ಉದ್ಯಮಿ ಮನೇಲಿ ಹಣ ದೋಚಲು ಮಾಜಿ ಡಿವೈಎಸ್ಪಿ ಸ್ಕೆಚ್?
ಬೆಂಗಳೂರು, ನವೆಂಬರ್ 30: ಬೆಂಗಳೂರಿನ ಉದ್ಯಮಿ ಸತೀಶ್ ಎಂಬುವವರ ಮನೆಗೆ ಸಿಸಿಬಿ,ಐಬಿ ಅಧಿಕಾರಿಗಳ ಸೋಗಿನಲ್ಲಿ ಇದೇ ನವೆಂಬರ್ 24 ರಂದು ರು 83 ಲಕ್ಷ ದೋಚಲಾಗಿತ್ತು. ಆ ತಂಡದಲ್ಲಿ ನಿವೃತ್ತ ಪೊಲೀಸ್ ಅಧಿಕಾರಿ ನರೋನ್ಹಾ ಅವರಿದ್ದರು ಎಂಬ ಗುಮಾನಿಯಲ್ಲಿ ವ್ಯಕ್ತವಾಗಿದ್ದು ಜೆಪಿನಗರದ ಪೊಲೀಸರು ವಿಚಾರಣೆಗೊಳಪಡಿಸಿದ್ದಾರೆ.
ಈ ಹಗಲು ದರೋಡೆ ನಿಧಾನವಾಗಿ ಬೆಳಕಿಗೆ ಬಂದಿದ್ದು ಸಿಸಿಬಿ ಐಬಿ ಅಧಿಕಾರಿಗಳ ಸೋಗಿನಲ್ಲಿ ಬೆಂಗಳೂರಿನ ಉದ್ಯಮಿ ಸತೀಶ್ ಅವರ ಮನೆಯಲ್ಲಿ ರು 83 ಲಕ್ಷ ಹಳೇ ನೋಟುಗಳನ್ನು ವಶ ದೋಚಿಕೊಂಡು ಹೋಗಿದ್ದರು.[3 ಲಕ್ಷ ಹೊಸ ನೋಟು ಸೇರಿ 13 ಲಕ್ಷ ವಶ: ಇಬ್ಬರ ಬಂಧನ]
ಉದ್ಯಮಿ ಸತೀಶ್ ತಮ್ಮ ಆಪ್ತರೊಂದಿಗೆ ಸಮಾಲೋಚನೆ ನಡೆಸಿದಾಗ ಅವರು ನಕಲಿ ಐಬಿ ಅದಿಕಾರಿಗಳೆಂದು ಕಂಡು ಬಂದಿದೆ. ಈ ಬಗ್ಗೆ ಜೆಪಿ ನಗರದ ಪೊಲೀಸರಿಗೆ ದೂರು ದಾಖಲಿಸಿದ್ದಾರೆ. 83 ಲಕ್ಷ ಹಳೇ ನೋಟುಗಳಾಗಿದ್ದು ಅದನ್ನು ಬದಲಿಸಿ ತಮ್ಮ ನೌಕರರಿಗೆ ಕೊಡಲು ತಂದಿದ್ದಾಗಿ ಪೊಲೀಸರಿಗೆ ತಿಳಿಸಿದ್ದಾರೆ.[ಕ್ಯಾಂಟರ್ ನಲ್ಲಿ ಸಾಗಿಸುತ್ತಿದ್ದ ಒಂದು ಕೋಟಿ ರುಪಾಯಿ ದರೋಡೆ!]
ನಿವೃತ್ತ ಡಿವೈಎಸ್ ಪಿ ನರೋನ್ಹಾ ಅವರ ಕೈವಾಡವಿದೆ, ಅವರು ಈ ಕಳ್ಳತನ ಪ್ರಕರಣದಲ್ಲಿ ಅವರು ಶಾಮೀಲಾಗಿರುವ ಶಂಕೆ ವ್ಯಕ್ತವಾಗಿದ್ದು ಜೆಪಿ ನಗರದ ಪೊಲೀಸರು ಅವರನ್ನು ವಿಚಾರಣೆ ನಡೆಸುತ್ತಿದ್ದಾರೆ.