನ್ನು ಮಾಡಿಕೊಳ್ಳಬೇಡಿ. ನೀವಿಬ್ಬರೂ ಅಣ್ಣ-ತಮ್ಮಂದಿರಂತೆ ಇರೋರು. ಹಿಂದಿನ ಕಹಿ ಘಟನೆಗಳನ್ನು ಮರೆತುಬಿಡಿ' ಎಂದು ಇಬ್ಬರಿಗೂ ಕಿವಿ ಹಿಂಡಿದರು ಎಂದು ಮೂಲಗಳು ತಿಳಿಸಿವೆ. ( ವಕೀಲರಿಗೆ ಪುಂಡ ಶಾಸಕ ಜಮೀರ್ ಪ್ರೇರಣೆಯಾದರೇ? )

ಇಷ್ಟಕ್ಕೇ ಅರ್ಧ ಕರಗಿಹೋದ ಶಾಸಕ ಜಮೀರ್‌ ಅಹಮದ್‌ ಅವರು ಲೋಕಸಭಾ ಚುನಾವಣೆಯಲ್ಲಿ ಜೆಡಿಎಸ್ ಅಭ್ಯರ್ಥಿಗಳ ಪರವೇ ಪ್ರಚಾರ ಮಾಡುವುದಾಗಿ ಪ್ರತಿಜ್ಞೆ ಮಾಡಿದ್ದಾರೆ. ಅದಾದ ನಂತರ, ಲೋಕಸಭೆ ಚುನಾವಣೆಗೆ ಸ್ಪರ್ಧಿಸುವ ವಿಷಯ ಪ್ರಸ್ತಾಪಕ್ಕೆ ಬಂದಿದೆ.

(ಹಜ್‌ಘರ್: ತಿಳಿಗೇಡಿ ಜಮೀರ್ ರಂಪಾಟ ಯಾರ ವಿರುದ್ಧ?)

ಆರಂಭದಲ್ಲೇ ಈ ಬಗ್ಗೆ ಸ್ಪಷ್ಟೀಕರಣ ನೀಡಿದ ಶಾಸಕ ಜಮೀರ್‌ ಅವರು ನಾನಾಗಲೀ ನನ್ನ ತಮ್ಮನಾಗಲಿ ಬೆಂಗಳೂರು ಸೆಂಟ್ರಲ್ ಕ್ಷೇತ್ರದಿಂದ ಸ್ಪರ್ಧಿಸುವ ಇರಾದೆಯಿಲ್ಲ. ಆದರೆ ಒಂದು ಕಂಡೀಷನ್ ... ನಾನು ಹೇಳುವ ಅಭ್ಯರ್ಥಿಗೇ (ಬೆಂಗಳೂರು ಉತ್ತರ ಹಾಗೂ ಬೆಂಗಳೂರು ಸೆಂಟ್ರಲ್‌ ಕ್ಷೇತ್ರಗಳಲ್ಲಿ) ಟಿಕೆಟ್ ಕೊಡಬೇಕು ಎಂದು ಶಾಸಕ ಜಮೀರ್‌ ಅವರು ದೊಡ್ಡಗೌಡರೆದುರು ಅಲವತ್ತುಕೊಂಡಿದ್ದಾರೆ. ಇದಕ್ಕೆ ಗೌಡರು ತಥಾಸ್ತು ಅನ್ನುತ್ತಿದ್ದಂತೆ ಶಾಸಕ ಜಮೀರ್‌ ಪೂರ್ತಿ ಕರಗಿದ್ದಾರೆ ಎಂಬಲ್ಲಿಗೆ ಜಮೀರ್- ಎಚ್ಡಿಕೆ ಭಾಯಿ-ಭಾಯಿ ಪ್ರಕರಣ ಮತ್ತೊಂದು ಮಜಲು ಪ್ರವೇಶಿಸಿದೆ.

English summary
According to sources after the patch in front of the JDS leader HD Deve Gowda beween ex CM HD Kumaraswamy and Chamrajpet MLA Zameer Ahmed it is learnt that Zameer will stay back in the party fold. Also 2 of his candidates to get tickets in Lok Sabha polls.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X