Click it and Unblock the Notifications
Just In
-
-
-
Don't Miss
-
Rishabh Pant: ಟಿ20 ವಿಶ್ವಕಪ್ಗೆ ರಿಷಭ್ ಪಂತ್ ಭಾರತ ತಂಡದಲ್ಲಿರಬೇಕು -
3ನೇ ಬಾರಿ ಜೊತೆಯಾದ್ರು ಶಿವಣ್ಣ- ಜಾಕಿ ಭಾವನಾ; ಯಾವ ಸಿನಿಮಾ ಗೊತ್ತಾ? -
ಸೌರಮಂಡಲದಲ್ಲಿದೆ 9ನೇ ಗ್ರಹ..! ಯಾವುದದು..? ಎಲ್ಲಿದೆ..? -
ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನಂದಿ ಬೆಟ್ಟಕ್ಕೆ ರೈಡಿಂಗ್ ಹೋದರೆ ಬೀಳುತ್ತೆ ಗೂಸಾ!
Recommended Video
ಬೆಂಗಳೂರು, ಜನವರಿ 08: ವೀಕೆಂಡ್ ಮತ್ತು ಹಬ್ಬದ ರಜೆ ಬಂದರೆ ಬೆಂಗಳೂರಿನ ಜನರಿಗೆ ನಂದಿಬೆಟ್ಟಕ್ಕೆ ಔಟಿಂಗ್ ಹೋಗೊದಂದ್ರೆ ಪಂಚಪ್ರಾಣ. ಅದರಲ್ಲೂ ಯುವಕ-ಯುವತಿಯರಿಗೆ ಬೈಕ್ ರೈಡಿಂಗ್ ಹೊರಟರೆ ಸ್ವರ್ಗಕ್ಕೆ ಮೂರೇ ಗೇಣು!
ಆದರೆ ಪಡ್ಡೆಗಳ ಬೈಕ್ ರೈಡಿಂಗ್, ವಿಪರೀತ ವೇಗ, ವ್ಹೀಲಿಂಗ್ ನಂತಹ ಅಟಾಟೋಪಗಳಿಂದ ಚಿಕ್ಕಬಳ್ಳಾಪುರ ಜಿಲ್ಲೆಯ ಜನರು ಬೇಸತ್ತು ಹೋಗಿದ್ದಾರೆ.
ಹೀಗಾಗಿ ಇನ್ನು ಮುಂದೆ ಡುಕಾಟಿಯಂತಹ ದುಬಾರಿ ಬೈಕ್ ಗಳು, ಬುಲೆಟ್‌ಗಳ ಮೇಲೆ ನಂದಿಬೆಟ್ಟಕ್ಕೆ ಹೊರಟರೆ ಗೂಸಾ ಬೀಳುವುದು ಗ್ಯಾರಂಟಿ. ಬೆಂಗಳೂರಿನಿಂದ ನಂದಿಬೆಟ್ಟಕ್ಕೆ ಹೋಗುವ ಮಾರ್ಗದುದ್ದಕ್ಕೂ ಬೈಕ್ ಹಾವಳಿಯಿಂದ ಕಂಗೆಟ್ಟಿರುವ ಜನರು, ಸಿಕ್ಕಸಿಕ್ಕಲ್ಲೇ ಬೈಕ್ ಸವಾರರನ್ನು ಬಾರಿಸಲು ಆರಂಭಿಸಿದ್ದಾರೆ!
ಇಂತಹುದೊಂದು ಘಟನೆ ಭಾನುವಾರ ಬುಲ್ಲಳ್ಳಿ ಕ್ರಾಸ್‌ನಲ್ಲಿ ನಡೆದಿದೆ. ಭಾರಿ ದುಬಾರಿ ಮೌಲ್ಯದ ಬೈಕ್ ಮೇಲೆ ಹೊರಟಿದ್ದ ಯುವಕನೊಬ್ಬ ವಿಪರೀತ ವೇಗದಿಂದ ಸಮತೋಲನ ಕಳೆದುಕೊಂಡು 11 ವರ್ಷದ ಬಾಲಕಿಗೆ ಡಿಕ್ಕಿ ಹೊಡೆದಿದ್ದಾನೆ. ಬೈಕ್ ಡಿಕ್ಕಿ ಹೊಡೆದ ರಭಸಕ್ಕೆ ಬಾಲಕಿ ಸ್ಥಳದಲ್ಲೇ ಮೃತಪಟ್ಟಿದ್ದಾಳೆ.
ಇದರಿಂದ ರೊಚ್ಚಿಗೆದ್ದ ಸ್ಥಳೀಯರು ಡಿಕ್ಕಿ ಹೊಡೆದ ಬೈಕ್ ಸವಾರನನ್ನು ರಸ್ತೆ ತುಂಬಾ ಓಡಾಡಿಸಿ ಮನಬಂದಂತೆ ಬಾರಿಸಿದ್ದಾರೆ. ಅಷ್ಟೇ ಅಲ್ಲ, ಲಕ್ಷಾಂತರ ಮೌಲ್ಯದ ಬೈಕ್ ನ್ನು ಕಲ್ಲಿನಿಂದ ಜಜ್ಜಿ ಚಿಂದಿ ಉಡಾಯಿಸಿದ್ದಾರೆ.
ವಿಷಯ ಇಷ್ಟಕ್ಕೆ ಮುಗಿದಿಲ್ಲ. ಇದೇ ಮಾರ್ಗದಲ್ಲಿ ನಂದಿಬೆಟ್ಟಕ್ಕೆ ಹೊರಟಿದ್ದ ಬೈಕ್ ಗಳನ್ನು ನಿಲ್ಲಿಸಿ, ಧ್ವಂಸಗೊಳಿಸಿ, ಸವಾರರನ್ನು ಥಳಿಸಿದ್ದಾರೆ. ಇತ್ತೀಚಿನ ದಿನಗಳಲ್ಲಿ ನಂದಿಬೆಟ್ಟಕ್ಕೆ ಹೋಗುವ ಬೈಕ್ ಸವಾರರ ಅಟಾಟೋಪದಿಂದ ಮಡುಗುಗಟ್ಟಿದ್ದ ಸಾರ್ವಜನಿಕರ ಆಕ್ರೋಶ ಸ್ಪೋಟಗೊಂಡಿದೆ.
ಕೆಲ ಗಂಟೆಗಳ ಕಾಲ ಶವ ಇಟ್ಟು ಪ್ರತಿಭಟನೆ ಮಾಡಿದ್ದ ಸ್ಥಳೀಯರು ಹೆದ್ದಾರಿಯನ್ನೇ ಬಂದ್ ಮಾಡಿದ್ದರು. ಇದರಿಂದ ಬೈಕ್ ಗಳು ಮಾತ್ರವಲ್ಲ, ಇತರೆ ವಾಹನಗಳು ಕೂಡ ನಂದಿಬೆಟ್ಟ ತಲುಪಲು ಕಷ್ಟವಾಯಿತು.
ಈ ಎಲ್ಲ ಬೆಳವಣಿಗೆಗಳ ಹಿನ್ನೆಲೆಯಲ್ಲಿ ಇನ್ನು ಮುಂದೆ ಬೈಕ್ ಮೇಲೆ ನಂದಿಬೆಟ್ಟ ಹೋಗುವವರು ಒಂದಲ್ಲ, ಹತ್ತು ಸಲ ಯೋಚಿಸುವಂತಾಗಿದೆ. ಅದರಲ್ಲೂ ಡೆಕೊರೇಟ್ ಆದ, ವಿಪರೀತ ವೇಗ ಹಾಗ ಶಬ್ದ ಮಾಡುವ ಬೈಕ್ ಗಳನ್ನು ತೆಗೆದುಕೊಂಡು ಹೋದರೆ ದಾರಿಯುದ್ದಕ್ಕೂ ಸಾರ್ವಜನಿಕರು ಸುಮ್ಮನಿರುವುದು ಅನುಮಾನ.
ಹೀಗಾಗಿ ಬೆಂಗಳೂರಿನ ಪಡ್ಡೆಗಳು ಬೈಕ್ ಮೇಲೆ ನಂದಿಬೆಟ್ಟಕ್ಕೆ ಹೋಗುವುದಾದರೆ ಹೇಗೆ ಹೋದರೆ ಕ್ಷೇಮ ಎಂಬುದನ್ನು ಅವರೇ ನಿರ್ಧರಿಸಬೇಕು.
